~ White Board Sandy

love, life, sandy and me [i]

2010-10-03T03:21:00.003+08:00

[挪用，想不到更碟貼切的題目，請見諒]蓮迷睇番 91 勁歌總選都有感而發，而家諗番雖然只係一場遊戲亦難免勞氣...
為舒緩大眾負面情緒，聽番呢段＜超級樂迷集中營＞，笑番 :>
----------
當年大部份都係十五十六，唔知有幾多仲係如此忠實，見字請相認啦~

蓮糕製作示範

2010-02-14T00:04:00.003+08:00

本來只係戲言有冇「歡樂蓮蓮」揮春，點知　facebook 真係乜都有；本來諗住 post 92 年錄音片段，點知部 hi-fi 食帶，要下個月返港先得閒去整，惟有睇住小弟整糕過年啦：先將增城片糖加水煮勻，混入糯米粉同沾米粉，攪攪攪，然後入盤入爐蒸一個鐘左右就食得，係咪好簡單呢
初六外訪未能到滬拜蓮，祝各位蓮迷旅途愉快，蓮蓮歡樂年年有得睇，去到記得食上海蓮糕...　

雲吞外傳

2010-01-17T13:03:00.000+08:00

有時唔知仲係咪要寫 blog，facebook 快靚正，歌迷們要聽都或已聽過，不過作為記錄或補充，容許小弟循環再用。
最初見《本色》冇首係黃偉文都覺得怪，以為係刻意重拾舊情懷，點知事隔數年由當事人和盤托出，Wyman 以 JPG 自比都相當貼切，不過 live '07 得幾件衫都有 I.T 同 Swank 一齊贊助啦，相信佢聽完＜再見悲哀＞之後都自覺抽身屬明智之選。
其實聽番呢個 97 年專訪亦有跡可尋，溫婉地話你知問題好難答，只好如戰地記者隨機應變；不過音樂創作更為主觀，的確更難解釋點解鍾意／唔鍾意
---------- 選擇／堅持
---------- 別人眼中的逃避其實是另一方法的面對
---------- 原來仲有蘋果批
---------- 隨著我這感覺
---------- 小弟整餅都係由搓麵粉做起
---------- 雪雪湖
---------- 緣份與運氣
唔係講安慰說話（亦冇呢個需要啦），Wyman 填過三首半都係佳作（雖然佢澄清＜日與夜＞有句唔關佢事），惟有嘆句「悉心灌溉花不開」，體現了見好即收的大道理...
同場加映冇火花合唱歌，天王之中學友固然最夾，城城至少高度／舞蹈相襯，呢兩首係咪好似憶蓮所講，冇選擇焗住要做呢？
---------- ＜Always On My Mind＞ w/ 劉華 @ 饑饉三十閉幕音樂會 '93
---------- ＜你知道我在等你嗎＞ w/ 黎明 @ 叱吒樂壇北京音樂會 '93

愛情生活你~我

2009-12-31T16:38:00.001+08:00

久未update，公私兩忙，總結09，有幸看了三場演唱會，仲一齊坐過火車。近期 youtube 風聲較緊，趁假期復刻一堆錄音帶，順祝各位有幸睇憶蓮10（希望香港都趕得切開啦）
---------- ＜歲月流聲＞@共創明天音樂會：意亂情迷濃縮版，不過作為忠實歌迷，寧願佢唱自己 side tracks 都好過別人的歌，所以 KL 唔唱 80's medley 係明智之舉...
---------- 《回來愛的身邊》商台廣告：彭魯千古風流，天地野花依舊... 當年應該唔識何謂政改方案，不過亦感受到蓮歌比一般流行曲多一份知性，資本主義階級觀念上身
---------- ---------- 商台訪問92：從知性到感性，愛情來了，道理都變得幼稚...
---------- 趙增熹談與憶蓮合作：星工廠都算係木人巷，近＿者＿，道聽途說得知憶蓮工作團隊一絲不苟，或多或少影響小弟日後工作態度（都試過要人改七、八次）
---------- ---------- ---------- ---------- 饑饉三十閉幕音樂會99：香港唱＜鏗鏘玫瑰＞同＜理由＞應該係得呢次，小弟冇去，如果有應該會睇到喊，因為拉闊都一出場有喊，少見多掛
---------- ＜情人＞@創作人音樂會：可能太耐冇聽，唔知係家駒定係憶蓮，竟然一聽就喊，心情難以平復...
歌仍能聽，樹仍能種，機仍能接，演唱會仍能看，畢竟已是福份

KL 精選四十首

2009-11-29T04:00:00.001+08:00

我的心在跳舞 - 一個人 - 不還你 - 夜太黑 - 情人的眼淚 - 心野夜 - 逃離鋼筋森林 - 日子 - better man - 為你我受冷風吹 - 哭 - it wasn't meant to be - 默讀傷悲 - 為何他會離開你 - 沒結果 - 走在大街的女子 - 願 - 葬心 - 滾滾紅塵 - 玫瑰香 - 當愛已成往事 - 至少還有你 - diva - 天大地大 - 一分鐘都市一分鐘戀愛 - 灰色 - 傾斜 - 燒 - 瘋了 - 聽說愛情回來過 - 影子情人 - 不愛的理由 - 這些那些 - 傷痕 - 愛上一個不回家的人 - i swear - get here - 誘惑的街 - 日與夜 - 此情只待成追憶

2009-11-23T14:02:00.001+08:00

我想我是個幸運的人。
20年前開始聽林憶蓮，到今時今日佢仲出唱片，我仲可以去機場等佢，那是我的福氣。
佢或者冇諗過，潛移默化佢對我（或其他歌迷）改變有幾大；我都冇諗過，無心插柳佢帶俾我竟然有咁多。
吉隆坡同上海都應該唔會站在第一排，不過 ipod 總有 live 07，期待明年一齊去 live 10。

道歉啟示...

2009-11-01T11:31:00.001+08:00

喜歡的歌手伴隨我們長大，部份歌迷都會結婚生仔，有自己家庭、事業之餘仍然保持著對歌手的寵愛（或是忠貞），長情本身也是美德：憶蓮、美君、淑怡、千嬅迷皆如是（唔係點可以買齊佢 a music 三隻碟？）
於是四歲小朋友大可以識唱＜浮花＞，雖然佢應該冇半秒會想放棄生命；於是歌迷可以扶老攜幼（或眷，可以兩個人一齊去睇其實好幸福）到場支持歌手，不過唔代表可以當係久別重逢私人聚會閒話家常傾足大半場，尤其當台上歌手唱緊滄海遺珠如＜不可能說的夢＞、＜事前＞等，小弟成世人都未必再有機會聽佢現場唱（段估呢班歌迷都唔係同佢熟到會匿埋K房真身演譯，你估真係＜自甘墮落＞個歌女咩？）
於是小弟諗唔通，唯有出聲。上次係 live '07 第七場，今次冇講英文算係咁；不過話人者是，小弟都要告解自己一樁惡行：話說 '07 第一場同 m & ple 姐睇 $480（另幫朋友買兩張 $680），大半 side tracks 兼編曲改到七彩，興奮程度可想而知，於是兩個蓮迷加一個夕迷（或者係兩個女人加一個狂迷）齊齊估歌，最叻梗係我，連＜天衣無縫＞都估到，不過中場見後面觀眾黑面都有所收歛（定係佢係因為首首都唔識而黑面呢），不過諗番都覺得騷擾到人係小弟唔好，謹此致歉。
呢個故事教訓小弟：演唱會一定要睇頭尾兩場，仲要買貴價飛同歌迷會坐前面；如果朋友唔肯陪你睇咁貴就要撇，因為佢同你唔係咁熟兼會阻住你；你係去聽歌，聽／睇現場演譯，心情好像吹不滅的蠟燭，當天只有著你我。

LOOP

2009-10-15T21:03:00.002+08:00

youtube 有得睇喇

下雨天黃雨衣...

2009-10-12T02:05:00.000+08:00

haircut for free...

2009-09-21T10:12:00.000+08:00

心跳30天，不覺澳門行已是一個月... 記得完場後再去 food court（開場前都有去，前後都有飲 fat burger 奶昔，仲 fat 過個 burger），十二點幾竟然見到 Kim 現身，不過咁夜冇得食，跟住唔知邊個就大嗌「haircut for free!」，佢梗係冇反應啦；成萬個威尼斯人，最低消費 $480 都講緊接近 $5 mil，小弟覺得上台賣廣告都 ok，戲言嘩眾就...
不過算啦，kr+ 同憶蓮合作 20+ 年，唔計佢就只得 Anthony 有長期服務獎，有功兼有勞，等小弟都幫佢宣傳下啦：
kr+ 中環威靈頓街50號2樓 2191-2222
如果俾得起就直接去遮打大廈 kimrobinson 2121-8484
北京同新加坡都有得剪，聽講德里都有，唔知 signature 係咪印度火西施...？Max Factor 係俄羅斯皇家芭蕾舞團駐團化妝師，20-30 年代活躍於荷里活，而家同 SK-II 一樣隸屬 P&G，個中文名譯得頗文藝，雖然賣廣告時都唔覺仲有用；唔知 93 年呢一輯《美的鍾情》仲有邊幾位嘉賓（可能係港姐之類），憶蓮呢集就係大年初一，唔夠四分鐘就 set 三個頭換四套衫（仲要同 KR 襯番色），極盡視聽之娛。
同上堂返學一樣，小弟對髮型師要求係靚快正，唔係剪成點係佢個樣，畢竟係近距離接觸... 所以我覺得我而家個髮型師好過 KR，唔駛轉~

今夕何夕 - 猜一都市 (唔係 lisbon)

2009-09-05T17:13:00.000+08:00

兩個世界，兩個禮拜 -
20:33 我的心在跳舞／一個人／不還你／芝加哥的故事／情人的眼淚／心野夜／逃離鋼筋森林／沒結果／為你我受冷風吹
21:22 葬心/滾滾紅塵 - 有時會諗唔知係咪上次同學友唱完金像獎而加插呢段：小蟲與關錦鵬兩度合作均屬高難度演譯，相對地羅大佑曲風親民，一般觀／聽眾共鳴較大；蓮迷向來被縱慣，應該偏愛前者（至少小弟如是）
21:27 魚嗜水之歡 - 編曲雖然都係以鋼琴／結他（仿 flamingo？）為骨幹，但整體效果同 96／06 又唔一樣，當然主要都係聽聲啦；其實呢首歌屬於紅玫瑰，白玫瑰安放家中花瓶，有時甚至唔知外面有紅玫瑰存在
21:30 無意的柔情萬種 - 小弟一向唔多鍾意呢個獨唱／大合唱版，不過今次唱到第二次 chorus 先至遞咪，又或者因為有之前三首打底，感覺上冇咁突兀；好明顯係大合唱效果比唔上內地任何一場，林小姐都話大家怕羞，其實咁先至體現到一國兩制文化差異
21:34 而你在這裡 - 有時會期待呢首國歌有朝一日會變到＜愛上一個不回家的人＞咁（雖然一定有人會唔鍾意...）〔KR 唔見人，梗係入後台幫佢整頭髮啦，頭先前面 set 得唔夠行，額角有細碎髮腳牽繫...〕
21:41 為何仍然在想共你 - 原來呢 part 快歌組合幾有趣喎：由都市觸覺 321 倒數至 80 年代，再整首＜震撼＞雖然係 93 年，但至少歌詞夠晒 retro
21:45 沒破壞你與 - 今次冇勁 drum beat（雖然上次真係嘈到拆天），冇背景 graphics，跌 watt 喎；當然冇去廣州又唔會咁樣比較，應該照單全收
21:48 一分鐘可講到什麼 - 屈指一算，＜Mardi Gras＞五首都唱成四首，係冇唱＜不不不＞（最大機會有人唔識）
21:51 那次遇上才知 - thx to each of the dancers（全場都夾口型那個係 Keith，可能係我個年代？）今次真係唔記得多謝排舞老師（上次廣州都係後補），唔同去 KL 要唱番＜要不要＞？
21:56 80's medley - 如果唔係有得握下手可能就冇咁 high，至少對頭 9 行大部分觀眾（包括我）如是，不過聽講後排就唔係咁睇到呢個盛況
22:04 相對論和物理都未能 - 結他處境好強，令小弟諗起《天地野花》＜始終一天＞「華仔」
22:08 - encore -
22:10 不聽不觸摸不痛楚 - 又見朝陽，flashback 到 91 年 2 月 14 號，去觀塘唱片舖買完即刻在巴士上聽 walkman（各人可能在不同的時空做著相同的時情，可以係 88 年，可以係信和...）又見朝陽，佢未出場我就喊喇
22:15 -（talk - 鳴謝 credits 時明顯地聲沙，又係 hard-sell "haircut for free" 時間，不過冇計啦，"for you i'd do anything"... 就算只係戲言，都會想有人對住你咁講）
22:18 這樣的輸贏結果 - 好鍾意擺低咪跳舞一段，唔係話要勁到去迪斯可意亂情迷，不過真係柔情盡化於身體
22:24 - encore -
22:30 這晚你偶然來 - 小弟又係晨早罷定頭位，冇歌唱一回事，近距離見下都好，畢竟一別可能就係三個月（雖然等成年都唔係未試過...）
22:34 - finir -
01:25 - bellini - 我們都享受和珍惜生活的偶然來，如果唔係有間免費房，唔係一大班人去 food court 食宵夜，唔係有人買大點知開圍骰，又未必會巧遇林小姐去可以歌舞飲醉酒吧在威尼斯，直到視線模糊...

