White Board Sandy 林憶蓮 白板 collection of Sandy Lam promotional "WB" singles

Sunday, October 03, 2010

love, life, sandy and me [i]

[挪用,想不到更碟貼切的題目,請見諒]蓮迷睇番 91 勁歌總選都有感而發,而家諗番雖然只係一場遊戲亦難免勞氣...
為舒緩大眾負面情緒,聽番呢段<超級樂迷集中營>,笑番 :>
----------
當年大部份都係十五十六,唔知有幾多仲係如此忠實,見字請相認啦~

Sunday, February 14, 2010

蓮糕製作示範

本來只係戲言有冇「歡樂蓮蓮」揮春,點知 facebook 真係乜都有;本來諗住 post 92 年錄音片段,點知部 hi-fi 食帶,要下個月返港先得閒去整,惟有睇住小弟整糕過年啦:先將增城片糖加水煮勻,混入糯米粉同沾米粉,攪攪攪,然後入盤入爐蒸一個鐘左右就食得,係咪好簡單呢
初六外訪未能到滬拜蓮,祝各位蓮迷旅途愉快,蓮蓮歡樂年年有得睇,去到記得食上海蓮糕... 

Sunday, January 17, 2010

雲吞外傳

有時唔知仲係咪要寫 blogfacebook 快靚正,歌迷們要聽都或已聽過,不過作為記錄或補充,容許小弟循環再用。
最初見《本色》冇首係黃偉文都覺得怪,以為係刻意重拾舊情懷,點知事隔數年由當事人和盤托出,WymanJPG 自比都相當貼切,不過 live '07 得幾件衫都有 I.TSwank 一齊贊助啦,相信佢聽完<再見悲哀>之後都自覺抽身屬明智之選。
其實聽番呢個 97 年專訪亦有跡可尋,溫婉地話你知問題好難答,只好如戰地記者隨機應變;不過音樂創作更為主觀,的確更難解釋點解鍾意/唔鍾意
---------- 選擇/堅持
---------- 別人眼中的逃避 其實是另一方法的面對
---------- 原來仲有蘋果批
---------- 隨著我這感覺
---------- 小弟整餅都係由搓麵粉做起
---------- 雪雪湖
---------- 緣份與運氣
唔係講安慰說話(亦冇呢個需要啦),Wyman 填過三首半都係佳作(雖然佢澄清<日與夜>有句唔關佢事),惟有嘆句「悉心灌溉花不開」,體現了見好即收的大道理...
同場加映冇火花合唱歌,天王之中學友固然最夾,城城至少高度/舞蹈相襯,呢兩首係咪好似憶蓮所講,冇選擇焗住要做呢?
----------Always On My Mindw/ 劉華 @ 饑饉三十閉幕音樂會 '93
---------- <你知道我在等你嗎> w/ 黎明 @ 叱吒樂壇北京音樂會 '93

Thursday, December 31, 2009

愛情 生活 你~我

久未update,公私兩忙,總結09,有幸看了三場演唱會,仲一齊坐過火車。近期 youtube 風聲較緊,趁假期復刻一堆錄音帶,順祝各位有幸睇憶蓮10(希望香港都趕得切開啦)
---------- <歲月流聲>@共創明天音樂會:意亂情迷濃縮版,不過作為忠實歌迷,寧願佢唱自己 side tracks 都好過別人的歌,所以 KL 唔唱 80's medley 係明智之舉...
---------- 《回來愛的身邊》商台廣告:彭魯千古風流,天地野花依舊... 當年應該唔識何謂政改方案,不過亦感受到蓮歌比一般流行曲多一份知性,資本主義階級觀念上身
---------- ---------- 商台訪問92:從知性到感性,愛情來了,道理都變得幼稚...
---------- 趙增熹談與憶蓮合作:星工廠都算係木人巷,近_者_,道聽途說得知憶蓮工作團隊一絲不苟,或多或少影響小弟日後工作態度(都試過要人改七、八次)
---------- ---------- ---------- ---------- 饑饉三十閉幕音樂會99:香港唱<鏗鏘玫瑰>同<理由>應該係得呢次,小弟冇去,如果有應該會睇到喊,因為拉闊都一出場有喊,少見多掛
---------- <情人>@創作人音樂會:可能太耐冇聽,唔知係家駒定係憶蓮,竟然一聽就喊,心情難以平復...
歌仍能聽,樹仍能種,機仍能接,演唱會仍能看,畢竟已是福份

