White Board Sandy 林憶蓮 白板 collection of Sandy Lam promotional "WB" singles

Wednesday, April 30, 2008

你有一條管...

隨著節奏在...
小弟後知後覺,終於染指 youtube 了...
其實自己好少睇,覺得此等質素難以接受;不過近排開始漫長文物修復數碼化大工程,搵返奇形怪狀片段都可以同大家稍作分享。公司部機慢,所以唔會 embedblog,得閒上去望望,同本部落格一樣,不定期更新...
擁抱你但願能 隨著我這感覺 風中輕輕轉身
如果睇完想留底可以 addmsn [wbs@whiteboardsandy.com]

Sunday, April 27, 2008

蓮誌別注 - be who u're from...?

大家或者都知道come as you areNirvana 91 年大碟《nevermind》第二張 single,至於「be who u are」則一直無從稽考(至少我唔知啦),不過今日唔覺意搵到另一個疑似源頭:
Page One 見到呢本過期Another雜誌半價,見 Julianne Moore 披頭散髮諗住都買得過,俾完 $$ 打開內頁就發現超值:inside front10 Steven KleinD&G 08 A/W 廣告,內頁再加 4 版介紹呢個 collection,通常冇人睇 editor's foreword 又竟然俾我望到... 咦...?
話說攝影師組合 van Lamsweerde & Matadin 影封面之外仲有另一輯幫 13 個女演員求其影幅相,求其在於自備 wardrobe 任擺 pose,做番自己;13 位我識唔晒,不過竟然有 Isabella Rosselini,而我就比較鍾意下面呢幅 Claire Danes呢期係 079 月頭出街,月尾 live 07 記招 poster 就見到同一句 tagline,真係唔知係事有湊巧定係移花接木(我一向都唔喜歡一個用 'you',另一個係 'U',覺得唔 consistent...)

Saturday, April 26, 2008

蓮蓮有今日...

自林小姐過著飄泊浪蕩的野花生涯,其廣東 first plug 通常都略帶本土氣息:例如<回歸>驚鴻一瞥,<哭>mv 周格泰飄洋過海坐電車,以至<本色>巡遊匯豐、中銀、會展,不過始祖就應該係<決心>tvb mv94 年穿梭大陸台灣日本等地,未出日文碟就不斷有日本音樂人原創曲目填上華語歌詞(前作有<戀愛再不遠處等我>同埋<暗示>/<春雨>,後者仲竟然冇日文版);<決心>係闊別本地樂壇數月後之力作(9193 年幾乎個個月有 plug 歌),咁耐冇見當然要聊表心繫香港之意,所以 mv 亦於中環鬧市實地拍攝,匯豐、中銀、電車站之外當然唔少得立法局大樓(pre-97),按圖放大可以睇埋 captions 了解路人甲乙丙之由來(我估呢本係《東方新地》)。youtube 竟然搵唔到呢個 mv,等我搵下自己床下底...
同場加映<不如重新開始>梳頭記,其實 tvb 版同星工廠版都係相近造型,亦同《號外》輯相好似(按圖看全文):
生日賣大包:加送 92 年《SCMP Guide》報導廣西之旅,標題竟然有 'mercy',呢位 editor 肯定係粉絲(again, click to view the article, and please support Watchdog / World Vision

Wednesday, April 23, 2008

一世... 第二...

如果我沒有遇上林憶蓮,關淑怡應該是我的最愛... (雖然程度上或者還不足以相提並論)
關小姐兩個大頭封面都深得小弟鍾愛,我幾肯定呢件綠色西裝褸影全身唔會好靚。
前文提及關小姐頗適合唱改編歌,寶記索性一雞兩味:印象中第一次見白板碟係原曲同廣東改編版本一併收錄,查實改編歌詞以至編曲亦忠於原著;可能因為趕年尾頒獎禮,《love is forever》大碟基本上係全改編歌,跟同年暑假推出《金色夏季》剛好相反(得一首<午夜狂奔>改編自瑞典姊姊花組合 Lili & Susie)。而呢隻《favourites in originals vol. 8》亦收錄 Gregorian 另一首<So Sad>、<白費心機>改編自 Vanessa 'Wilhemina' Williams、仲有<熱愛 can't let you go>(都係來自 Lili & Susie)等原裝正版。
無端端有一個關淑怡演唱會,本身已是 unexpected,如果求其唱以下一首,就真係超乎想像值回票價(已成功由山頂 upgrade/downhill 到第三行):
<繾綣 28800 bps>- 雖然已經係 terabyte 世代,我們在網上談情說愛卻有增無減,所以我更嚮往 live
<忘記他是她>- 寧願佢唱呢首多過<忘記他>,少有 CY Kong crossover 陳輝陽,最好有 strings 現場伴奏
cucurrucucu paloma>- 我唔介意套戲冇佢份,不過連首歌都冇埋就太過可惜
<他需要你她需要你>/<月光曲>- 呢兩首同類,都係有兩個版本(廣東 vs 國語/合唱 vs 獨唱),編曲同唱法都唔同,求其唱一首我就已經心滿意足
<心急>- 個人 ultra-unexpected 之選 ,你諗下今時今日要佢唱「思想雖開放 談吐也爽朗 人卻永不放蕩」,我就真係想像唔到會係點喇

Tuesday, April 22, 2008

我的80年代...

童年你與誰渡過...
如果劉美君演唱會如此 80 年代,我認為 Jerald 亦應記一功~

Thursday, April 17, 2008

我懷念的 - yes!