澳門市花 - 猜一歌手 (part 1)

2009-08-30T11:31:00.000+08:00

好似好耐之前，原來只係一個星期 -
20:33 來不及把答案想清楚 - 好多場巡迴都係以呢首打頭陣，親民地延續 live '07 spirit；原來《原來》大碟亦只係得呢首有唱番
20:37 也許是我太認真 - 頭三首歌作為熱身，效果唔錯，由輕快到 disco，由陌生到熟悉
20:41 陪我去迪斯可 - 女皇提早特赦全場被罰坐蓮迷
20:46 - talk - 問下有幾多人來自 hk，今次真係可以作為出年返港的「試水」指標
20:48 像猛火高唱 - 可能以往忙於聽覺享受，呢一刻突然驚覺佢演譯慢歌時都有其 body language（愚見不能稱之為「台風」），舉手投足都在講故事；去 KL 時小弟要多看台...
20:52 有情人眼淚最珍貴 - 順帶一提，台中間 video wall 同廣州一樣慢半拍，雖然呢首因為有吹泡泡而冇即時轉播
20:57 在我心也有拉扯 - 聽到「mercy」仲唔彈起身咩，最懷念係聽佢 rap... btw 希望後排兩位「長輩」唔介意小弟企／跳足大半場（雖然多數唔會咁神心睇到呢度）
21:00 缺乏一些感性衝動 - angelita 嗌 intro 似乎有做手腳，echo 好勁，我自己就覺得唔使啦，原聲演譯已經夠勁兼真材實料
（＜逃離鋼筋森林＞musician credits）基本上係廣州班底，上次冇提 Paco 負責 programming（果然係被貶喎...），另吉他手今次係 Danny + Tige
21:10 擁抱著晚風 - 又有新衫，今次係一條圍裙（某角度似...）不過最主要係聽佢唱，唔算完美（少少唱錯歌詞）但放得好盡，間接令後段聲沙，好彩可以抖番兩三個月
21:15 我真的這樣以為 - 今次同廣州又唔同：冇 string chords、冇 chimes，連 guitars 都唔 emphasize，突顯歌聲；finetune 過後有點似 live '05，寂寞擁擠
21:19 - 送花／talk - 聽講市花係蓮花喎... 澳門對大部分港人都應該「陌生的城市」，小弟亦見到唔少「熟悉的網友」（包括素未謀面的歌迷網友）
21:22 葬心/滾滾紅塵 -
21:27 魚嗜水之歡 -
21:30 無意的柔情萬種 -
21:34 而你在這裡 -
21:41 為何仍然在想共你 -
21:45 沒破壞你與 -
21:48 一分鐘可講到什麼 -
21:51 那次遇上才知 -
21:56 80's medley -
22:04 相對論和物理都未能 -
22:08 - encore -
22:10 不聽不觸摸不痛楚 -
22:15 -（talk - ）
22:18 這樣的輸贏結果 -
22:24 - encore -
22:30 這晚你偶然來 -
22:34 - finir -
01:25 - bellini -

給和我坐D行的蓮迷們...

2009-08-23T06:15:00.002+08:00

小弟一拖七（各自）過大海：
A - fyp 那年我們應該還在 rm 4380 用 winamp 播著＜至少還有你＞，當時肯定冇諗過可以去陌生的城市睇熟悉的憶蓮... 咁就十年，約定出年返香港睇 live '10
C - 沒法解釋的印象，總覺得 4/26 之前一定有見過你，唔知係貝沙灣、九龍灣定係台灣... 剛買了新 dslr，等小弟操練定下次幫你同佢再影過合照
H - 習慣有兩手準備，於是買定多張飛約一個人去睇，可惜佢話唔得閒；點知開場前又竟然撞到佢同另一個人出現於 food court，真係邪到呢... 所以我衷心多謝你候補，因為小弟 live '02、05、07 都試過隔離有吉位
K - 可能係小弟第一個因憶蓮而相識的朋友（唔計 sandyandme，佢算係 celebrity），閒話家常到一個與憶蓮完全無關的地步... 過去一年也認識了很多歌迷朋友，蓮逢知己千首少　
S - somehow 小弟做過的幾間公司／部門都冇乜蓮迷，可以同你作為同事／朋友一齊去睇演唱會實在相當榮幸... 如果有一日（唔知好彩定唔好彩）大家變了舊同事，希望都可以一齊去睇啦
仲要多謝朋友的朋友一齊睇，C、E 行蓮迷唔介意小弟紮紮跳，dy & friends 讓我笑吧同埋令我見到憶蓮多一次，同埋所有到訪／留宿 rm 11-045 的蓮迷令我唔使一個人...

一起與__望海

2009-08-23T03:30:00.003+08:00

20:32 - encore ／20:33 來不及把答案想清楚 -／20:37 也許是我太認真 - ／20:41 陪我去迪斯可 - ／20:46 - talk -　／20:48 像猛火高唱 - ／20:52 有情人眼淚最珍貴 - ／20:57 在我心也有拉扯 - ／21:00 缺乏一些感性衝動 - ／21:10 擁抱著晚風 - ／21:15 我真的這樣以為 - ／21:19 - talk - ／21:22 葬心/滾滾紅塵 - ／21:27 魚嗜水之歡 - ／21:30 無意的柔情萬種 - ／21:34 而你在這裡 - ／21:41 為何仍然在想共你 - ／21:45 沒破壞你與 - ／21:48 一分鐘可講到什麼 - ／21:51 那次遇上才知 - ／21:56 80's medley - ／22:04 相對論和物理都未能 - ／22:08 - encore - 22:10 不聽不觸摸不痛楚 - ／22:15 -（talk - ） 22:18 這樣的輸贏結果 - ／22:24 - encore - ／22:30 這晚你偶然來 - ／22:34 - finir - ／01:25 - bellini -

viva la diva...

2009-08-09T11:15:00.005+08:00

20:20 credits - V.O. 特別鳴謝淨係講 I.T 冇講 Swank，唔通冇衫揀得落手...？
20:22 diva - 開場前 ipod 真係播到呢首，成晚基本上係 05 crossover 07 rundown 加埋唱 k 時段...
20:26 天大地大 - 有幾套衫都係 corset 造型，加埋閃閃下令我想起 90 年代 D&G 系列
20:28 一分鐘都市一分鐘戀愛 - 廣州果然好親民，快歌近乎全部廣東，連＜不還你＞都唔要
20:31 灰色 - A 覺得「心中絞痛」個台風真係好似攪攪下，我覺得又 ok 喎...
20:34 - talk - 林小姐記錯以為自己廿年冇到過廣州開個唱，邊有咁耐呢，廿年前真係連國語歌都冇首
20:36 芝加哥的故事 - 慢歌冇投影 graphics，發現台中間兩大塊 video walls 慢現場半秒，變相唔夾口型，側邊兩塊即時投影又冇事，有關當局請考慮作出適當調整
20:40 早晨 - 同上一首一樣都係原汁原味演繹（編曲同大碟版相當接近），見有和音咁得閒抹汗就知冇 angelita solo
20:44 情人的眼淚 - 之前唔係特別鍾意，今次又覺得好好喎：可能因為冇連住＜薔薇之戀＞，或者係現場反應唔錯（我諗有內地觀眾寧願佢多唱國語歌），又或者因為見到前一行個小朋友玩泡泡玩得好開心
20:49 逃離鋼筋森林 - 基本上逢係快歌頭幾排港迷都嘗試企起身舒展下，跟住數名保安（唔係公安）就會過來「照田雞」；唔知憶蓮係咪見咁無奈，唯有叫大家拍下手啦
20:54（＜逃離鋼筋森林＞musician credits）bass - 何俊傑 / guitars 阿賢, Tige / (2nd) keyboard - Rico / drums - Vjang / backing vocals Patrick, Silver, Angelita
20:57 日子 - 編曲多了一種仿鳥聲，層次感較強，另倫生彈琴好似 sk ＜製造迷夢＞個 intro（當然＜製造迷夢＞編曲亦可能係改編）
21:03 better man - 另一個踴躍拍手位（又係國語歌），雖然唔俾企，但整體觀眾反應我覺得係咁多場國內演唱會之冠（當然小弟冇去晒咁多度，而每次 rundown 都唔一樣啦，但呢場算係相當 audience-friendly）
21:06 為你我受冷風吹 - 之前版本 intro 同 chorus 有一個 string chord 今次冇放到，反而 chimes 叮叮聲放得好太，個人偏愛舊版，但演繹上依然係無懈可擊
21:11 - talk - 每次都要為新編曲解話（而且通常都係呢個位），今次比喻作換新衫，有新感覺新面貌：我諗我每次見到有衫想買時都係咁樣同自己講...
21:12 哭 - 同 live 07 唔同，我睇咁多次海外演出都係 spotlight 照住憶蓮而冇 highlight 其他樂手，可能因為部份樂器係 mmo（eg 二胡），反而令我聽清楚 drums arrangements（因為係現場）
21:17 日與夜 - 驚喜，但效果及不上 '05，呢首歌對港迷意義較大...
21:21（＜詞不達意＞鋼琴過場＋＜走在大街的女子＞獨白）
21:24 走在大街的女子 - almost perfect... 件衫膊位 see-thru 另我諗起＜醒醒＞時期，唔通係 MMM?
21:28《Love, Sandy》medley：聽說愛情回來過、影子情人、不愛的理由、這些那些、傷痕 - 老實講，小弟投入感不大，於是打返香港俾 KS 分享下，如果澳門唔好彩真係得個半鐘呢段亦未必有得留低
21:37 當愛已成往事 - so far 都唔係咁接受到呢首歌變成觀眾大合唱，不過既已成往事，只能說這是最好的選擇...
21:41 至少還有你 - 今次 feature guitar duo，兩位結他手手動一致，另一種 visual effect；不過換衫時 musicians solo 由 drums 到 bass 差別太大，熱情與冷靜之間，效果有點突兀
21:49 傾斜 - 刻意用原版 intro 以增強投入感，兩句英文由 Patrick 頂上，連續兩首快歌真係好快，cut 走中間唔少 interlude（eg Rome Paris...）
21:52 燒 - 嘩，好 disco，個 beat 好重，唔企得起身但明顯 feel 到我的心在跳舞
21:55 - thanks to each of the dancers and band
21:56 80's medley - 女皇御准終於俾企，但其實應該早兩首就跳：冇諗過廣州會有呢段（以為要等到去 KL 先有），觀眾投入程度一般，除非真係聽英文歌大，就算真係有二十年歌齡都識唔晒（反而澳門老餅 vip 係咪會識...？）
22:04 震撼 - 因諗起 laughing 哥而會心微笑... 其實有幾個 dancers 都幾得
22:08（等 encore - 倫生 fing 白毛巾令小底諗起佢某年台慶係咪反串過...？）
22:11 破曉 - 旭日初升，成首歌編曲變得好正面（冇中樂咁悲情？），充滿希望，tonite's best pick（不過望到台後有兩個 dancers stand-by，以為下一首又係快歌，點知係負責人手 sliding doors -_-）
22:16 -（talk - 貓紙 thanks to 製作單位、贊助商、幕後人員，唔知係咪耳機問題，我個位又對住喇叭，聽到支咪沙沙聲...）
22:20 依然 - 介紹呢首係「早期廣東歌」，演唱會逢係 fade out 都會變 grand finale；沙沙聲依然存在，雖則冇影響演繹，都係希望有關當局多加留意（講到好似有關當局會睇我個 blog :）
22:25 愛上一個不回家的人 - 出埋呢首就知道真係完，其實三首國歌反而係呢首玩得最出神入化，跳舞一段舉手投足尤其精彩，台下 stephy 要學下喇..........
22:33 - finir - 冇＜夜太黑＞同＜鏗鏘玫瑰＞... 不過呢個 rundown 真係相當親民；睇唔夠兩個半鐘但再等足兩個半鐘影團體合照，有些人你永遠必要等！

攝...

2009-08-07T12:34:00.006+08:00

見大家搭地鐵咁開心，等小弟都合照先...
（反正都就快冇位，可以慳番廣告啦）

反而有唔少粉絲羨慕我呢張「合照」：
上 sandyandme 頭版喎，與有榮焉～
唔知聽晚坐邊，encore 有冇得攝位呢...？

in response to...

2009-07-30T23:30:00.007+08:00

ps 明明係我個場，就算因為任何原因而唔 tag 又如何呢...

captcha

2009-07-30T14:52:00.001+08:00

pre-trip...

2009-07-29T19:37:00.001+08:00

做人總要有兩手準備，周日先過大海睇場，點知連海報都冇張，惟有歸納注意事項如下：
- 搭金光飛航連過關再轉 shuttle 到達威尼斯人預個半鐘，如果真係咁唔好彩只唱個半鐘其實就唔需要留過夜，不過間房真係唔錯
- 根據過往經驗憶蓮演唱會通常睇到熱血沸騰，加上天氣（多數）炎熱，因此有唔少觀眾著背心，不過小弟覺得船上冷氣都幾凍，建議笠多件外套，一冷一熱病倒就唔好
- 傍晚 6 點船 just in time，搭下晝 3 點可以行下大運河（不過冇乜好買，下面呢間明明係 DKNY Man，唔知點解搞成咁），早船 11 點半可以出城買手信（場內間鉅記聽講貴過市面）；同一晚走建議早去碼頭邊等邊作賽後檢討（星期日晚普通等要等成兩粒鐘），因為 11 點半後就要等到夜半 1 點鐘先有船喇特別新聞報告完畢...

麗音...

2009-07-22T23:40:00.002+08:00

慈善 show 系列再度登場：保良、博愛之後輪到仁濟，不過呢次冇勁歌熱舞，移師一廠玩遊戲，除天王隊長外都只可以係咁易唱一兩首：唔知照稿讀定係講真，憶蓮雙語獻唱 93 年佢最喜愛＜春雨+暗示＞，沿途扮歌女向各總理收集善款，雖然抱恙但照唱現場兼超額完成，邊似而家個個話今日唔係好舒服就奉旨唱得差...
化晒粧 set 晒頭玩超級無敵夾死你都算相當糟質（當年仲未有獎門人），跟住仲要陪總理玩當代爛 gag 問答比賽；而家諗返都覺得憶蓮離港做寶島歌后係走得合時，comeback 就係上神檯而唔係被擺上檯。

btw 前文提到＜多些那些＞純屬個人喜好啦，大家回應都係好壞參半（以蓮迷反應來說，一半都已經算係相當一般）；不過 94 年唱 live 係 subtly 有進步，沒有了都市時期的拘束，偏向隨心，跟住李生又係另一技巧磨練階段，之後又回歸自然基本，超級美聲由此誕生：《呼吸》已是相當率性，新專輯應該更值得期待...

真的漢子...

