風中的歌...

this song is dedicated to my boss...

〈當愛已成往事〉不幸言中，留在風中不要提... 反而想一提當年差不多同期滾旦另一台柱羅大佑與娃娃合唱了〈如今才是唯一〉，總是覺得兩首歌有點相近，大家都是電影主題曲，連個 MTV 都好似（兩位女歌手都有帶 choker，當年興...）個人偏愛後者，甚至買了娃娃的
《四季》專輯；朱耀偉教授曾提出本地詞人的國語歌詞水準高於廣東歌，那可是夕爺的示範作？

假期後將會遞信，還是想不到老細會有何反應，只好憑歌寄意...
「真的要斷了過去」，新年新工作新生活，「讓明天好好繼續...」~ 歌詞文案 ~ 封底 ~

home and dry...

終於寫完 term paper，尚欠一份 "Exploring the Pygmalion Genre"，有 outline，冇 deadline，不日上映...
買了 60GB ipod backup office 個 harddisk，不過近日主要用作睇 video，Bruce Weber 拍 PSB 三次，還是覺得 'Being Boring' 最好...
02年 PSB 來港開 concert 竟然冇睇，一來覺得貴，二來當時出 'I Get Along' 實在聽到好 sad... 今日聽 ipod 時突然 enlightened：我一直唔知點解隻碟叫 "Release"，以為係久休後蒲頭，release to the public 的意思，點知今日無端端諗通，'Home and Dry' + 'I Get Along' 擺明就係拎得起放得低咁解... 即係〈還是我還是你〉啦。
咁多年我都冇咁諗，似乎我份人真係好唔 let go...

長信不如短訊...

got a job, lost a phone... :<

人大了沒有快樂隨手到...

銅鑼灣 CEO 竟然冇得唱〈漢城沉沒了〉，有點失望...（雖然昨晚的狀態不會唱得太好）；新歌只唱了〈純真傳說〉，不記得古巨基還是誰說林夕是個大細佬，這首歌可是一例？
呃錢《Sandy Lam Remixed》三首歌都有本來唔打算買，在 HMV 見到有 19xx serial number 覺得幾特別，點知原來係「科大憶蓮歌迷會」founding member SW 出生年份! 送俾佢就名正言順地成為一件 collector's item 啦!
ps: 版主呢個星期有三個 interview 同埋 never-finished term paper，下星期會再 post 白板碟~

聽候10年...

〈天衣無縫〉、〈哭〉、〈轉身〉可能是我最喜歡三位詞人為憶蓮寫的歌（《感覺完美》的周禮茂實在揀唔落手...），當年有同學 HC 爸爸在地鐵公司返工，竟然「班」到張燈箱大海報! 雖然冇樣（等 N 分鐘那張），但也成為 どうしてよ [doushiteyo] 以外另一張海報珍藏~
另中學同學 CHC 竟然記得我當年每個星期 track 住叱吒榜，都幾驚!

放飛機的他好嗎...?

記性好的人不能得罪：不記得誰教我摺飛機，但會記住誰放過我飛機...
在過往10年，斷續出現的都是「聽候」、「蟄伏」、「期待」等宣傳字眼，耐心等候成了家常便飯，心理學家大可研究憶蓮歌迷的耐性是否比其他歌迷高... hypothesis: Patience(SL) > Patience(general), p<＝0.01
不知歌迷朋友們可有留意，通常我會 post 一隻台灣宣傳品，然後一隻白板黑膠碟，梅花間竹... 因為台灣碟通常都冇相，而且語言上的歸屬感較低，不過勝在夠 wordy，文案之外仲有 production notes 扮感性；所以台灣有誠品，香港只有 Armani 同 LV...

reason vs. excuse...

冠冕堂皇的是藉口，開不了口的是理由。

找出50種錯處...