其實唔係特別懷念...
唔聽港台,唔鍾意倪震,唔係見有林小姐(仲要係獨家相)都唔會買《Yes!》...第一輯 SL Yes! 咭有兩張,係呢輯相轉黑白,背面係<再生戀>/<愛上一個不回家的人>歌詞,即係 91 年;第二輯變番彩色,後面印有「永遠支持林憶蓮」之類無聊 slogan;打後都係普通宣傳照,最後一輯係 94 年,歌詞係<赤裸的秘密>。偶然有一兩張係閃咭,不過我覺得唔閃仲靚,其實我自己好少去抽,其他玉女粉絲同學抽完唔要都會自動俾我。
同場加映 SK《真情》漏網照,效果同封面果然爭好遠... btw, 小弟有山頂飛多,原價出售有冇人認投?(10% off for SL/SK fan club members
Apr 24 (Thu) - aisle 45, row 34, seats 88-89 [aisle]
Apr 25 (Fri) - aisle 45, row 35, seats 88-89 [aisle]

Tuesday, April 15, 2008

禁禁禁禁禁劉美君...

早幾日睇返無線音樂台訪問,<大開色界>播唔夠半首未倒奶就冇得睇,其實之前睇 youtube 覺得咪又係咁,反而新碟另一首<私人補習>仲梗,樂而且淫;不過劉美君「禁歌」太多,下面嚴選五大另類 guilty pleasures
- <玩玩>/<我估不到>/<事前>:《赤裸感覺》包辦三首,冇揀<事後>,覺得前戲身心更刺激;其實三首主題都係紅杏出牆,一般「信女」歌手邊夠班唱?<玩玩>女權至上無悔獨立宣言,<我估不到>以故事表白純屬意識越界,<事前>靈慾交戰講到冇得揀其實都係自己揀,配合埋《四度危情》音樂特輯(附劉華金句),論概念完整絕對唔差過林小姐
- <多些給我那些>:原名<事前事後之間>,左右對聯迫爆中間個貞節牌坊,不過我總覺得歌名係林振強回應周禮茂<這麼那麼怎麼>;同碟林振強有<夜已變得騷了>,後來周禮茂又有<最騷的夢>,可見某些字眼適合某類型歌手(周仲寫多首<搔我心底癢>,狀態化成動作)
- <娃娃歲月>:冇錯,呢首係小弟禁歌之首,平時聽《不再娃娃》<China Girl>之後一定要 fast forward;聽新曲+精選以為冇 intro 一段「外婆叫我小寶寶...」冇咁難頂,點知聽兩次都喊(第二次仲要身處公共空間,雖然周圍冇乜人)。Dick Lee 旋律一貫動人,倒是劉、周洗盡鉛華(定係應該話洗心革面?),再加上小弟個人感情分,令呢首<前塵>姊妹作地位超然(seriously,有一期我仲超鍾意食潮州粉果...)
9212月,歲月逍遙音樂會@ AC Hall,因為第二日要考 Biol 而冇去睇(中四文科都要讀一科 science,好驚唔合格,個阿 sir 又面目可憎,而家做補習天王反而見佢笑容滿面),屬小弟少數之人生憾事,於是今次一早(未知有林小姐)就買定飛(雖然係山頂);由冇(話有)嘉賓變成 80 年代群星懷舊晚會,唔知會唔會搵 Eason 唱番首<午夜鳴>?(雖然我更期待睇/聽 Jerald 點樣由細玩到大...)這晚 get on high [buy tickets]

Thursday, April 10, 2008

watchdog / pizza

林小姐聯同 kiehl's 攜手為 watchdog 監護者早期教育中心籌款,將位於九龍佑寧堂的前 sunnyside 幼稚園改建成「監護者」新校舍,為更多 6 歲以下、有特殊需要的小朋友,提供早期教育及訓練。sunnyside 位於佐敦道近覺士道,小弟細個做童軍經常路過;為延續日行一善精神並與林小姐共襄善舉,小弟下月將舉辦一步一生步行籌款,迫一眾友好行山兼/或捐款,目標籌得四位數字(個 range 都好闊...),有意 sponsor 我歡迎電郵小弟$100 以上會發收據作扣稅之用。

近日派對指定餐廳當然係
pizza hut,呢個露絲瑪莉薄餅都唔錯(雖然個人比較鍾意上一款),不過竟然送漏兩客小弟至愛蘑菇湯 -_-
細個覺得去 pizza hut 都算豪,懶有歐陸風情,當然後來發現係港式 'fusion';愈大愈揀擇,寧願平日勁求其偶然食餐好(/懵),all-time favoritesamaroni's assorted mushroomscafe o mushroom + pesto...(不如星期六去?)

Saturday, April 05, 2008

才發覺很久沒有...

<哭>原版 intro 頭三粒音同 mv 導演周格泰個名竟然同音,十多年來都覺得相當吊詭(作曲編曲都應該唔係咁識廣東話...)
可能忙於
記錄,可能編曲改動太大而產生疏離感,睇十場 live 07 竟然冇喊過,點知...
是夜本來去睇《最遙遠的距離》,不過友人 SLsick leave),求之不得:即刻去信和買(舖頭仔 $168 送海報,其他幾間都要加 $10),搵個合適場地(sony projector/六呎屏幕/一對 bose 161 喇叭)重溫盛況。
當然係先睇 disc 3:<詞不達意>都仲 ok,<為你我受冷風吹>就不能自已,畢竟以為冇機會再聽呢個版本,去南京會唔會再唱?

disc 1 好似睇 orchestra recording,之前留意唔到某幾首歌有某種樂器都睇得返,最感動係兩首單字歌(可能因為剛剛睇完 documentary),邊睇邊喊... 蓮教果然異常 cathartic,同 televangelism 有得揮~
disc 2 只係睇番<incomplete...>,都係想像唔到去到 K 點唱...
你有多久沒有感受自己?look inwards, be who u are...