2009-07-15T02:21:00.002+08:00

男人唱女人歌通常有一定困難，升 key 固然唔係係人都得（得都未必好聽），有時歌詞亦難搞：例如千嬅一峰合唱＜男孩像你＞就要將「男女你我」改來改去，反串再反串（基本上都係那次拉闊音樂會主題之一）。林小姐雖然打正都市女性、野花旗號，但歌詞都係符號式隱喻，鮮有大聲疾呼女權當道，反而男人出現次數較多，如＜誰像你好＞的「心愛男人」、＜傾斜＞的「街中俊男」之類；至於擺女人上檯莫過於李宗盛，＜不必在乎我是誰＞以第一身代入女人心，＜傷痕＞略帶說教但用詞到肉，呢方面廣東歌似乎較為抽離（＜芝加哥的故事＞、＜為何他會離開你＞旁觀者清就唔係咁覺）。
講返呢種男唱女歌（or vice versa）將歌詞性別倒轉亦唔一定萬試萬靈，Rick Lau 呢首＜明天醒來時＞新生漢子版，俾仔飛就 ok，俾女飛就硬係唔多夾（verse A 仲可以，chorus 就唔多 make sense...）：
*.asx @ faitunes [30:15 - 41:30]
好耐冇唱過 SL Karathon，上次連＜夜了...沒有藉口＞都唱埋，不過呢兩首小弟實在唱唔出口（其實用＜傷痕＞編曲唱＜勇敢＞都相當勉強...）　　
8 月 3 場輪到邊個做漢子和音呢...？

一個時代的____

2009-06-17T14:50:00.000+08:00

將 ipod 裡聽了過百次的＜山水＞、＜天規＞刪除（歌迷們早已將白板碟版本互傳，畢竟當時都唔知要等到幾時），將 cd 放進電腦，重新轉做 mp3，感覺上比較抵；ipod 自動 retrieve data 如上，冇年份、part of a compilation，描述正確（舊年三首歌冇出碟，翻炒《十二金釵》同＜只得一次＞甚至已經係兩年前）；兩首 remix 好玩，但原版已經玩得咁盡亦難有太大驚喜，宣傳 tag 係「14 年來首張全新個人廣東大碟」，可能大家對「全新」同「大碟」定義唔同啦，對小弟來說的確只係新曲加精選，如果話等咁耐係等歌詞，咁＜地盡頭＞都肯定交足功課（「前度誇獎灑脫」係咪講緊唱片公司...? ），其實《ex》之後仲有隻《ezone》俾寶記分拆上市（有＜非愛不可＞、＜雲上舞＞、＜月光曲＞之類，呢張碟當年如果出得成都相當國際化），由化整為零到化零為整，難得有一隻關淑怡廣東大碟。
cd 冇乜新歌，諗住有 dvd 睇下都好啦，不過＜地盡頭＞mv 真係 n 個唔得... 惟有睇住舊片先：小環、綺虹呢段無論舞步同造型都令小弟諗起 'Vogue' GS 版；＜情人＞呢個版本應該係央 B 台有限資源下製作，算係不過不失，亦可以諗番呢 15 年佢如何進化成一個 vocalist。
不普通的都失蹤... 咁樣講雖然好奇怪，但有一刻小弟由衷慶幸 sk 只係第二最愛，至少還有《本色》、《呼吸》、live '07/8/9...

回來吧...

2009-06-12T02:40:00.001+08:00

15,20

2009-06-04T12:54:00.002+08:00

東昇和我相識於 89 年，中一分班試都被派到 C 班，1A 班大都畢業於直屬小學，B 班有一半同學修讀法文，所以 C 班都算係中堅分子（當然長大後各有修為造化）。東昇同學能言善辯，興趣方面佢同其他同學會研究賽馬（唔係賭），小弟則酷愛音樂（不過合唱團冇揀我）；閒時我們會玩 D&D、手網球（窮學生以手代拍）之類。
七年中學生涯我們只有中二唔係同班，佢升到被定性為中文班的 2B 班（因為 A 班同學英文超強，B 班英文相對地冇咁好，美其名就被譽為中文叻），小弟中文唔掂繼續留在 C 班，到中三先至升 'le'；我們當年是某學會 exco，搞時事常識問答比賽，小弟會憧憬到中六時佢做會長，我做 internal vice之類（原來由細到大都係鍾意做庶務二課／阿四），可惜呢個學會涉嫌踩界，不知從何渠道請了現任疑似特首候選人梁先生到敝校演講，但並未知會校內高層：做事唔跟 protocol 喎，最終於同年被有關當局取締。此後東昇同學主力做中文學會同辯論隊，小弟則蒲信和並從事民間工作，佢讀中史我修會計，各有各忙但亦會留意對方近況；JUPAS 放榜佢去中大我去港大，畢業後很少聯絡，我到清水灣工作時電視城已逐步撤離至將軍澳，唔計睇電視最近一次見面係前年同學新婚盛宴。不過我仲記得佢早幾日生日（雖然近年冇寄卡），同埋佢以前屋企電話號碼。
印象中東昇同學絕對係謙謙君子，有神聖光環那種（所以適合做呢行）；不過最記得反而係佢鍾意玩 15,20，佢贏我多數靠技巧，我贏佢多數靠運氣：生活之中兩者同樣重要（技巧五花八門，讀書游水音樂跑步皆可），我想我是個幸運的人。
20 年前：身邊的人都為我被派到這間中學而慶幸，in fact i still don’t (and won’t) know which is better, being a mediocre student in a band I school or being a top student in a mediocre school… anyway, that’s my own choice
15 年前：《sandy ‘94》面世，跟《鏗鏘玫瑰》一樣，是一個異數，gotta try something new, out of the box, from scratch, making my own choice(s), deterministically...
今年係 Dan Ryan’s 成立 20 周年（free iced tea & tiramisu last nite），原來 CC-ATV 不覺亦已 15 年... 今日剛動筆簽約在清水灣做多兩年，莫失莫忘

98 / 94

2009-05-24T22:25:00.000+08:00

近日周圍搵陳年 boy band 98 degrees 精選 cd，無論係 d 字頭 n 字頭 a 之前 z 之後都冇發現，唔通已經絕版？
搜索過程中反而無意在威威店發現《sandy ’94》頭版，全新未開封只售 $105，雖然封底右上角輕微泛黃，不過照買：歌迷朋友如果冇呢隻可與小弟聯絡，等價交易不作炒賣；就算冇人要，買多隻做陳列品都抵啦。
倫、林多年來雖然合作無間，不過《sandy ’94》可以話係唯一一張大碟名正言順二人包辦（之前 city rhythm 始終係由許生統籌，之後就到李生掌舵；呢方面倫、梅合作關係相對地更為緊密）；其實倫生作歌俾憶蓮亦唔算多，每張大碟都係一首起兩首止，當中流行程度最高應該係＜燒＞（＜傾斜＞唔算啦），最受粉絲們愛戴可能係＜沒有發生的愛情＞或者＜微雨撲巴黎＞（小弟偏愛後者），至於最唔鍾意呢，我估唔只得我會揀呢首：作為 track 1 / 3rd plug / 推介歌，硬係覺得爭少少：同著住套衫一樣，個 trend 似乎略嫌過時；或者係同碟太多歌可以揀，＜芝加哥的故事＞、＜沉淪＞以至＜感情不老＞都各有特色，應該可以帶來較大迴響，＜多些那些＞只能算係穩打穩紮 adult contemporary，但唔能夠深入民／迷心... 睇下有冇借演唱會還魂之日？

演歌...

2009-05-09T23:41:00.000+08:00

唱完又唱，如果＜至少還有你＞係最多歌手翻唱之選，咁＜沒結果＞係咪最被濫用顯唱功晒冷之選？
誰像你好？（雖然只係 mmo...）

錄影帶斷了怎麼辦？

2009-05-08T00:15:00.002+08:00

如題求救請賜教

我不會說 cut...

2009-05-04T23:48:00.001+08:00

終於睇番金像獎足本播放，其實無記剪接咁有心機 cut 走亞視部分，如果中間唔播＜天若有情＞同＜追＞（唔代表呢兩首唱得唔好）然後臨尾加番＜緣份＞就神不知鬼不覺啦（至少電視機旁邊觀眾未必察覺）；睇下 95 年 2 月上勁歌，原本兩首加埋九分半鐘都可以濃縮到五分鐘搞掂，有齊 verse A chorus 起承轉合，難得林小姐仲要奉陪唱 live（反而主打＜傷痕＞只係夾口型），此後神檯下凡通常都少不免先炒碟舊歌 cut/paste 大串燒。
小弟主觀願望成日想林小姐唱＜追＞，以為今次係大好機會，點知又冇份；唱過咁多首電影主題曲， 89 年呢首＜成長路＞都算頗為吊詭：似係無端端回歸新力早期，完全唔 match 都市觸覺形象（因此只收錄於白金精選），查實四位《我未成年》女角有三個後來都算出過下唱片，唔通係導演林德祿對憶蓮情有獨鍾？（《香港舞男》仲有首＜夜生活＞，兩套男主角都係任達華）

2009-04-26T23:59:00.002+08:00

匆匆一年，三日之內見兩次，$280 + 426（特別鳴謝兩位總理），錢買唔到第一次跟憶蓮單獨合照 [thxxx to Chris for photo taking and Lawrence & fan club :]好彩小弟平日有練跑，唔使留後唱＜寵愛＞；本來諗住整餅沿途野餐，唔覺意成為了生日禮物 :)

夜有所夢...

2009-04-20T23:52:00.002+08:00

可能因為電視睇唔到最後兩首歌，竟然夢見林小姐：日本白い顏連全套着物唱＜心野夜＞，似係 live 05＜無情實驗＞cross over《Ready》，基本上呢個造型同首歌唔多夾，不過夢任我愛到需索無窮，有乜唔得呢？
點知 Mercy 一出場就俾無記 cameramen 阻住晒，搞到 dancers 冇路行，第一句入唔到，真係 xXy...
如何甦醒不必懂，今朝冇遲到，忙足成日，promise of a better tomorrow...
好耐冇去大潭行山，鶴藪淨係 n 年前做童軍去過，等小弟呢幾日游水跑步操下先...

電影節的硬件配套 [off-topic]

2009-04-06T13:07:00.001+08:00

mailto:info@hkiff.org.hk
to whom it may concern,

1 - typo
captured from last nite's screening of "Antique"
"inconvencience" should be "inconvenience"
2 - wrong synopsisConstance does not give singing lessons from her home. She takes lessons at the teacher's home.

btw, both films are great...

新宿玫瑰...

2009-03-30T23:55:00.004+08:00

dvd 錄影機 read 唔到碟，檢查加零件接近四位數；加上忙於電影節（雖然今年只係睇 10 場），youtube 久未 update，睇住兩段超短片先：今年主攻法國片以彌補法文學到半桶水（日文四級讀到一半亦開始覺得難...）："Le Plaisir de chanter" 同 "Cliente" 都係典型歐陸浪漫，最期待反而係 "Le Crime est notre affaire" 改編 Agatha Christie，滿足小弟尋根究底之執迷... 全線大飲茶，去片：
- 08 北京演唱會＜匆匆＞編曲再有變動，原來新加 ad-lib Rick Lau 即係《My Queer Valentine》，＜薔薇之戀＞佢亦有份跳茶舞，原來當晚仲有慶功宴同林小姐合照：- 講開電影節，發現康文署電影資料館 database 都幾齊全，除 filmography 之外亦有收錄部分主題曲／插曲；可能因為只係睇電視，對《旺角卡門》毫冇印象，反而一直以為係＜溫柔的你＞
回顧電影歌曲，＜無憾＞、＜願＞同埋＜玫瑰香＞都應該係三甲，不過而家最想睇（聽）番會唔會係《神經俠侶》？

潮水與夕陽漫退...

2009-03-23T18:25:00.000+08:00

youtube 有得睇喇！

想要留一盞燈?!

2009-03-15T13:25:00.002+08:00

唔好喇，憶蓮已確定參與熊貓會地球一小時，今朝拍 endorsement video，應該呢個星期有得睇...
3 月 28 號晚 8 點半到 9 點半，記得熄燈；we all feel better in the dark，夜太黑可以做乜...
成班人：傾傾講講似不知夜，玩到深宵都不想抹汗回家去
兩個人：看星看海看夜濤，陪你到夜深
一個人：獨自在看看晚空，夜而日而夜無限多

會熊貓...

2009-03-03T20:05:00.002+08:00

聽講林小姐今日同熊貓會職員茶聚，探討合作事宜；會面氣氛良好，希望盡快有好消息公佈... 小弟俾唔起五十萬，不過會支持「熄時」（熄燈一小時），並於三個月內籌募三千二百一十（承諾包底），捐款支持「熊代林」（成為熊貓會代言人）！
小道消息報告完畢...

the girl from poughkeepsie...

2009-02-26T21:30:00.000+08:00

J 夢見小弟買了部車一齊去兜風；如果有得揀，同一個人搭車返屋企應該比車對方返去較為親切，至少一對手比較得閒...
近日 fb tag 來 tag 去，小弟慢半拍還在想生命中 16 件事：
- 話說出世當日係農曆十五，爸爸生日係初一
- 聽講頭五日都係安睡於氧氣箱；或許因而習慣自製空間
- 二年班一戴眼鏡就係三四百度近視，之前一直唔覺睇唔清楚；食藥至 18 歲，有時會瞇埋眼由地鐵行返屋企
- 屋企以搬屋為名轉校；事實上未搬離過觀塘區
- 大部分小學同學都派去喇沙，得我嫌個名難聽唔揀；第一次意識到自己有選擇
- 「屈機」於敝校非常普遍（雖然以前冇呢個 term），退而求其次，享受過程多於結果
- 第一次買唱片係《逃離鋼筋森林》，「點解咁鍾意佢呢？」都而家都唔識答呢個問題
- 文字表達好過說話，鍾意聽多過講
- AL 兩科 F HKU 竟然收，我又竟然揀唔讀重考
- 自修室應該同氧氣箱差唔多，第二年揀科大因為近屋企
- 事情有時會有 hidden agenda，但會搵個實在理由將其理性化，例如近屋企之類
- 唔鍾意大型屋苑，因為《愈快樂愈墮落》；唔敢住村屋，因為＜失城＞
- 畢業後唔想做，於是繼續讀
- 繼續讀那兩年遇到好多朋友，在生活各範疇改變了我，例如買樓
- 基本上做過每份工都係有人介紹，有時懷疑靠自己會唔會搵唔到
- 好少同人搭車返屋企，或者都係時候買部車

會見市民計劃...

