White Board Sandy 林憶蓮 白板 collection of Sandy Lam promotional "WB" singles

Thursday, February 26, 2009

the girl from poughkeepsie...

J 夢見小弟買了部車一齊去兜風;如果有得揀,同一個人搭車返屋企應該比車對方返去較為親切,至少一對手比較得閒...
近日 fb tagtag 去,小弟慢半拍還在想生命中 16 件事:
- 話說出世當日係農曆十五,爸爸生日係初一
- 聽講頭五日都係安睡於氧氣箱;或許因而習慣自製空間
- 二年班一戴眼鏡就係三四百度近視,之前一直唔覺睇唔清楚;食藥至 18 歲,有時會瞇埋眼由地鐵行返屋企
- 屋企以搬屋為名轉校;事實上未搬離過觀塘區
- 大部分小學同學都派去喇沙,得我嫌個名難聽唔揀;第一次意識到自己有選擇
- 「屈機」於敝校非常普遍(雖然以前冇呢個 term),退而求其次,享受過程多於結果
- 第一次買唱片係《逃離鋼筋森林》,「點解咁鍾意佢呢?」都而家都唔識答呢個問題
- 文字表達好過說話,鍾意聽多過講
- AL 兩科 F HKU 竟然收,我又竟然揀唔讀重考
- 自修室應該同氧氣箱差唔多,第二年揀科大因為近屋企
- 事情有時會有 hidden agenda,但會搵個實在理由將其理性化,例如近屋企之類
- 唔鍾意大型屋苑,因為《愈快樂愈墮落》;唔敢住村屋,因為<失城>
- 畢業後唔想做,於是繼續讀
- 繼續讀那兩年遇到好多朋友,在生活各範疇改變了我,例如買樓
- 基本上做過每份工都係有人介紹,有時懷疑靠自己會唔會搵唔到
- 好少同人搭車返屋企,或者都係時候買部車

Thursday, February 19, 2009

會見市民計劃...

早前翻修劉華 87 年唱<下雨晚上>放上 youtube,算係史前經典... 咦,小弟當年明明冇錄影機... 再 fast foward 睇多陣,原來盒帶係中學同學 AW 幫小弟錄 91 年林/倫「樂韻夜風情」,一借十幾廿年不還佢,猶幸友誼健在,不過而家還俾佢都未必有錄影機,燒隻碟俾佢睇番可能更驚喜。
講番呢個深宵清談節目(可能因為深宵關係而自己冇錄到),男主持係功能組別自動當選張議員,女主持呢... 小弟有眼不識港姐(知道佢係都算係咁),全靠阿 tommy 提到佢叫 elaine,再搜尋
fun 之選美記事錄先至知係第一屆冠軍(73 年都未出世,係咪冇得怪小弟唔識先);顧名思義本節目真係傾音樂閒偈,雖然未必係兩位主持強項,尚算言之有物(不過亦少不免問係咪沒有發生的愛情之類),當時<再生戀>未拍 mv,憶蓮亦自備星洲 rain stick 打歌:
鏡頭一轉飛去加國,呢個 94 年「加港愛心連線大行動」,除了一堆圍威喂遊戲之外,記住萬勿錯過升 key<依然>ok 同埋<黛玉葬花>。 
鏡頭再轉小弟已身處大阪,原本諗住上個星期去睇 coldplay(香港有反而唔多想睇),而家變成湊仔團;各位市民,下個星期同樣時間再見...

Friday, February 06, 2009

剛巧空閒 剛巧歸來

都應該唔係剛巧,一係為朋友、一係為慈善(今次兩樣都係),否則憶蓮亦鮮有露面於此等場合;星期五忙裡偷閒,八下城中名媛成個月去邊度出席高級派對:是日南早社交版 C9 畫成為背景,people matter

Thursday, February 05, 2009

leet2

9 次咁多... 唔係得 8 次咩...?

Tuesday, February 03, 2009

|v| 1 12 1 /-\ |v|

雖然好多歌小弟都有,不過都應該要支持郭偉亮買佢呢隻《leet collection》:<再見悲哀>自動當選,估唔到連 swing 都係得一首,男歌手 eason 最多佔六首(如果當年唱埋<傷逝>隨時又多首),女歌手方面梁 gigi 竟然同楊千嬅平起平坐,不過聽返呢個同年月日生組合,大部分都係小品曲式,當中小弟都會揀<民間傳奇>做代表作:
聖誕禮物 / 亂唱的歌 / 楊千嬅 / 民間傳奇 / 開大 / 真愛開玩笑 / 簡愛 / 大傻 / 如果可以不停相愛
solo 舊作一首都冇,<wow>固然好聽兼好玩,不過小弟想要<生日快樂>喎...

Sunday, February 01, 2009

忙しいが, 楽しいです

正所謂有得睇好過冇得睇,大細聲亦好過冇得聽,於是決定照 post 呢段唔清唔楚 93 年台慶天后大鬥法:難得聚首少不了互相對唱,SY 唱<傾斜>同<summer of love>都有下過功夫,憶蓮唱<不再兒嬉>亦有板有眼(<信自己>變相大合唱擺明大細超啦...),王菲招牌式夢遊唱跳皆求其;不過反正唔係唱 live,主要都係睇頭兩位勁舞:SY 一拖十比憶蓮多一位 dancer,不過做憶蓮 dancers 絕對唔簡單,冇轎抬就要靠人手,仲要短時間內變身,三首歌竟然有三個 look(雖然只係除衫、頭巾同換帽),咁落本都似係星工廠私伙(第一套衫曾出現於<天大地大>)。我諗星工廠都算係舞蹈界哈佛耶魯之流,系出名門,有衫換亦係專業表現;憶蓮咁勤力,跟佢跳舞都一定受過艱苦訓練,不過正所謂唔辛苦邊得世間財(或才),做得呢行或多或少都係寓工作於娛樂,祝各位現任 dancers 忙個不亦樂乎(即係憶蓮繼續唱啦...)。