不一定是錯處，應該說是不一樣的地方...（當然也不見得會有50種）
〈薔薇之戀〉第一個版本不見天日，當年在收音機只錄了半首，仲有黃志淙夾歌...
商業一台91年同名廣播劇主題曲，編曲的骨幹大致相同（只聽半首不敢作實），我的估計是最初只為那個廣播劇而唱，搵唐奕聰編曲，然後《野花》因利成便，但為了貫徹 Dick Lee flavor，based on 原有編曲修改：例如第一版 intro 比較像伊甸園（唔知有冇夏娃...），鋼琴同小提琴帶出懷舊 feel；album version 個 beat 就比較勁，時代感重好多，再加埋 bababalababala... 讓憶蓮與 Dick Lee 年頭唱到年尾（勁過 Don & Mandy：）不過兩個版本都有 CoCoCoCome On...
唯一的錯處應該是第一版唱錯兩粒字：「薔薇」[xiang wei] 唱成 [chang wei]，「折磨」[zhe mo] 唱成 [jie mo]，歌名都唱錯，一定要錄多次啦... 這也証明憶蓮及後成為「寶島歌后」實在有下過一番苦功...

誠意徵求：〈薔薇之戀〉第一版 full version，重酬!!!

真高興...

聽了三日「關淑怡身邊五個男人」：林一峰係「粉絲朝聖」、黃耀明係 technical 層次、Thomas Chan 係傾閒偈... 首次聽 SK 提及《春光乍洩》...
聽返92年超級樂迷集中營，好搞笑... 以前冇得上網答問題，晨早起身打電話上電台過兩關：第一關咪後答十題(?)，CBS/Sony 年代問題都幾難答，所以第二次先答中；第二關完全睇彩數，無厘頭如「低胸露背衫調轉著但有記者影相咁憶蓮點算」之類的選擇題，唔記得問我的問題，只記得之前那個答錯，淨返我二揀一... 那個DJ是Eric...
當晚應該係第一次近距離見憶蓮，說了很多傻話，還記得咪後叫憶蓮叫我努力讀書；唔記得有邊幾隻白板碟簽了名，反而記得 Joey 幫我簽凡風《紫色夏日》...

?? palindrome...

first of all, 祝賀m小姐成為林夕字迷，我都希望佢開心...

back to subject, 如果我話讀 ISMT227 - Data Management and File Structures 乜都學唔到，淨係識多個英文字，都實在幾諷刺...

還是跟 subject 有點距離，anyway, 近日忽發奇想，諗到 Paco 簽憶蓮兩年，一定冇咁順攤開一次演唱會咁少，於是奢想定下次演唱會仲可以唱乜...？（連〈回家對著你媽媽〉都出動埋，真係要發掘一下其他滄海遺珠...）
翻查記錄，華納/華星時代有派台又沒有在演唱會唱過的，合唱歌之外只剩下一首〈匆匆〉（打唔到心字部首 -_-...）。封面印著〈匆匆之匆匆鬼話鬼匆匆〉，令人以為得一首歌，其實亦有收錄 album version；小弟網頁亦有提及這是少有的 double-sided 白板碟。
有歌迷朋友或會問：「乜呢首歌香港有 plug 過？」其實小弟亦毫無印象，因此當年見到即買，而且應該係高價買入... 不過如果金錢難得可以買到快樂，又何樂而不為呢...？不知是否因為用紙套入住，Side A 同 Side B 都已發霉，不過既然我係唔係都唔會聽就冇乜所謂啦... btw, 今次 credits 終於有註明「混音：楊振龍」，可能佢當時已經有番咁上下人氣... 另外值得一提的是兩幅相好靚，back cover 唔係我手震，陰影應該係 intentional movement...

ps: 都係冇解釋何謂 palindrome, 我都唔知中文點叫，不如查字典...

獨家試唱...

06年首要任務：to learn not to treat what is not mine as mine...
試唱過便算，不求獨家...

dear friends, 又一年，友誼N歲... 世事總不能永遠永遠，應該慶幸我們之間N歲的友誼。2006，希望做個好人、早日轉工（唔駛做都唔錯...）、繼續飲熱 horlick...