2009-02-19T22:00:00.000+08:00

早前翻修劉華 87 年唱＜下雨晚上＞放上 youtube，算係史前經典... 咦，小弟當年明明冇錄影機... 再 fast foward 睇多陣，原來盒帶係中學同學 AW 幫小弟錄 91 年林／倫「樂韻夜風情」，一借十幾廿年不還佢，猶幸友誼健在，不過而家還俾佢都未必有錄影機，燒隻碟俾佢睇番可能更驚喜。
講番呢個深宵清談節目（可能因為深宵關係而自己冇錄到），男主持係功能組別自動當選張議員，女主持呢... 小弟有眼不識港姐（知道佢係都算係咁），全靠阿 tommy 提到佢叫 elaine，再搜尋 fun 之選美記事錄先至知係第一屆冠軍（73 年都未出世，係咪冇得怪小弟唔識先）；顧名思義本節目真係傾音樂閒偈，雖然未必係兩位主持強項，尚算言之有物（不過亦少不免問係咪沒有發生的愛情之類），當時＜再生戀＞未拍 mv，憶蓮亦自備星洲 rain stick 打歌：
鏡頭一轉飛去加國，呢個 94 年「加港愛心連線大行動」，除了一堆圍威喂遊戲之外，記住萬勿錯過升 key＜依然＞ok 同埋＜黛玉葬花＞。　
鏡頭再轉小弟已身處大阪，原本諗住上個星期去睇 coldplay（香港有反而唔多想睇），而家變成湊仔團；各位市民，下個星期同樣時間再見...

剛巧空閒剛巧歸來

2009-02-06T13:50:00.000+08:00

都應該唔係剛巧，一係為朋友、一係為慈善（今次兩樣都係），否則憶蓮亦鮮有露面於此等場合；星期五忙裡偷閒，八下城中名媛成個月去邊度出席高級派對：是日南早社交版 C9 畫成為背景，people matter：

leet2

2009-02-05T10:37:00.000+08:00

有 9 次咁多... 唔係得 8 次咩...？

|v| 1 12 1 /-\ |v|

2009-02-03T19:40:00.002+08:00

雖然好多歌小弟都有，不過都應該要支持郭偉亮買佢呢隻《leet collection》：＜再見悲哀＞自動當選，估唔到連 swing 都係得一首，男歌手 eason 最多佔六首（如果當年唱埋＜傷逝＞隨時又多首），女歌手方面梁 gigi 竟然同楊千嬅平起平坐，不過聽返呢個同年月日生組合，大部分都係小品曲式，當中小弟都會揀＜民間傳奇＞做代表作：
聖誕禮物 / 亂唱的歌 / 楊千嬅 / 民間傳奇 / 開大 / 真愛開玩笑 / 簡愛 / 大傻 / 如果可以不停相愛
solo 舊作一首都冇，＜wow＞固然好聽兼好玩，不過小弟想要＜生日快樂＞喎...

忙しいが, 楽しいです

2009-02-01T20:58:00.001+08:00

正所謂有得睇好過冇得睇，大細聲亦好過冇得聽，於是決定照 post 呢段唔清唔楚 93 年台慶天后大鬥法：難得聚首少不了互相對唱，SY 唱＜傾斜＞同＜summer of love＞都有下過功夫，憶蓮唱＜不再兒嬉＞亦有板有眼（＜信自己＞變相大合唱擺明大細超啦...），王菲招牌式夢遊唱跳皆求其；不過反正唔係唱 live，主要都係睇頭兩位勁舞：SY 一拖十比憶蓮多一位 dancer，不過做憶蓮 dancers 絕對唔簡單，冇轎抬就要靠人手，仲要短時間內變身，三首歌竟然有三個 look（雖然只係除衫、頭巾同換帽），咁落本都似係星工廠私伙（第一套衫曾出現於＜天大地大＞）。我諗星工廠都算係舞蹈界哈佛耶魯之流，系出名門，有衫換亦係專業表現；憶蓮咁勤力，跟佢跳舞都一定受過艱苦訓練，不過正所謂唔辛苦邊得世間財（或才），做得呢行或多或少都係寓工作於娛樂，祝各位現任 dancers 忙個不亦樂乎（即係憶蓮繼續唱啦...）。

周年旺相

2009-01-26T11:58:00.002+08:00

年又過年，祝大家生活可持續發展...
過年睇電視播頒獎禮都算係大節目，今年冇睇亦冇錄，往事只能回味：以前叱吒唔係 1 月 1 號即日有得睇，要等到農曆年輪流轉播；93 年憶蓮呢張成績表俾 FW 超越，話冇唔開心就假，不過《不如重新開始》得「叱吒樂壇大碟 IFPI 大獎」都算係咁（前兩年都係學友）。小弟以為商台幫到出面，明明係大碟獎都有得宣傳新歌，N 年後先知事有詭異，不過錯有錯著，1) 唱兩首同 FW 平起平坐（＜不再兒嬉＞有份候選我最喜愛原創歌）；2)＜暗示＞live 可遇不可求。以前金銀銅獎都有得唱，SY 冇諗住有份於是超求其（同舊年 SK 一樣），憶蓮就唔同，冇 dancers 亦具台型（the only moment i found this 水袖衫 attractive），不過今時今日睇番＜流非飛＞都幾驚... 講開軟硬，相比於一年前仲係生力軍已變得相當明星化（嘩... 兼高踞小弟 utube 榜首），此外一班新人如今亦各自各精彩，至少三位得獎女歌手都得到幸福家庭，唔駛上台扮得意、搔首弄姿或者做手語（雖然朋友們去唱 k 都會做返佢個經典蘭花手...）

vj 611

2009-01-15T07:00:00.003+08:00

可能因為憶蓮係 dj 出身，粉絲們對其聽歌品味亦格外留意：最近一次重操故業應該係 05 年主持「有誰共鳴」，舊如 'Time After Time' [Cyndi Lauper]，新至 'Fix You' [Coldplay]；嚴格來說憶蓮都算係香港第一代 vj（雖然當年應該冇呢個名），不過「新地任你點」當然唔係任佢點，第一次自己話事分享心水選擇會唔會係 93 年呢個 mtv「熱力追踪」？（鳴謝 ff 提供錄影片段）
話明係 vj，music video 拍成點固然係重點之一：Who is it [Michael Jackson] 為 David Fincher 轉投大銀幕前之力作，Love Song for a Vampire [Annie Lennox] 穿插電影片段，Diva vs Dracula 大鬥法，One Last Cry [Brian McKnight] 只限個別國家觀眾收看（第一次 post youtube 遇上阻滯，雖然小弟唔識呢首歌...）
-----------
最後收錄 94 年 997 後設訪問片段，'Sweet Lullaby' [Deep Forest] 某程度上反映了《Open Up》world music 元素，'What's Up' [4 Non Blondes] 曇花一現，便算一生燦爛過（不過版權費分四份未必夠用一世...）

最愛演唱會

2009-01-01T16:37:00.000+08:00

live nation 的世代，08 年睇演唱會次數跟買 cd 差唔多（買復刻版唔計啦）
PL／SK
都係我個年代，新曲雖為新班底，其實亦延續那份集體回憶（歌詞尤甚），淨係有得聽返＜夜已變得騷了＞同＜cucurrucucu paloma＞已經值回票價；一個效率迅速出新曲加精選、演唱會 dvd 兼做埋影后，另一位三首新歌仲係不見天日...
月球上的人
今年只睇過一場拉闊（唔鍾意農夫到連楊千嬅都唔睇），同行友伴竟然唔係過去 7 年一齊睇那位；結論係：大家都有更好的選擇
都市觸覺
上海、新加坡、北京，聽了三次＜鏗鏘玫瑰＞（當然仲有＜我的心在跳舞＞、＜愛上一個不回家的人＞、＜為你我受冷風吹＞、＜箴言＞...）分別跟相識了 20 年、11 年、6 年的朋友一齊第一次去旅行，在三地都探訪了 mba 的舊同學，一個人去睇憶蓮演唱會，拉近了我跟 8 個朋友的距離
X
上星期朋友們閒談到信唔信 love at first sight，我諗我寧願相信，至少我覺得首歌唔算天方夜譚；bought an agnes b heart-shaped pin for gift exchange last nite, people were surprised the word 'heart' could be used as a verb. but most of them weren't when 2 hearts are beating together...

lovers

2009-01-01T15:18:00.001+08:00

lovers, keep on the road you're onone day the sun will come out

ran down '93

2008-12-28T20:52:00.000+08:00

小弟喜歡將事情記錄下來，有需要時翻閱；當然，實情是需要翻閱的時候不多，加上記錄堆積如山，刻意翻閱亦未必找得著；反而偶爾不經意 come across 亦屬另一種驚喜；例如無端端發現呢本 sketch book，記錄了「天地野花」的細節，連舞台亦臨摹一番：歌迷都知憶蓮演唱會萬勿錯過尾場，不過小弟覺得頭場亦非常重要：通常呢個係 most ideal rundown，最接近歌者本意，之後根據觀眾反應相應作出調整，live 07 如是（例如＜你是我的男人＞冇得留低），對比返 93 年第一場 vs 第五場亦有唔少改動（後者較為接近最後出碟版本）：
8/7/1993 20:33 破曉 - 不如重新開始 - 天大地大 remix（舞台劇）- 沒結果 - 下雨天 - 傾斜 - 始終一天 - 假如讓你吻下去／不必在乎我是誰 - 還有／結束 - 當愛已成往事 - [寂寞難耐] - 再生戀 - 紅顏未老 - 愛情 i don't know - 沙沙的雨 - 沒有你還是愛你 - 依然 - 光輝歲月 - 震撼 - 醒醒 medley - 野花 -（encore）愛上一個不回家的人 - 天大地大 -（encore）風中的歌 23:03
12/7/1993 20:20 破曉 - 不如重新開始 - 沒結果 - 下雨天 - 傾斜 - 始終一天 - 假如讓你吻下去／不必在乎我是誰 - 還有／結束 - 當愛已成往事 - [寂寞難耐] - 再生戀 - 前塵 - 早晨 - 愛情 i don't know - 沙沙的雨 - 天大地大 remix（舞台劇）- 沒有你還是愛你 - 依然 - 光輝歲月 - 不捨不棄 - 震撼 - 醒醒 medley - 野花 - 愛上一個不回家的人 -（encore）風中的歌 - 天大地大 22:50
＜再生戀＞＋＜紅顏未老＞較為貼題，一身金縷衣亦較為相襯，當然＜前塵＞會係親民之選；＜光輝歲月＞＋＜不捨不棄＞一氣呵成；押後＜天大地大＞舞台劇變相搬前＜傾斜＞＜始終一天＞，提早帶動現場氣氛；＜風中的歌＞擺明係 grand finale 不過略嫌落寞，都係快歌抬轎兼人多勢眾讓觀眾走得值回票價。

vcr...

2008-12-28T02:12:00.004+08:00

屋企應該係 89 年開始有錄影機，不過小弟應該係到 90 年尾先開始乜都錄一餐；因此以下呢段係史前遺物，亦可能係小弟最古舊一段憶蓮錄像：89 年商台百分百創作人音樂會，睇個場似係 AC Hall，是夜全男班（作曲人有倫永亮、林慕德；本土情懷有李健達、盧冠庭；過江龍／回流有羅大佑、齊秦、王傑；樂隊組合有達明、太極、beyond），憶蓮打頭陣係唯一一位女歌手，亦係得佢有兩套衫、四個 dancers...
可能係錄影帶太舊，近排錄影機經常播唔到，有冇人知邊度仲有洗磁頭帶賣呢（雖然一向都覺得冇乜用）？救救匯豐、中銀、會展同海鷗（唔係救市），請支持小弟 vcr 保育工作！

尋回沸點的人...

2008-12-21T03:40:00.002+08:00

19:34 飛翔 - 小弟又遲到了... 有冇睇過 'Red Blooded Woman' mv Kylie 堵車途中周圍跳？是夜等到半路小弟亦跳出的士跑去首都體育場，好彩係呢首開場，聽少半首都覺得冇咁大損失
19:42 better man - rundown 開始 mix & match，新加坡冇唱，今次又唱番...
19:45 - talk
19:47 匆匆 - 又有新玩意，和聲女變男效果唔錯，呢位 Rick 唔只係咁易伴埋舞，仲 Dick Lee＜瘋了＞上身；結他編排亦有變化，幾位結他手（Andy、黃仲賢、Danny）輪流上台仲有 spotlight
19:51 夜太黑 - 突然發覺這幾次都把「心要給誰沒所謂」唱作「無所謂」
19:54 情人的眼淚 - 誠意可加，不過都係鍾意原版（原版意思係 90 年版）
20:01 薔薇之戀 - 曾寫過關於「薔薇」的發音，新近的唱法係 [qiang wei]
20:06 要不要 - 始終覺得，如果《呼吸》要唱 side track，小弟比較想聽＜放開手＞
20:12 日子 - 嘗試用文字說明：話說開場時有兩塊移動屏幕，不過北京呢兩塊好似特別長（高），於是投影「睡姿」時會轉 90 度，變成疑似「坐姿」
20:17 箴言 - 繼續 mix & match，呢首我都想佢再唱
20:22 聽說愛情回來過 - back from holland...
20:27 - talk
20:31 哭 - 附簡體字幕...
20:36 為你我受冷風吹 - 上次唔記得提，原來呢首係 Joshua Wan 重新編曲喎... btw，呢個歌名絕對總括成個 trip...
20:40 （＜走在大街的女子＞獨白）
20:43 走在大街的女子 - 07 唱到 08 其中一首
20:48《Love, Sandy》medley：有所謂、影子情人、不愛的理由、這些那些、傷痕
20:57 當愛已成往事 - 鄰座情侶個男仔扮李宗盛腔唱...
21:01 至少還有你 - 我們不哭了
21:08 我的心在跳舞 - 呢個 rundown 有好有唔好，不過最好係件 top 變做黑色好睇好多
21:14 一個人 - 想和你好好過一生... baby it's you
21:18 不還你 - 終於有得企（連埋兩件大褸迫到跳唔郁）
21:23 相愛時候到了 - 如果要佢再唱＜震撼＞，效果會同＜搖擺口紅＞差唔多咁神奇...
21:26 逃離鋼筋森林 - 小弟雖然除剩四件衫，不過比而家酒店有暖氣更覺沸騰...
21:31 - 講兩次「謝謝」冇講「再見」就返入後台，一般觀眾可能 get 唔到已經算係開始 encore...
21:34 鏗鏘玫瑰 - 聽了三場巡迴 shows，後兩次最期待就係呢首
21:39 - 感謝主辦／贊助單位（今次 Kim 亦有出場，原來星洲同京城都有得剪...）
21:43 失蹤 - 通常第一次唱都唔算太純熟，不過有得聽仲想點... [ps Lawrence：對不起，希望你們沒有因為小弟遲到而遲了入場；謝謝你，和其他 fan club 工作人員 :]
21:47 愛上一個不回家的人 - ending 係行上樓梯入去然後兩邊閂門，很配合「等待一扇不開啟的門」那句
21:53 - finir - 小弟睇得多醒水，由 24 行走去前面台中間，霸定頭位（就算唔再 encore 都冇蝕底先啦...）
21:58 誘惑的街 - bingo！站在第一排！
22:04 - finir

可不可給我碟芥蘭花...