Sunday, November 29, 2009

KL 精選四十首

我的心在跳舞 - 一個人 - 不還你 - 夜太黑 - 情人的眼淚 - 心野夜 - 逃離鋼筋森林 - 日子 - better man - 為你我受冷風吹 - 哭 - it wasn't meant to be - 默讀傷悲 - 為何他會離開你 - 沒結果 - 走在大街的女子 - 願 - 葬心 - 滾滾紅塵 - 玫瑰香 - 當愛已成往事 - 至少還有你 - diva - 天大地大 - 一分鐘都市一分鐘戀愛 - 灰色 - 傾斜 - 燒 - 瘋了 - 聽說愛情回來過 - 影子情人 - 不愛的理由 - 這些那些 - 傷痕 - 愛上一個不回家的人 - i swear - get here - 誘惑的街 - 日與夜 - 此情只待成追憶

Monday, November 23, 2009

我想我是個幸運的人。
20年前開始聽林憶蓮,到今時今日佢仲出唱片,我仲可以去機場等佢,那是我的福氣。
佢或者冇諗過,潛移默化佢對我(或其他歌迷)改變有幾大;我都冇諗過,無心插柳佢帶俾我竟然有咁多。

吉隆坡同上海都應該唔會站在第一排,不過 ipod 總有 live 07,期待明年一齊去 live 10

Sunday, November 01, 2009

道歉啟示...

photo courtesy of dicken喜歡的歌手伴隨我們長大,部份歌迷都會結婚生仔,有自己家庭、事業之餘仍然保持著對歌手的寵愛(或是忠貞),長情本身也是美德:憶蓮、美君、淑怡、千嬅迷皆如是(唔係點可以買齊佢 a music 三隻碟?)
於是四歲小朋友大可以識唱<浮花>,雖然佢應該冇半秒會想放棄生命;於是歌迷可以扶老攜幼(或眷,可以兩個人一齊去睇其實好幸福)到場支持歌手,不過唔代表可以當係久別重逢私人聚會閒話家常傾足大半場,尤其當台上歌手唱緊滄海遺珠如<不可能說的夢>、<事前>等,小弟成世人都未必再有機會聽佢現場唱(段估呢班歌迷都唔係同佢熟到會匿埋K房真身演譯,你估真係<自甘墮落>個歌女咩?)
於是小弟諗唔通,唯有出聲。上次係 live '07
第七場,今次冇講英文算係咁;不過話人者是,小弟都要告解自己一樁惡行:話說 '07 第一場m & ple 姐睇 $480(另幫朋友買兩張 $680),大半 side tracks 兼編曲改到七彩,興奮程度可想而知,於是兩個蓮迷加一個夕迷(或者係兩個女人加一個狂迷)齊齊估歌,最叻梗係我,連<天衣無縫>都估到,不過中場見後面觀眾黑面都有所收歛(定係佢係因為首首都唔識而黑面呢),不過諗番都覺得騷擾到人係小弟唔好,謹此致歉。
呢個故事教訓小弟:演唱會一定要睇頭尾兩場,仲要買貴價飛同歌迷會坐前面;如果朋友唔肯陪你睇咁貴就要撇,因為佢同你唔係咁熟兼會阻住你;你係去聽歌,聽/睇現場演譯,心情好像吹不滅的蠟燭,當天只有著你我。