White Board Sandy 林憶蓮 白板 collection of Sandy Lam promotional "WB" singles

Wednesday, September 26, 2007

蓮載 6 - music is live

投資 $2500 買返部古董 Sony hi-fi(有 cassette MD 仲唔係古董?),天地載生;演唱會在即,等唔切先重溫舊作:
-----------
據聞呢個音樂會好精彩(形式同 live 07 都應該幾似),因為會考之類種種理由竟然冇去(不過似乎唔只我一個冇去,令我覺得冇咁慚愧),錄音轉播我都搵唔齊,不過呢段都算值得珍藏:
- 不知可是 JL 之緣故,憶蓮多年來唱<春雨>live 一定多過<暗示>;有時撇除曲式只看歌詞,JL 的文字度身定造得來又有其變化,除了歌唱技巧外,這也是滾旦時期的另一項德政。
- 90 年代初改編台灣歌成風(好似好過改編外國歌少少?),王靖雯兩隻碟 2nd plug 都打「風」,《Sandy '94》主打<赤裸的秘密>亦令我甚為驚訝,於是再翻唱張宇/十一郎作品又好似變得順理成章。
- 聽現場最驚喜莫過於一段唔熟悉 intro 之後要估係邊首歌,因此我相當 proud of 自己估到「港樂」唱<哭>;至於呢首呢,真係估佢唔到,更加估唔到口琴 solo 之後就直接去 chorus...
- 輕輕帶過,原來係介紹嘉賓出場,編排很有心思;唔知有冇人仲有 keep 當晚 rundown...?

Tuesday, September 25, 2007

哈日族 4 - 月之色

一年容易,適逢雷電風雨夜色迷濛看不清楚,哈日族大條道理東望扶桑,睇睇 made in japan CD 係咪特別圓先:以前買 CD 一定買多個吉盒入住隻碟,原裝盒連歌詞擺起收藏;而家慳埋個盒,只需放隻碟入電腦轉 mp3 過落 ipod 之後就可以收埋。屋企部 cassette 機俾 $$ 去整都話零件唔再出冇得救,似乎 CD 亦可於小弟有生之年變古董;因此呢隻《Color Of The Moon》只於 iTunes Store 發行,CD 反而只係 promotion 用。
四個女人三文三語輪流唱接近六分鐘都分唔勻:東瀛市場自然以日本語為主,不過硬係覺得憶蓮同越南代表 My Linh 把聲一柔一剛,炒埋一碟唔係咁夾;唔知幾時至有機會聽到中文獨唱版?(聽住呢個六分鐘合唱版先)睇番歌詞 credits,赫然發現 Francis Lee(李焯雄)之外仲有 Sandy Lam,即係話呢首係繼<夜行人>(?)後再次參與填詞(?)
以為夜色無邊,原來要返却,當時的月亮...

Friday, September 21, 2007

what it feels like for a boy...

Tuesday, September 18, 2007

詭2...

小學毗鄰墳場,中學據說為二戰時代日軍醫院,諗住間大學咁新應該冇有怕啦...係人都知敝校最高七樓,最低層係 LG7,不過新 office 部升降機無端端就會真人(?)發聲「十八樓 18th Floor」,現代科技真係信唔過...

Monday, September 17, 2007

蓮誌 6b - 回歸...

office 有彩色影印機,scanner 效果亦唔錯:中學有唔少叻同學移民海外(唔叻亦有),負笈英澳美加者眾,間接令小弟成功於原校升中六。當中有位 DC 為鄺美雲忠實粉絲(亦為小弟認識唯一一位),其身材高瘦,與美人 S 型身段有得揮;呢位同學應該中三就去加拿大,頭幾年我們亦有保持書信來往,小弟主力報告本地樂壇近況(扮做樂評人),不過我諗佢比較重視當中附件,即美人之剪報。上面呢張《加居與你》為其少數之回贈(畢竟佢睇《明周》亦冇理由叫佢寄返俾我),呢輯「跳躍的」相幾乎係一年前,加國生活休閒果然慢幾拍。
今年有四位中學同學睇演唱會,當中有英美冇加澳,有勞斯冇萊斯,有師姐(套用 chi 對 邁克之尊稱)但冇 DC;大部分同學都冇乜聯絡,如果相認的話希望會在此 blog 而唔係 facebook~

Sunday, September 02, 2007

弊傢伙,戲院男廁有...

與其看周董鏡頭下的桂綸鎂,倒不如等亞洲電影節<最遙遠的距離>;今屆寶島群星傾巢而出:王力宏、張震、張孝全、張睿家,東洋代表則(又)有Joe-san、隆子、恭子、菜菜子,浮城敘事有李孟熙隔岸觀火、也有也斯當導遊。
今年電影節竟然兩度被查證,<Savage Grace>張飛明明印住 IIB,入場時又變成 III 級,不過睇完套戲我都非常認同;Julianne Moore 兩度示範演出如何面對家中有個男人鍾意男人,其 50/60 年代造型為當今其他女星無可比擬,與小演員(Oliver Twist cast by Polanski)一幕眼神交流比 threesome 亂倫更震撼。難道 usher 妹妹(我估佢細過我)驚我會俾成人情節及不雅用語嚇親?

Saturday, September 01, 2007

一些生活...

無暇抱怨 無暇悼念...
我的科大十年
- 發夢見到校長,兩次搭 31-32 號新電梯聽到「18 Eighteenth Floor」(明明得六層高...)i think i'd need a break.
再細認黃昏一抹夕陽...
不認還須認
- 以前會嫌太多(太過)人山人海,點知除黎生御用夕德外,江志仁、陳輝陽、郭偉亮全部冇得留低;it's all about love,集體回憶 Paco 時代的楊千嬅~
輕輕觸碰而開始繭裡抽絲...
標準時間
- 場景:恆生銀行,開學好多新生開戶口,連經理都要做埋 teller~
「早晨,請問銀行個鐘同 system 印收據時間係咪一樣?」(銀行個鐘已是 12 點)
「應該差唔多啦,你想做乜?」(乜今日咁多怪客...)
「我想入 $16,960 落呢個戶口,不過一定要搭正 12 點,唔可以早過...」(人命關天...)
「呢樣我 guarantee 唔到,咁你即係入唔入?」(唔通俾人標參要入贖金...?)
(望鐘,已是 01 分)「...照入啦...」(死就死啦...)
[數$$,對銀碼,入收據,印機]