2008-12-02T02:25:00.001+08:00

突然發現 id card 有三萬幾分出年三月就到期，諗緊換唔換飛去睇叱吒頒獎禮：聽講《wonder miriam》有可能係至尊大碟（唔係 fa...），不過小弟同現今流行樂壇嚴重脫節，都係換張百佳 coupon 好過。
越是想得到的永得不到：中學時代只能哺住收音機／電視機，等林小姐出場，雖然冇得親身歡呼吶喊支持，不過都感到萬分驕傲（見到自己張成績表都冇咁興奮）。 92 年舊豬肉算分得幾勻：女歌手方面憶蓮、SY、王菲各上台兩次，SK 都執到個銅獎（著得咁求其可能真係冇諗過有份），男歌手學友、華仔分別唱兩首歌，leon、aaron 各一，不過意外地 aaron 竟然冇獎，我最喜愛原創歌曲爆冷輸俾____（真係估佢唔到...）
全晚最經典呢，我揀呢兩段：軟硬愛一智，家駒 really rocked...

無論那時分...

2008-11-20T22:10:00.001+08:00

躲起來這個月：
- 回港後繼續聽《live 07》（原來只係一年前...），最近鍾意聽 coldplay、陳百強（小弟 3-8 歲那個階段），每晚臨瞓前都播＜花不痛＞...
- 填滿 non-prime time，星期六朝早做義工，星期日朝上日文，一熄燈已告熟睡...
- office 由 one man band 變成三人行，工作量未見有遞減；反而 lunch 冇得跑步游水，惟有減早晚餐...
- 忙忙忙其實自私，總會想起 'red letter day'
- 換了新 lcd tv 太先進，有兩個 hdmi 但得一 set 紅白黃，錄影機幾乎駁唔返，於是 utube 亦冇乜進帳：
92 年憶蓮開始野花星動：10 月遠赴多倫多做香港節表演嘉賓（又係至少三套衫，不過同場仲有卿姐邊除邊唱＜好東西＞，真係善待新移民...）；跟住連「勁歌追債」都缺席，東瀛之旅廣告傾唔成，不過就搵到 Akira-san 做天地野花音響設計。
呢個 weekend 要做兄弟，未能穿梭所有都市；新同事亦已詐型小弟下月上京（出年年頭有大茶飯），希望今次唔會又去唔成...

rundown

2008-10-19T05:15:00.001+08:00

20:25 我的心在跳舞
20:31 一個人
20:34 不還你
20:38 - talk
20:44 夜太黑
20:48 匆匆
20:52 滴汗
20:57 逃離鋼筋森林
21:05 情人的眼淚
21:09 薔薇之戀
21:14 要不要
21:20 日子
21:26 箴言
21:30 為你我受冷風吹
21:34 - talk
21:37 哭
21:42 （＜走在大街的女子＞獨白）
21:44 走在大街的女子
21:48 - talk
21:50 《Love, Sandy》medley：知難不退、影子情人、不愛的理由、這些那些、傷痕
21:58 當愛已成往事
22:02 至少還有你
22: 07 愛上一個不回家的人
22:13 - 謝幕 - 22:17 - clap clap clap...
22:18 飛翔
22:23 - 感謝主辦／贊助單位
22:31 沒結果
22:36 鏗鏘玫瑰
22:42 - 謝幕 w/ musicians
22:45 I Swear
22:49 - finir

讓我跟你走...

2008-10-16T18:22:00.001+08:00

經濟低迷，告別白晝的灰，＜醒醒＞應該適用於「頭條新聞」一類節目，贈予一眾甘願賭一舖的散戶，或者去立法會門外唱 k 發洩一下；勁歌追債之後搖身一變（連髮型都換埋），現場演繹（演唱會都聽唔到）冠軍歌 'let me walk this way with you'，風雨同路甘苦與共，可以做 AIA 廣告歌：
92 年恆指未過萬點但穩步上揚，過檔華星有頭威賣 30 秒飆高音電視廣告，宣傳舖天蓋地應為歷年之冠（同年冇出外語碟，唔使飛得咁頻撲），一盒 180 分鐘錄影帶唔夠兩個星期就用完，上完勁歌過兩日就做呢個國際航空小姐競選表演嘉賓，雖然唔係唱現場，不過都算係勁歌熱舞啦（fing 頭者為陳小春）
02 年暑假（正式工作前最後一個暑假）到過新加坡，重遇某位令小弟半醉但未至於賭一舖的朋友（之後都好少飲，冇再醉過），參觀了李偲菘的錄音室（冇人錄歌，做緊孫燕姿＜逃亡＞混音），覺得呢個城市 being boring 但適合安居落業；06 年買了演唱會飛但因工作關係去唔成，今趟非走不可... 星洲合作伙伴除了 Dick Lee 同 Case Woo 仲有 Joshua Wan 做過＜寵愛＞同＜躲起來＞編曲，customized rundown 可唔可以加埋呢兩首？

旅行必備...

2008-10-15T00:16:00.003+08:00

沒了股票我想要一個假期...
港人外遊鍾意帶埋公仔當玩伴，小弟 feed on music，帶住 ipod 就夠：時光荏苒，第三部竟然捱足兩年，近日開始反應遲鈍（等成分鐘先跳到下一首）；為免身處異鄉冇歌聽，即刻去豐澤買番部 120GB，上網刻字都等唔切...
趁迴光返照，同 ex 拍番幅遺照，畢竟這總結了近兩年小弟一成不變的音樂口味：同舊年比較真係差唔多，單曲方面＜日子＞二百聽不厭，'Jump' 係近年生活寫照，如果計埋幾個 remix 播放率都過三百，＜詞不達意＞+＜玩伴＞就明顯係 "live 07" 效應；以前聽 cassette walkman rewind / fast forward 好快就冇電，而家就可以隨意 shuffle / skip / replay，《呼吸》係唯一可以由頭到尾聽超過一百次（《Unlimited》幾乎都得，係差一首＜郎來了＞覺得原版好聽好多）
all-time favorite 竟然唔係憶蓮，咁多年一直 keep 住聽（雖然係 video，不過好少睇），真係聽極都唔覺悶...

17...

2008-10-08T02:01:00.002+08:00

屋企最少有 300+ 盒錄影帶，呢盒編號 017，即係算好早期，竟然仲睇得返喎，所以就算 youtube 有睇過其他片段，都同大家分享一下：
91 歌星賀台慶，林小姐唔爛玩，出場時間唔算多，我錄低有三段，換足三套衫：opening 排名絕對分先後，唔計隊長男女兩邊分別係劉華、學友、克勤、Leon、Danny／ SY、SL、Cally、甄妮、肥媽，第二行有呂方、倫永亮、王傑、庾澄慶、張立基、SK、周慧敏、韋綺珊、陳松齡、甄楚倩，兩位亞視愛將過檔都受禮待（甄楚倩都換三套衫，當中包括老翻娜姐唱＜一冷一熱＞，算係相當受器重），Sammi、彭姑等新人只係後排攻擊，城城、小春可能仲係 dancers。林小姐 set 個復古髮型（翌年王靖雯遊學回流，迫於向上髮展），換埋旗袍唱＜情人的眼淚＞（日版 MV都係著綠色，不過好似唔同款？）跟住係咁易輪流唱 30 秒金曲又換過套藍色晚裝，those were the days...（同朋友講起，以前電視無無謂玩遊戲都好似好睇過而家）

最後呢段搭單回應前文：同學友合唱＜Endless Love＞係 91 年歡樂叉燒，為慶祝港台「青春交響曲」17 周年整個唔啦更最合拍歌手獎（其他得獎組合有阿＜信自己＞、＜真愛在明天＞等），順理成章搵契爺頒獎，至於蔡楓華，未出唱片前都做過騎師，出道早過 611...

蓮線咪嘴勁歌show...

2008-09-29T20:43:00.002+08:00

Satchi，名牌子！金利來個　friend，都係中國製，不過 sell 歐陸風情，一堆意大利文廣告深入民心，熱切追求人生所有；93、94 年仲特約呈獻歡樂叉燒「至尊演唱會」，呢個「蓮城一線勁歌 show」93 似係唱片公司分豬肉（下一場係華納「舞林高手雙 sing 匯」），華星總經理陳欣健都有撐場，巧妙地開場完場都係唱亞梅，今次係咪 N 年以來再度獻唱 'Crying In The Rain'？
嘉賓有軟硬（擺上兵乓波檯）同（城城叫佢做）亞倫，其餘環節都係夾口型，大家當睇 fashion show 啦（兩件 see-thru 加兩件露背，幾乎每次去廣告都換衫...）
94 年分拆上市：Aaron（全晚得鄧梓峰讀正音）轉投華納夥拍 SK 有「絕代雙 Queen King 城夜」；短髮憶蓮無厘頭搭長髮玉女，「憶你慧你大派對」淨係聽個名就知唔對路...（不過都想睇返，有冇人有錄低？）

my sisters and me...

2008-09-17T01:32:00.004+08:00

96 年頭廣東、英文碟打孖上，香港歌迷只能捕住電視睇滾旦情報，亞洲粉絲風水輪流轉，有真人表演兼買二送一：呢個三缺一組合翌年打造＜美妙世界＞（諷刺地呢兩首應該係 PL 滾旦時期力作），到今年得返兩姊妹對唱＜沒結果＞，不婚宣言雷同實屬巧合。
發誓永遠愛著你，畢竟只是一場夢？

衣櫃裡的男孩...

2008-09-14T20:09:00.000+08:00

趁仲有戲院帶位以為我未夠稱睇三級片時記下...
可能係補償心理（細個有件鯨魚牌風褸已經覺得好奢侈），又或者係大唔透，小弟衣櫃裡有五分一係加大碼童裝：格仔係小弟至愛，衫褲都有唔少（褲比較 tricky...），呢兩件都係 benetton，以前返 bank back office 冇 dress code，可以照著日日唔同格（而家就會返到公司換，都仲算幾自由...）下面呢件藍色直間絕對係白領 look，不過竟然係 GAP Kids，購自巴黎 Champs-Élysées：朋友們知小弟好此道亦投所好，GAP 紅格恤係加拿大手信，benetton 白 tee 係生日禮物，背面係波衫款大大個 15 號，願我年年都似十五歲那天... 右面呢件又係 GAP，美國出 trip 時買，其實我淨係著得落呢兩個牌子，另外有件 agnès b. enfants，著到好難除...
近年少著橙色，當年趁 benetton 半價仲買多件同款淺藍色駁灰色袖，記得曾經見過 Esprit 有兩件恤衫幾乎同款，童裝加大碼比大人款平一半；至於 best buy 係某年十月去 Philadelphia，十幾度冷雨夜瑟縮於長街的一角，行 GAP 執到呢件四十蚊美金有找，成屋最厚係呢件褸（小弟只著 100% cotton...）而家買衫以著到返工為首要條件，少買童裝；以前覺得 D&G 遙不可及，而家趁減價都會入貨：另一種補償心理。

追加 - 所謂愛情...

2008-09-03T00:50:00.002+08:00

「我原以為我可以與___廝守終生的...」
96 年同幾年前口徑一致，有時事情總要試過先至知，自己係唔係適合，有冇其他選擇等等；其實我知並沒有芬芳一輩子的情，不過偶然還是會憧憬過人世的生活方式...

人工授...?!

2008-08-22T18:06:00.000+08:00

... 風暴消息報導完畢，跟住請收睇「八美顯芳華」...
本節目係由 Le Saunda 特約播映，93 年 A/W 八個星期四晚專訪八位女星（唔記得有邊八個，上網淨係搵到周慧敏，印象中有唔係歌星，咪問我有冇 SY...）；憶蓮呢集事業、家庭、愛情無所不談（生 bb 都講埋），仲有唔少外景（商台、北角、瑪利曼？）同其他珍貴片段（港台同溫兆倫、studio 錄＜如何愛下去＞等），更加唔少得身邊幾個男人（包括官仔骨骨周禮茂），粉絲們萬勿錯過...（最後特別鳴謝天文台、鸚鵡同 youtube 全情贊助...）

天水圍孤／姑

2008-08-19T01:35:00.003+08:00

電影節冇揀到，難得 MF 約我，買埋佢飛點知又甩底，一個人看電影，或是最恰當的結局...
呢套戲亦適合一個人睇，角色之間平常的疏離感，不過還是帶著正面樂觀的基調。鮑起靜、陳麗雲內斂的演技固然令平淡的情節生色，新人梁進龍唔係好駛演亦算恰如其分（例如跟玉蓮姑的對手戲）；許鞍華還原基本的社會關懷，比星光熠熠的《後現代姨媽》更顯功力；呢個月電影中心仲有 8 點場，小弟誠意推介《天水圍的日與夜》
講開電影，順便幫老師新書賣廣告；前日約埋同學睇小津安二郎《浮草》同埋市川崑《細雪》，小弟少睇日本片，書中提及最鍾意應該係篠田正浩《少年時代》（藤子不二雄Ⓐ 監製）

奧運追加 - 三間示範著...

