long time no see...

好耐冇見...
自轉會到華納，憶蓮歌路日漸成熟，開始多合唱歌，延續至華星、滾旦時期如是，至維京時則是獨當一面的級數，加上同門冇男歌手（有都未必夠班...），於是近年只有經典對唱，即〈兩個女人〉、〈日與夜〉、〈下落不明〉之類。
作為合唱歌，〈還有...〉坊間流行程度算係相當唔錯，一來係 second plug，二來王傑當年個勢都幾勁：《故事的角色》一碟成名，風格統一（不過十次都係咁就叫一成不變...），加上憶蓮剛轉會，即係有所謂新鮮感啦。
李宗盛首次出現於 song credits，原曲〈結束〉寫於1983年，憶蓮剛出道，我仲係細路，直到〈最好的事〉，咁又係黃金廿年。呢張白板碟特別之處就係有成輯 studio 相，係錄音室唔係攝影棚，其他媒體似乎未見過。上圖悲歌之王如常地冷峻沉鬱，下圖有倫永亮及其老套眼鏡，亦唔少得「背後的男人」。