typos...

思覺失調實例1：明明諗緊D，唔知點解打B... one mark deducted...
思覺失調實例2：明明諗緊Ctrl-A，唔知點解打Ctrl-S... replaced the file which i should have renamed first -_-

ipod shuffle 可愛之處實例1：968首歌入面，〈必殺技〉與〈愛與誠〉連續播放的或然率是多少...？
ipod shuffle 可愛之處實例2：968首歌入面，〈關於我〉與〈關於我〉相隔播放的或然率是多少...？（一首來自白板CD，一首來自「新曲加精選」...）

最佳損友...

朋友們對於我沒有去看陳奕迅演唱會都感到有點奇怪，問我為甚麼不去。
03年看「第三類接觸」那次，便知道感覺不一樣了；因此今次乾脆決定不看。
01年「The Easy Ride」坐在紅館的其中一個角落的前排，記得每個角落都會有一件「玩具」，唱一首歌；在我們的角落竟然唱了〈黑暗中漫舞〉，reprise〈Shall We Dance〉，非常喜歡這首 side track，後來去 k 都會唱，朋友們可能沒有甚麼印象了。03年 rundown 都有這首歌，不過一年多可以發生很多事情，再不是那個 combination 了，記憶裡只有 Hanjin 那一段...
一直都沒有買《The Easy Ride》大碟（最初諗住等第二版...），後來覺得呢張碟好 dark（所以冇林夕...？）唔知今次會唔會唱返〈他一個人〉...？
原來我把心遺落在2001...

ps hindsight 開口中：DVD 真係冇〈微雨撲巴黎〉... :<

psychotherapy...

咁就15年...

當年在觀塘買了盒cassette（好大盒...），搭巴士返屋企開始聽walkman，唔知點解〈讓我笑吧〉有跳線效果，好彩後來《回憶總是溫柔的》有收錄。
呢隻白板碟係我早期 collection 之一，$120 only~

首次有 Dick Lee 拔「口」相助，白板碟冇佢個名反而有楊振龍（《夢了、瘋了、倦了》只係 co-produce 一首〈瘋了〉都被擺上檯...），rap lyrics 都寫埋但〈心野夜〉就只能靠估...（btw, 點解係「像浪雨灑」...？）
Psychotherapy Mix 只收錄於《回憶總是跳躍的》，從此展開了我對各種 phobia 的研究（例如 triskaideka-...），唔通因為咁樣我一直以為自己諗住會去讀 psycho...？

最佳損友...

風吹雞蛋殼...
收獲甚豐，利是錢得番20蚊紙...
回家途中聽陳奕迅〈快高長大〉，返屋企聽〈最佳損友〉，覺得又幾似：
〈快高長大〉：原諒我存心對你寵壞 每日朝拜 承受你挫敗 期望從此對我倚賴 然後難以抱別個入懷...
〈最佳損友〉：朋友你試過將我營救 朋友你試過把我批鬥 無法再與你交心聯手 畢竟難得有個最佳損友...
問題都係一樣：如果唔可能永遠對我好，係咪從來都唔應該對我好呢...？

冬天的故事...

just finished writing the whole thread but the contents disappeared before publishing... -_-
本篇只存標題。

街頭萬個非洲路人...?

屋企有好多衫褲鞋襪都係一款多色，例如有五對同款唔同色 Nike Presto 波鞋（不過唔係同 size...）；Faces & Places 一套雪紡 Dolce & Gabbana 都有黑、啡（？）兩色，不知小弟可是受憶蓮影響...？
還記得當年某個慈善 show 一晚換了三套衫，當中包括那件黑色珠鏈衫唱〈傾斜〉，還燙了非常可愛的「小狗」髮型... 影像難以言傳，歌迷有睇過就會知我講乜... :>
〈傾斜〉封面相當貼題，不過唔係咁鍾意呢幅相（因為其他相太靚，唔信可以去 sandyandme 睇睇），當年買 F&P 黑膠就係不幸抽中呢款海報，好彩買多隻係白色雪紡那一套（即是後來《愛上一個不回家的人》的封面）；其後推出的黑膠碟都冇送海報，跟住就連黑膠碟都冇埋...
非洲路人在何方？摩洛哥（Morocco）位處北非，從直布羅陀海峽遠眺對岸的西班牙，或是從卡薩布蘭卡（Casablanca）凝望北大西洋... anyway，Lisbon 有 direct flight 去 Morocco，Morocco 都有 direct flight 去 Milano... :)

ps. D&G 分手亦是好朋友，證明 $$ 真係可以用作維繫感情... 李天命都話朋友係佢問你借錢，你唔好要佢還；但你問朋友借錢就一定要還返俾佢啦~

尋找獨角獸...

總是浪費時間追尋不屬於自己的，無權擁有的，以至根本不能相提並論的替代品... 如果本身唔係獨角獸，就算夾硬斬斷一隻角，第二隻角其實永遠無形地存在...

ps. Fiona 擺明就係（Evi Yang）重構5-7年前的楊千嬅方程式... 因為鄭中基，所以會記得今日：「我們註定不只是好朋友 還要在餘生裡互相依賴」... 這一句還算成立嗎？

hundred different ways...

今日轉了電話鈴聲：Janet Jackson, if (single edit).

coincidentally, 竟在 HMV 見到 "From janet. to Damita Jo: The Videos"，再次收錄 if MTV：上次 All For You special edition 送 dvd 見到有 if 就即買，點知係 IIA 版，cut 了 explicit contents，應該係 Asian edition；今次見到隻碟寫德文 "achtung"，又見有多兩首 Damita Jo videos，於是俾 $160 博多鋪...

果然係 IIB 級 full version!! 睇番都真係覺得幾意識不良...

ps: 今晚由上海街街頭行到街尾，呢條街幾乎同彌敦道平行發展，不過像是兩個時空（除了朗豪坊那一段），如此寧靜的上海可是 postcolonial satire...?