2008-08-18T02:20:00.001+08:00

歌手們最興將大會 T 恤剪到支離破碎，94 年憶蓮現身「叱吒巨星籃球大賽」，一身 adidas（全年著得最恰當可能係呢次）外加別出心裁「背心」，亦可能係風火海最後一次伴舞？
曾經係校隊後備，當日憶蓮亦有落場（最後 DJ 隊嬴，其實佢可以過檔），記得再前幾年佢仲去過「八月綠游游」做冇水著啦啦隊，印象最深刻係學友露點著泳褲（反而城城除慣冇乜特別），令我諗起《亞飛與亞基》...
雖則歌迷們（包括我）覺得呢個三間 look 太庸俗，小弟當年亦有買藍色迫鈕褲襯棗紅色 Gazelle，而家就梗係 Y-3 啦...

一蓮串, 大細聲...

2008-08-17T03:30:00.001+08:00

唯一解釋係小弟翻睇過太多次，磁粉都甩埋，以致 audio track 質量參差（例如錄同一個節目＜流非飛＞就保存得好好，因為好少翻睇）；不過有得睇好過冇啦，反正都唔係唱 live，CY 網頁亦可以聽返足本（有埋＜太陽傘下＞同＜心野夜＞，tempo 亦較慢。）
開場係三位天后鬥法＜回憶總是貓喵的＞，SY 係主場，FW 繼續夢遊，林小姐亮相唔夠一分鐘都換過條裙：小弟都覺得銀色靚過 94 好多，不過可能跳舞冇咁靈活啦；其實最鍾意呢個 medley 反而係慢歌部分 mix & match，＜情人的眼淚＞音樂配一兩句＜前塵＞＜野花＞，效果跟＜心歪心斜夜＞異曲同功，不過＜決心＞反而冇用 CY mix（當時應該未派台，定係個 beat 唔夾？）

是時候叱吒一別...

2008-08-07T20:11:00.004+08:00

94 年度係憶蓮最後一屆入圍叱吒最高播放率女歌手（王菲金、彭姑銀），95 年 1 月 1 號頒獎酒會佢冇出現（當年係個酒會，小鳳姐做客席主持；得獎歌手上台排排坐，好似連歌都冇得唱...）到 17 號去紅館搞多場「叱吒樂壇演創會」，現場觀眾由 20 首全年播放率最高原創作品票選我最喜愛歌曲同我最喜愛演繹大獎，分析賽果前先同大家重溫一下排名不分先後：
沒有季節的火花 - 如果得不到愛情 - 祝福 - 個個讚你乖 - 我願意 - 決心 - 情歸何處 - 那有一天不想你 - 用心良苦 - 我不是一個人住 - 你是我的1/2 - 忘情水 - 只有你不知道 - 誰人知 - 終有一天感動你 - 怎麼天生不是女人 - 鐵幕誘惑 - 橫濱別戀 - 笑說想 - 我等到花兒也謝了
- 因為只計原創作品，女歌手未鬥先輸：FW、CP 被迫換畫（＜夢中人＞、＜讓我跟你走＞肯定受歡迎得多），SY、SK 三甲不入就更加冇份（＜繾綣星光下＞、＜女人的弱點＞就算係冠軍歌亦冇得留低，後者係咪算原創當年亦有所爭議）
- 男歌手都係四大天下，當年劉華同商台仲算 ok，只屈居於學友，城城三甲不入不過有成三首入選廿大（當晚觀眾席坐正俞琤隔離唔係安娜而係啟華），Leon 一曲獨大兼有家族撐場，獨攬兩大獎（冇錯，演繹大獎都係佢），果然係一場遊戲...
- 香港歌手唱原創國語歌，台灣歌手唱原創粵語歌（其實係改編自己首國語歌）；憶蓮走在最前，＜決心＞（同再上一年無端端唱＜暗示＞都）係名副其實 made in japan，加埋一身《love, sandy》套裝，你話係咪應該頒多個 xxy 亞太區最受歡迎女歌手獎先？另外始終要讚商台多年來俾新人唔少演出機會（雖然幾年後演化成催淚環節），趁點票期間各生力軍輪流上台獻唱，仲有前輩歌手訓示，配對題大家齊齊玩（估中冇獎）：
吳倩蓮 - 張崇基／張崇德 - 曹永廉 - 孫耀威 - Girl Friends - 風火海
｝憶蓮 - Leon - 城城 - 學友 - 劉華 - 草蜢

數愛不還...

2008-07-26T22:50:00.002+08:00

覺得有必要在這個月記下意識流...
翻看月曆卡（6 個月分前後印那種），赫然發現 1 月跟 7 月排序完全一樣：只有 1 號係公眾假期，26 號都係星期六；因為今年係閏年，造就了兩個相同的月份，一個循環。（2004 同 2012 年就唔完全一樣，因為 1 月有農曆年假）
可能因為＜至少還有你＞隻碟冇快歌（＜now or never＞唔多算係...），《2001 蓮》有兩首舞曲著實令人喜出望外；數算著一通電話一個短訊一次相會，難道不知一個人一個吻同在這裡呼吸空氣都是一剎自然過後不還？
你吻過我的嘴我的臉我呼吸 / 一個吻有一公升甜蜜 / 每一個呼吸有幾個你？

陪我去迪斯可，走過每一坪天地，在路上都是你？

回味...

2008-07-16T02:08:00.005+08:00

佢係 charlie，因為與小弟份屬好友，朋友們順理成章地認為佢應該叫 charlie（布朗）；唔計去 camp，20 年以來第一次一齊去旅行：此行憶蓮帶路，本來諗住星期五夜闖外灘黃埔會，不過因為班機 delay 兩個半鐘去唔成；於是星期六趁開場前趕去新天地，到夜上海時天還未夜：小弟奉行多菜小肉，charlie 就大魚大肉，惟有各自搵食：
carnivore：紅燒獅子頭、東坡肉（各一客）、三鮮泡飯
herbivore：crispy 素鵝、松子馬蘭頭、鮮筍四季豆（另推介餐前薄脆）
出發前去翡翠拉麵開茶會，酒釀丸子勁難食，於是成為此行另一 mission：丸子內藏黑芝麻蓉，char 覺得似湯丸；我呢碗楊枝甘露比較杰（實在唔係「露」），當然好食過許留山芒果撈：星期日自由行，陪 char 去買澤東襟章（小弟係蓮教，佢係毛派）之後去探海上阿叔，原來徐家匯有間分店就在酒店附近；其實酒店包早餐仲係好飽，不過前一日行錯路冇去到阿娘麵店，呢餐食唔落都不能錯過：carnivore：阿叔拼盤（char 推介燻魚）、炒河蝦（蝦米 size 連殼食）
herbivore：津白（走火腿）、薺菜豆腐羹（超讚！唔杰）問定丸子冇餡先至落單（好過碗西米露），呢餐 char 相當滿意，令小弟冇咁唔好意思：畢竟咁多餐都係我話事，又唔陪佢食街頭小吃（如果單拖亦未必會上館子...）
回味著演唱會、上海菜、跟 char 一起的日子、我不可愛的時候。

哭的理由...

2008-07-13T02:30:00.000+08:00

19:45 我的心在跳舞
- 小弟繼港樂再一次衰遲到而睇唔到開場，所以我要再去新加坡／台北...
19:50 一個人
- 呢個版本偏向似＜不安分 mix＞，不過又唔 exactly 係；背景黑底白點令我諗起條 YY 裙...
19:54 不還你
- 我唔落 d，基於補償心態，一直好鍾意呢首：今次亦太玩 disco，背景係個大 disco ball，第二節唱三次「迪斯可」先到「莫斯科」...
19:58 謝謝儂 - 1 - 事隔兩年，叫大家有心理準備會跳舞（唔公平啊...）
20:01 夜太黑
- ＜自製空間＞背景 zoom in，「只是只是只是夜太黑...」不再輕輕的，變成 guitars + drums + keyboard 互 jam grand ending…
20:06 匆匆
- 第一段 verse a 唱錯了歌詞（成功執生一般觀眾實唔覺），Angelita 唱得勁過之前十場，ending 保留了 "love is a game, don’t take it too seriously" caption...
20:10 滴汗
- 肥皂泡效果好靚（Patrick 亦玩埋一份），逢廣東歌兩邊大電視都有簡體字幕，未唱前用上海話報定案：「上海的朋友都懂一點廣東話」之類...
20:15 逃離鋼筋森林
- percussion intro Kim 火速攝場唔夠廿秒，跟住介紹 Angelita 出場；6 男 2 女 dancers 套 a 貨衫疑似程度奇高，林小姐落力伴舞，唔公平...
20:21 情人的眼淚
- guitar intro（憶蓮有介紹呢位本港吉他手），最後一節 chorus 較 rock（係原版 melody），不過我覺得 Dick Lee 版本玩得太盡，實在難以超越...
20:26 薔薇之戀
- 情形同上，呢個 60 年代茶舞版除了人材鼎盛（dancers + 3 backing vocalists + 3 guitarists + Anthony + pointing at Luis & Mac）之外冇乜特別...
20:30 要不要
- 加了段電 guitar solo，唱完換衫到 Alan 攝場；用一首中版輕快作品介紹各 dancers，我始終覺得唔係咁夾...
20:37 日子
- 視覺效果比唔上live 07（「睡姿」投射唔夠高清），鄰座上海歌迷似乎已經覺得好好睇...
20:42 寂寞流星群
- 坐 12 行側排位置，佢落樓梯時發現呢對係超高跟鞋（star hall 台太遠察覺唔到...）
20:47 謝謝儂 - 2 - 多謝 Anthony（教佢講「謝謝儂」），chrous（原來仲有係周小君）同 musicians（另一位 guitarist 來自馬拉），其餘不變（Andy, Lewis, Jon, Mac...）
20:51 better man
- 抒情歌時段，小弟興趣不大，於是開始 send sms／打電話...
20:55 為你我受冷風吹
- 第二次有機會聽／睇現場，好感動...
20:59 謝謝儂 - 3 - 感謝上海同香港歌迷，又要自動投案，不一樣的編曲，很喜歡這一首...
21:00 哭
- 由第一節 chorus 那個「哭」字開始，驚覺自己一世人幸有 11 個晚上聽到這個版本，於是我喊足大半首…（雖然對我冇乜影響，白衫白煙遮蔽了大電視的白色歌詞字幕...）
21:05 詞不達意
- 配＜由你開始＞小橋流水背景唔算好夾，倒是 guitar 編曲作了輕微改動...
- 21:10 - Anthony’s piano intermission of 'Communications' 配以＜走在大街的女子＞獨白，台上有人抹地（唔通隔咁耐先至抹肥皂泡...）
21:11 走在大街的女子
- 換了藍色裙（小弟非常喜歡的湖水藍），環迴立體聲效果算唔錯...
21:16 聽說愛情回來過
- 歐陸色彩小屋加落葉落雪背景都算配合首歌，不過相比於 live 07 就唔夠 sophisticated...
21:21 當愛已成往事
- 唔知係咪因為唔係自彈自唱，總覺得呢個版本（縱然係）大合唱版本太過形單隻影...
21:25 至少還有你
- opening 改以木結他，突然發現冇背景 graphics，國歌連字幕唔駛啦（不過其實 chorus 結他同鼓太大聲，根本聽唔到觀眾唱...）
21: 30 愛上一個不回家的人
- 第 n 個版本，個人覺得再超越了 live 02；不過另一方面我更珍惜 live 07，只有在香港才可以如此放任率性躲起來（所以邊到我話覺得唔公平呢，我有＜天衣無縫＞喎...）
21:37 - 謝幕 - 21:39 - clap clap clap...
21:41 飛翔
- 背景 graphics 同 99 年個黑白 mv 相近，編曲改以木結他配 synthesized strings 冇原版咁電子，有點像 new age Enya folktale，最後一節由黑白轉七彩亦予人有希望之感...
21:46 謝謝儂 - 4 - 感謝主辦／贊助單位；Anthony 連同 backing vocalists 獻唱上海話版＜至少還有你＞搞氣氛，我就寧願憶蓮唱多首＜玩伴＞之類...
21:57 我坐在這裡
- 在那裡... 在這裡... 佢唱錯歌詞，不過我自己亦唔見得記得晒...
22:01 鏗鏘玫瑰
- 第一節 verse a 鋼琴伴奏，第一節 chorus 唱兩／三次先至到她一直給，第一次聽未完全消化，下一站再仔細聽...
22:06 依然
- 假使你也是...
22:10 傷痕
- 大團圓結局，一齊從 chorus 開始...
- 22:13 - 謝謝儂... for your love and all the memories...

飛的理由...

2008-07-11T12:56:00.002+08:00

就像是一艘飛上海的客機...
雖然上次去台北都有唱，不過睇完南京 rundown 我還是最期待＜鏗鏘玫瑰＞（下面個 mv 係咪同新城頒獎禮個濃縮版一樣？）
如果有得揀，我會三首國歌都唔要，請給我＜哈囉寂寞＞、＜沒有人抽煙＞、＜十二小時不下雨＞（last one is more of a literal wish...）
如果這個時候上海有蓮...

票務二課...

2008-07-01T16:24:00.001+08:00

滔滔千里，萬人空巷... 當時去鴨寮街耀榮排隊（咁多年都冇搬），都幾長龍：港台兩把口，我呢張黃色飛有個皇冠印鑑；記得我本來坐樓上雅座，跟住唔知邊個幫我班到張樓座飛，lucky：小弟算係 Sheraton 常客，畢業聚餐、學校搞 events、頂樓 sky lounge 亦偶有幫襯（felix 冇位時），原來首次來高級派對之內就係應林小姐之邀：93 年呢個仁愛 show 冇 keep 到張飛，反而個襟章得來不易，演出歌手粉絲們共襄善舉，為一睹偶像風采，星期六晨早出動全港各地，唔係追車而係賣旗（憶蓮地頭係沙田火車站），真係為你我受冷風吹...cash dollars 冇得換，呢個位同 1580 貴賓席後座平排但側小小，唔知影唔影到相；咁有眼光做 title sponsor，我去到上海都會多簽恆生卡...

今夜 utube 吳滿秀

2008-06-29T18:50:00.002+08:00

yo, here come Wu Man & Sandy!吳大維締造了心目中的 abc，另類後殖情義結，或許源於《今夜星光燦爛》。
95 年憶蓮實踐著野花的飄泊，給自己定下三年計劃，回顧當中並非全都成事，但也有不少意外收穫（例如普通話進步神速...）

＜傷痕＞成為李／林的國歌代表作，雖然我自己揀應該十大不入；吊詭地此 show 選播了＜希望＞，另＜非愛不可＞曲／編 credits 亦有誤（臨尾 silkcut 一幕與 SATC Samantha 開場同出一轍，Robbie Williams 'Supreme' 都係指涉呢個 archetype...）

深情會歌友 utube

2008-06-28T10:21:00.002+08:00

本來諗住為巡迴造勢推出神州國歌系列，不過上回反應尚算踴躍（有時都會懷疑係咪有人睇），於是先延續野花精神，分享一輩子深情。
大 show 冇唱 live，反而上勁歌又有喎：

鏡頭一轉去到 AC Hall，夥拍港台搞 mini concert，大家一齊跟入後台睇睇...
我應該有去，不過對 rundown 冇乜印象（可能因港台關係），好似坐樓下後排，唔知完場狂迷堆中有冇我／你份？

交返俾一廠，第 N 首季選歌係...（鼓...）＜應承我等埋我＞（不過後排 dancers 似係再生水袖表演，星工廠果然物盡其用...）

串...

2008-06-27T02:10:00.001+08:00

話說餐前對住美食拍照十居其九都係 blogger（or openricer...？）小弟份屬其一，不過呢餐 Press Room 7 個人 mid-week dinner 埋單 $2750 總要回味一番；egg white frittata 似玉子燒美白版，應該可以自製：
格局似但係高檔過 798 Unit（甜品仲要冇咁好食），都係嘈到檯頭尾對角都聽唔到對方講乜；不過呢度樓底高，weekend brunch 時段有陽光射住，應該幾都市觸覺，點知...

renditions...

2008-06-20T19:43:00.003+08:00

完成兩星期密集式普通話國家水平測試備戰課程，最難搞係命題說話：30 條題目stochastically 抽兩條，任揀一題講三分鐘；如果抽中「我喜歡的明星」就完全冇難度，點知我就唔好彩要講「我的願望（或理想）」，對於活著不知為什麼如小弟實在不知從何說起。
跟朋友聊到這個話題，想了良久，我答我想有人陪：冇睇《衝上雲霄》，不過應該就係「可是我也很想有個人陪」那種意思；呢首係我唱 k 飲歌之一。
有時覺得一個人談情說愛的經驗跟其浪漫而不切實際的程度成反比，於是呢排鍾意聽吳克群＜為你寫詩＞；音樂可以浪漫而不切實際，以調劑大部分時間不見得如此的生活。
下周預告：神州國歌系列...

博愛 youtube 傳野花 92

2008-06-15T15:30:00.005+08:00

延續樂善的心系列：呢個慈善 show 由華納系主導，憶蓮之外有 SY、Lam、Danny（此為 Danny 生前在港最後一次演出），寶記派出學友、克勤、SK、ukulele，陣容稍遜。
前後四度出場換三套衫（其中一次只呼籲冇唱歌），相比於 90 保良算小兒科，不過佢同時有份唱 opening（同學友唱＜money money＞，其他演出單位落場賣旗籌款）同完場大合唱前壓軸演出，牌面上都算嬴 SY（當時未過檔華星，Paco 諗住仲有得傾...？）
本節目於 92 年 3 月 22 日假文化中心舉行，當時開始 plug＜野花＞，不過是夜只係播 MMO，背景白幕穿插憶蓮配花卉彩照，貫徹「今日明日盡表達」主題：
廣告之後有請壓軸嘉賓出場，互唱對方經典金曲：憶蓮貫徹藝高膽大精神，＜焚心以火＞唱得算恰到好處，學友唱＜愛上一個不回家的人＞，SY 唔識中文，唱＜每天愛你多一些＞最冇難度：
音樂揀我，我揀音樂聽；莫道你在選擇人，人亦能選擇你。

心跳回憶...

2008-06-09T02:17:00.001+08:00

對於隨身聽／耳機唔算太講究，只有一個要求：較到最大聲，唔帶住（放在肩膀）都聽到，方便行山時 'funk' 機（似阿伯晨運聽收音機）。
呢款 Bose in-ear 仲有多個優點：低頻質感沉厚，連 live 07＜天衣無縫＞intro 心跳聲都聽到（之前試過 Shure 都唔得）；第二代換了斑馬線相當可愛，仲係 iPhone compatible（聽講 iPhone 雖然都係用標準 3.5mm 耳機介面，不過卻在外殼加深了 0._mm，令一般耳機無法正常接入...）行貨 $850 聽足一年心跳都抵返。

如果這一秒鐘你跟我講...

2008-06-07T21:15:00.002+08:00

9 年前，覺得呢張唱片流行的太流行，沉重的太沉重，所以冇買到（其其他廣東唱片都買得返，係差呢張）；25 年前，劉以鬯發表了小小說＜打錯了＞，後來被翻譯成英文、法文及日文（個人認為題目英譯作 'A Wrong Phone Call' 比 'Wrong Number' 恰當）。
生活中打錯了比比皆是，讓我們繼續享受能力範圍內的輕狂和豐盛...

娜式薄荷糖

2008-05-30T02:41:00.000+08:00

一盒 $230 得 25 粒，標籤清晰列明冇營養可言，不過亦冇飽和或反式脂肪；小弟唔鍾意薄荷亦唔鍾意硬糖，今晚（又）唱 k 人齊派街坊...

__後隨便說...

2008-05-29T13:14:00.000+08:00

3-million $$ baby (2) - youtube 醉夜星

2008-05-21T22:20:00.003+08:00

93 年斥資三百萬，隨時一筆過買到層豪宅：市道好，大家都唔介意消費，例如俾幾百蚊買隻 LD 返屋企引吭高歌；不過小弟就要成個幾星期唔食 lunch 至有 $$，何況屋企冇 LD 機？
不過都係要買碟唔買帶：淨係大相集就已經抵番，白板碟都係咁買啦... 原來小弟理財概念多年不變：$$ 買到的快樂，何而不為？（例如捐$$）
講返呢張《星夜醉語》，＜不如重新開始＞CG 落足本、＜天大地大＞夠大堆頭，其他就一般啦，不過每首歌開頭有 SL/CH/CTH 輪流講幾句都算有誠意（似 N 年前金曲挑戰站）；小弟應該到讀大學先至第一次唱 k，雖然個訪問講到好似唔係咁難唱，我就覺得自己水準實在差太遠無謂獻醜／褻瀆（所以多數播 vocal 逼大班人一齊睇），如果勉強要揀一首飲歌，我諗係用學友 key 唱＜日與夜＞（live 05）。
live 07 部分歌曲係未滿 18 年資歷粉絲不宜觀看，另一部分係 fans' guidance is recommended（即係一般大眾自以為識唱點知跟唔到拍子），當中最易唱會唔會係＜決絕＞？

3-million $$ baby...

2008-05-21T04:08:00.001+08:00

買豪宅？搵伊莎貝拉啦！三百萬夠俾成半首期...

默讀傷悲

2008-05-19T23:46:00.004+08:00

倘大的辦公室沒有人，於是走到平日上落班必經的草地斜坡（以前會想起王安憶《荒山之戀》，而家日日行反而唔覺），用三分鐘聽了＜破曉 II＞（we only got 3 minutes to save the world...）
即使相處沒期限... 我們還是順其自然，畢竟生活比想像中還要更隨機...

發霉 youtube 耀保良 90

2008-05-12T09:47:00.000+08:00

搶救成晚，竟然勉強睇得返（質素一般，請見諒...）
傳說中的星光熠熠耀保良，90 年林小姐勢不可擋，電視機前小弟肯定睇得好 high：opening 出場唔夠幾分鐘（當中大部份時間當佈景板）都特登援套衫，絕不欺場（或者係 F&P 歐洲之旅瘋狂 shopping 後遺症）；SY 係當晚大牌（opening 後第一個演出單位），不過論出場時間，換衫換髮型次數都及不上憶蓮，贏了漂亮的一仗，yeah！（90 年代用語）　　
F&P 相集中小弟至愛呢件 top，燙個懷舊髮型同草蜢唱＜給我一個吻＞＜紅唇的吻＞crossover（非 90 年代用語）
當時應該未 plug＜情人的眼淚＞，medley 都係要隨俗唱老套版本（「老套」都似係 90 年代用語）
話咁快又換過另一套衫同王傑合唱（不過應該係同開場同一條褲），林小姐當晚出場次數超多，其他合作單位係合唱完一 part 接住唱 solo（攝 10 分鐘一節再去廣告），佢就可以返入後台換衫飲啖茶食個包（仿 90 年代用語）　
其實應該冇時間飲茶食包，又換衫又 set 頭（呢個髮型印象中只此一次），斷估出場前仲要排舞；呢件幾乎同 SY 撞衫（佢唱＜心裡的陽光＞），不過佢得一個男 dancer，林小姐成棚人至少贏排場（唔知完 show SY 有冇向 Paco 詐型...）　

紅盒...

2008-05-04T02:56:00.000+08:00

你有一條管...

2008-04-30T00:52:00.004+08:00

隨著節奏在...
小弟後知後覺，終於染指 youtube 了...
其實自己好少睇，覺得此等質素難以接受；不過近排開始漫長文物修復數碼化大工程，搵返奇形怪狀片段都可以同大家稍作分享。公司部機慢，所以唔會 embed 落 blog，得閒上去望望，同本部落格一樣，不定期更新...
擁抱你但願能隨著我這感覺風中輕輕轉身
如果睇完想留底可以 add 我 msn [wbs@whiteboardsandy.com]

蓮誌別注 - be who u're from...?

2008-04-27T16:30:00.003+08:00

大家或者都知道＜come as you are＞係 Nirvana 91 年大碟《nevermind》第二張 single，至於「be who u are」則一直無從稽考（至少我唔知啦），不過今日唔覺意搵到另一個疑似源頭：
行 Page One 見到呢本過期《Another》雜誌半價，見 Julianne Moore 披頭散髮諗住都買得過，俾完 $$ 打開內頁就發現超值：inside front 有 10 版 Steven Klein 拍 D&G 08 A/W 廣告，內頁再加 4 版介紹呢個 collection，通常冇人睇 editor's foreword 又竟然俾我望到... 咦...？
話說攝影師組合 van Lamsweerde & Matadin 影封面之外仲有另一輯幫 13 個女演員求其影幅相，求其在於自備 wardrobe 任擺 pose，做番自己；13 位我識唔晒，不過竟然有 Isabella Rosselini，而我就比較鍾意下面呢幅 Claire Danes：呢期係 07 年 9 月頭出街，月尾 live 07 記招 poster 就見到同一句 tagline，真係唔知係事有湊巧定係移花接木（我一向都唔喜歡一個用 'you'，另一個係 'U'，覺得唔 consistent...）

蓮蓮有今日...

2008-04-26T16:06:00.001+08:00

自林小姐過著飄泊浪蕩的野花生涯，其廣東 first plug 通常都略帶本土氣息：例如＜回歸＞驚鴻一瞥，＜哭＞mv 周格泰飄洋過海坐電車，以至＜本色＞巡遊匯豐、中銀、會展，不過始祖就應該係＜決心＞tvb mv：94 年穿梭大陸台灣日本等地，未出日文碟就不斷有日本音樂人原創曲目填上華語歌詞（前作有＜戀愛再不遠處等我＞同埋＜暗示＞／＜春雨＞，後者仲竟然冇日文版）；＜決心＞係闊別本地樂壇數月後之力作（91 至 93 年幾乎個個月有 plug 歌），咁耐冇見當然要聊表心繫香港之意，所以 mv 亦於中環鬧市實地拍攝，匯豐、中銀、電車站之外當然唔少得立法局大樓（pre-97），按圖放大可以睇埋 captions 了解路人甲乙丙之由來（我估呢本係《東方新地》）。youtube 竟然搵唔到呢個 mv，等我搵下自己床下底...
同場加映＜不如重新開始＞梳頭記，其實 tvb 版同星工廠版都係相近造型，亦同《號外》輯相好似（按圖看全文）：
生日賣大包：加送 92 年《SCMP Guide》報導廣西之旅，標題竟然有 'mercy'，呢位 editor 肯定係粉絲（again, click to view the article, and please support Watchdog / World Vision）

一世... 第二...

2008-04-23T02:34:00.000+08:00

如果我沒有遇上林憶蓮，關淑怡應該是我的最愛... （雖然程度上或者還不足以相提並論）
關小姐兩個大頭封面都深得小弟鍾愛，我幾肯定呢件綠色西裝褸影全身唔會好靚。
前文提及關小姐頗適合唱改編歌，寶記索性一雞兩味：印象中第一次見白板碟係原曲同廣東改編版本一併收錄，查實改編歌詞以至編曲亦忠於原著；可能因為趕年尾頒獎禮，《love is forever》大碟基本上係全改編歌，跟同年暑假推出《金色夏季》剛好相反（得一首＜午夜狂奔＞改編自瑞典姊姊花組合 Lili & Susie）。而呢隻《favourites in originals vol. 8》亦收錄 Gregorian 另一首＜So Sad＞、＜白費心機＞改編自 Vanessa 'Wilhemina' Williams、仲有＜熱愛 can't let you go＞（都係來自 Lili & Susie）等原裝正版。
無端端有一個關淑怡演唱會，本身已是 unexpected，如果求其唱以下一首，就真係超乎想像值回票價（已成功由山頂 upgrade/downhill 到第三行）：
＜繾綣 28800 bps＞- 雖然已經係 terabyte 世代，我們在網上談情說愛卻有增無減，所以我更嚮往 live
＜忘記他是她＞- 寧願佢唱呢首多過＜忘記他＞，少有 CY Kong crossover 陳輝陽，最好有 strings 現場伴奏
＜cucurrucucu paloma＞- 我唔介意套戲冇佢份，不過連首歌都冇埋就太過可惜
＜他需要你她需要你＞／＜月光曲＞- 呢兩首同類，都係有兩個版本（廣東 vs 國語／合唱 vs 獨唱），編曲同唱法都唔同，求其唱一首我就已經心滿意足
＜心急＞- 個人 ultra-unexpected 之選，你諗下今時今日要佢唱「思想雖開放談吐也爽朗人卻永不放蕩」，我就真係想像唔到會係點喇

我的80年代...

2008-04-22T01:58:00.000+08:00

童年你與誰渡過...
如果劉美君演唱會如此 80 年代，我認為 Jerald 亦應記一功~

我懷念的 - yes!

2008-04-17T02:15:00.001+08:00

其實唔係特別懷念...
唔聽港台，唔鍾意倪震，唔係見有林小姐（仲要係獨家相）都唔會買《Yes!》...第一輯 SL Yes! 咭有兩張，係呢輯相轉黑白，背面係＜再生戀＞／＜愛上一個不回家的人＞歌詞，即係 91 年；第二輯變番彩色，後面印有「永遠支持林憶蓮」之類無聊 slogan；打後都係普通宣傳照，最後一輯係 94 年，歌詞係＜赤裸的秘密＞。偶然有一兩張係閃咭，不過我覺得唔閃仲靚，其實我自己好少去抽，其他玉女粉絲同學抽完唔要都會自動俾我。
同場加映 SK《真情》漏網照，效果同封面果然爭好遠... btw, 小弟有山頂飛多，原價出售有冇人認投？（10% off for SL／SK fan club members）
Apr 24 (Thu) - aisle 45, row 34, seats 88-89 [aisle]
Apr 25 (Fri) - aisle 45, row 35, seats 88-89 [aisle]

禁禁禁禁禁劉美君...

2008-04-15T13:26:00.002+08:00

早幾日睇返無線音樂台訪問，＜大開色界＞播唔夠半首未倒奶就冇得睇，其實之前睇 youtube 覺得咪又係咁，反而新碟另一首＜私人補習＞仲梗，樂而且淫；不過劉美君「禁歌」太多，下面嚴選五大另類 guilty pleasures：
- ＜玩玩＞／＜我估不到＞／＜事前＞：《赤裸感覺》包辦三首，冇揀＜事後＞，覺得前戲身心更刺激；其實三首主題都係紅杏出牆，一般「信女」歌手邊夠班唱？＜玩玩＞女權至上無悔獨立宣言，＜我估不到＞以故事表白純屬意識越界，＜事前＞靈慾交戰講到冇得揀其實都係自己揀，配合埋《四度危情》音樂特輯（附劉華金句），論概念完整絕對唔差過林小姐
- ＜多些給我那些＞：原名＜事前事後之間＞，左右對聯迫爆中間個貞節牌坊，不過我總覺得歌名係林振強回應周禮茂＜這麼那麼怎麼＞；同碟林振強有＜夜已變得騷了＞，後來周禮茂又有＜最騷的夢＞，可見某些字眼適合某類型歌手（周仲寫多首＜搔我心底癢＞，狀態化成動作）
- ＜娃娃歲月＞：冇錯，呢首係小弟禁歌之首，平時聽《不再娃娃》＜China Girl＞之後一定要 fast forward；聽新曲＋精選以為冇 intro 一段「外婆叫我小寶寶...」冇咁難頂，點知聽兩次都喊（第二次仲要身處公共空間，雖然周圍冇乜人）。Dick Lee 旋律一貫動人，倒是劉、周洗盡鉛華（定係應該話洗心革面？），再加上小弟個人感情分，令呢首＜前塵＞姊妹作地位超然（seriously，有一期我仲超鍾意食潮州粉果...）
92年12月，歲月逍遙音樂會@ AC Hall，因為第二日要考 Biol 而冇去睇（中四文科都要讀一科 science，好驚唔合格，個阿 sir 又面目可憎，而家做補習天王反而見佢笑容滿面），屬小弟少數之人生憾事，於是今次一早（未知有林小姐）就買定飛（雖然係山頂）；由冇（話有）嘉賓變成 80 年代群星懷舊晚會，唔知會唔會搵 Eason 唱番首＜午夜鳴＞？（雖然我更期待睇／聽 Jerald 點樣由細玩到大...）這晚 get on high [buy tickets]

watchdog / pizza

2008-04-10T02:30:00.002+08:00

林小姐聯同 kiehl's 攜手為 watchdog 監護者早期教育中心籌款，將位於九龍佑寧堂的前 sunnyside 幼稚園改建成「監護者」新校舍，為更多 6 歲以下、有特殊需要的小朋友，提供早期教育及訓練。sunnyside 位於佐敦道近覺士道，小弟細個做童軍經常路過；為延續日行一善精神並與林小姐共襄善舉，小弟下月將舉辦一步一生步行籌款，迫一眾友好行山兼／或捐款，目標籌得四位數字（個 range 都好闊...），有意 sponsor 我歡迎電郵小弟，$100 以上會發收據作扣稅之用。
／
近日派對指定餐廳當然係 pizza hut，呢個露絲瑪莉薄餅都唔錯（雖然個人比較鍾意上一款），不過竟然送漏兩客小弟至愛蘑菇湯 -_-
細個覺得去 pizza hut 都算豪，懶有歐陸風情，當然後來發現係港式 'fusion'；愈大愈揀擇，寧願平日勁求其偶然食餐好（／懵），all-time favorites 係 amaroni's assorted mushrooms 或 cafe o mushroom + pesto...（不如星期六去？）

才發覺很久沒有...

2008-04-05T01:10:00.002+08:00

＜哭＞原版 intro 頭三粒音同 mv 導演周格泰個名竟然同音，十多年來都覺得相當吊詭（作曲編曲都應該唔係咁識廣東話...）
可能忙於記錄，可能編曲改動太大而產生疏離感，睇十場 live 07 竟然冇喊過，點知...
是夜本來去睇《最遙遠的距離》，不過友人 SL（sick leave），求之不得：即刻去信和買（舖頭仔 $168 送海報，其他幾間都要加 $10），搵個合適場地（sony projector／六呎屏幕／一對 bose 161 喇叭）重溫盛況。
當然係先睇 disc 3：＜詞不達意＞都仲 ok，＜為你我受冷風吹＞就不能自已，畢竟以為冇機會再聽呢個版本，去南京會唔會再唱？
disc 1 好似睇 orchestra recording，之前留意唔到某幾首歌有某種樂器都睇得返，最感動係兩首單字歌（可能因為剛剛睇完 documentary），邊睇邊喊... 蓮教果然異常 cathartic，同 televangelism 有得揮~
disc 2 只係睇番＜incomplete...＞，都係想像唔到去到 K 點唱...
你有多久沒有感受自己？look inwards, be who u are...

海邊卡夫卡...

2008-03-27T13:43:00.009+08:00

竟然上到網，不過好多蚊；itunes 冇曹格（廣東版係咪冇出碟？），聽 Chet Baker 都唔錯係時候返上去忙埋呢大半日（聽日老闆出 trip，lucky~）
同場加映：萬紅叢中幾點黃：

我懷念的 - record mongers

2008-03-22T02:59:00.001+08:00

雜誌名稱不詳，不過應該係 92 年左右（其中一幅相見到關淑怡《製造迷夢》），都算係本地唱片業全盛時期，至少我自己買唔少。
小學大部份同學都入喇記，得我嫌個名譯得難聽（雖然學校名同條街名一樣又好似幾勁）唔揀，單拖做 DB／MK 仔，亦間接陶冶小弟的音樂性情（如果返九龍塘又點可以 lunch 都落去行唱片舖？）- lunch 多數行女人街威威同添記，信和大部份都未開舖，寧願放學先去
- 印象中威威店（定係添記？）試過兩面街都有舖，一入到去兩邊有大櫥窗係唔同唱片公司 showcase；唔知點解誤以為威威已經摺埋，早幾日特登去睇睇原來依然屹立女人街（反而係附近其他舖頭唔同晒），仲俾我搵到隻特價吳浩康《Deep in the Music》
- 細個少去荷里活中心，總覺得上樓舖有黑店 feel，特登行上去唔幫襯又好似唔係咁好；反而近年鍾意去節拍執平碟，不過唔再係 cd 而係 dvd（二區碟成日要估日文／法文譯名）
- 信和試過有成廿幾間唱片舖，亦試過有成廿幾間賣四仔，而家都算成功轉型啦；咁多年仲有得留低除了橫浜應該就係迴音閣，以前對住橫浜（下圖，仲見到有賣唔少白板 cd：我認得有＜touch＞、＜不來的季節＞、＜對你愛不完＞等），後來進駐一落地庫電梯位，可能租貴唱片亦貴幾蚊，小弟亦開始少幫襯
- 近年已少買 cd，ipod 亦冇乜新歌，不過要買碟亦會去番信和（多數去舖頭仔，鍾意人多夠逼，錯覺唱片業繼續興旺），慳幾蚊不過蝕車錢，始終有感情分啦；以前放學會去上一層中間轉角位一間舊舖打躉，幫老細陳生收錢（其實生意唔多）同埋洗黑膠碟（佢有部洗碟機），冇人工不過可以自己打碟聽歌，幫襯白板碟都冇乜折頭
- i feed on music, what do you feed on...?

we all choose (2)

2008-03-16T23:31:00.000+08:00

there's a subtle difference between mr p and human touch, and i chose the latter...
人亦能選擇你（唔選亦可，你亦可）

白色手機...

2008-03-16T23:18:00.001+08:00

行程緊密，「歌潮‧汐韻」研討會只去了周耀輝先生一節，提到＜不捨不棄＞原來係離港去荷蘭前最後一首作品：「縱分千里也是一起莫失莫忘」不棄的仲有一本《道德男人》，趁中場休息時冒昧索取簽名；查實袋裡面仲有本《18 變》，不過咁多首入面只貼中一首＜兒戲＞，紀念價值較低。席間仲竟然見到李焯雄先生，於是又扮粉絲搭訕：閒談幾句＜color of the moon＞係咪見街冇期、有冇睇演唱會聽林小姐唱＜傾慕＞之類。
再者怕且...

我懷念的 - we're not growing old

2008-03-15T01:16:00.001+08:00

91 年 2 月《壹週刊》訪問陳志明（邊位？click to enlarge），《drifting》未出街，最 update 就係《dance mega mix》；原來《grey project phase three》唔只係許林陳第一次合作，亦係陳生第一次做唱片封套：- 對照許願回憶錄，陳生拿著正是林子祥《日落日出》
- 當年都覺得倫伯《fairy tales & dreams》CG 好勁，今時今日就梗係嫌 resolution 唔夠啦
- 喜歡關淑怡可能從《true love》封面幅相開始（靚到非愛不可），特登買黑膠點知歌詞集冇其他相（不過有張大海報都抵返），下一張《lost in the night》都正（至少多幾套衫），再下一張大碟《金色夏季》換來張叔平就...
- anita 咁多隻最記得《in brasil》：封套＜夏日戀人＞音樂特輯一條龍，仲有頂生果帽
- 許林陳七年合作十隻碟（《愛上一個不回家的人》唔計），graphics 次次新款，或多或少灌輸予小弟唔少 artistic sense，在工作上都算有所增值啦（下個月又要度新 poster layout... @_@）

自製空間...

2008-03-11T14:05:00.000+08:00

不經不覺，小弟斷斷續續在這裡工作了接近七年（計埋 part-time），做過 4 個 depts 坐過 7 間 office，今次最大工程，一切從爛地開始：
搬屋前留影（大電視冇得留低，不過新 office 會議室有 projector），我會懷念呢個窗：
返呢份工年半已經有十幾箱，如果有一日小弟搬家都好大鑊（住成廿年都應該有百幾二百箱），pack 都唔煩，unpack 先至慘（星期六執成日都未搞掂）：
終於牆明几淨，可惜係牆唔係窗，窗口房要有博士學位先有得坐，不過我都鍾意呢個位，話晒 partition 隻藍色係我自己揀（其他傢俬都唔係我話事）：
好似好整齊，因為所有雜物當睇唔到質晒入櫃，一個擺公司文件，一個擺私人珍藏（例如過百隻碟有多過一半未睇）：
上面個位咁整齊，實際原因係小弟兼任 receptionist，呢個至係工作間，真係有其人必有其位：
呢個係敝部門第一個實驗室，專做胺醯基化 tRNA 合成酶藥物研究（下刪一千個 jargons）：
呢度呢，如果三五七年後未俾人炒又謀唔到高就，我都唔介意搬埋上山，希望留個冇滴海景房俾我啦（不過架車最好唔係白色）：
夢遊完畢，收起知覺，低首工作...

自己揀...

2008-02-29T01:26:00.000+08:00

選擇跟一班朋友去睇林峰，放棄了一張 bjork 免費飛
go through all this before you wake up
有時快樂垂手可得，有時難以讓我笑吧，如果有得揀，希望身旁的是
feel happier to be safe up here with you
如果歌者唱一首滄海遺珠已有莫大的滿足感，則《live 07》已達致前所未有的雙贏局面
是我的選擇所以我堅持

10 20 30

2008-02-24T13:33:00.002+08:00

但暗裡我卻惦掛那曾洶湧的愛那次遇上才知生命精彩當天心內激出繽紛色彩
當年睇無線播 mtv，咁細個唔識咬文嚼字；唔知點解一直覺得係「掂過」而唔係「惦掛」，解得通但略嫌庸俗，不過更 physical

像見過的肩膊上像吻過的頸背上在這赤裸的晚上載著狂想
1st plug 冇歌詞，收音機錄低估估下；曾經以為「過」係「哥」（典型港人語病，不過有時聽返都覺得第二個「過」唱得似「哥」），解得通但落俗套，不過更 sensual

透出荷葉裡青秀色化開了筆跡似水銀變色瀟灑看水墨染色滲得出刺激
＜山水＞明淨，相比於部分舊作，今次都算係聽到一字一句；預期會有這種唱法，沒有預期會出塵如此（bringing up a child of/on her own）even loneliness is full of life...