White Board Sandy 林憶蓮 白板 collection of Sandy Lam promotional "WB" singles

Sunday, March 26, 2006

給自己的情誡...

proofreader...

大部分人都稱之為「白版碟」,但我認為「白板碟」比較正確;小弟在 WBS網頁也曾作出解說。當然,我也沒有甚麼根據的;〈不不不之靈魂蒸發實錄〉是華納時期比較沒有設計,像一塊白板的白板碟:當年覺得連相都冇張,唔抵買,因此應該有講過價,唔係好貴... 封面只寫上〈不不不〉,其實只收錄了混音版本(這也是少數只 plug 混音版本的作品...);《都市觸覺 Part II》冇 plug 周禮茂,今次補返數。不過歌詞 credits "Lyricist" 竟然打錯成 "Lyncist" (令人想起 Linxist...) ,連編曲杜自持個名都打錯 (雖然應該加埋邊個 remix...) ;另有一疑團在於首歌有幾長:《Dynamic Reaction》版本應該有成 5 分鐘, 唔知點解呢度寫住得442秒;屋企冇唱機,verify 唔到,有冇高人指點,係咪真係相差 18 秒,好似〈天大地大〉咁? 
講開冇 design 白板碟,又見有 SK 粉絲留言,等我介紹一下呢張:
V身分特殊:既是港台 DJ,又是寶記旗下歌手,於是出現了以上的吊詭;連歌詞都係得張 A4 紙,我都係見咁邪先俾幾十蚊買來留念... SK 演唱會第一場冇唱〈親愛的〉,好彩第二晚有埋 Eason,令我覺得冇睇最後一場都冇咁大損失... 順道一提 Dick LeeSK 寫兩首歌都由當年寶記御用詞人簡寧同向雪懷分別操刀(據說〈逝去的傳奇〉本來係首慢歌),感覺跟 SL+Dick Lee+周禮茂很不一樣...

ps weird dream last night: 夢見〈多謝〉白板碟竟然(另)有同學友合唱版本,從未推出市面... 今日聽〈日與夜〉突然記起,真係覺得好搞笑~~

Thursday, March 23, 2006

行街 食飯 睇戲...

今天打攪了正在看電影的 J Lee
GS 從來沒有跟我們看過電影,有些人拍拖才會看電影...
最近看朱天文《荒人手記》,「我」與阿堯看 FelliniLa Strada》,有些人拍拖看電影有其獨特的感動...
一個人看電影... 也都只是小事情...

Sunday, March 19, 2006

回歸前後...

〈至少還有你〉〈千禧願〉白板 CD 封面循環再用,原來滾旦早有前科:一直沒有發現〈Seasons of Love / Take a Bow〉跟《Wonderful World》大碟封面一樣,因為我冇買第一版,等到附送相集金碟版先捨得買...
其實一向對滾旦歌手的「口水歌」英語專輯興趣不大,因此《I Swear》之後實在冇衝動一出即買《Wonderful World》... 以〈Take a Bow〉為例,編曲與原曲無甚分別,似在 studio歌詞K,在先入為主的大前題下,Ms. Ciccone 版本著實難以超越... 全碟比較特別的只有〈Rhythm of My Heart〉,不過如果早知要等多兩年先有新碟出,可能我當時唔會咁嫌三嫌四~~
白板碟連 CD layout 都跟大碟第一版同出一轍, 不過〈Take a Bow〉歌名譯作〈謝幕〉倒是頗有心思;另外「錢櫃鑑賞推薦」亦是滾旦把憶蓮從所謂「高格調」帶到平民層次的例證(當然,朋友之中只有如 WB 才能挑戰〈I Will Always Love You〉啦...)。

Monday, March 13, 2006

John Fowles 上身,戰利品包括:
- 〈還有〉白板黑膠:a wrong strategic move...
- Whitney Houston Artist Collection DVD: 28蚊有齊 'I'm Your Baby Tonight' (第一次買黑人歌手CD...) 同 'I Have Nothing',仲想點? (從不喜歡 'I Will Always Love You'even Sandy's version...)
- 難得有一個關淑怡演唱會 karaoke DVD:睇返就會明白佢今年真係唱得更好,best example 係〈繾綣星光下〉... 不過唔知點解上次冇收錄〈梵音〉...?
- 王力宏《蓋世英雄》CD+DVD 勝利慶功版+三張海報,一如 Ple 姐與我所料,等第二版冇蝕底;此外亦解答了 Jobby 對於搭 JAL 見到佢同舒琪之疑惑:


- 嘩嘩嘩... 《記得憶蓮盛放》Live LD、 《這些那些》MTV LD、《Hit 2000 珍藏23首》MTV LD,幾百蚊得個擺字... 究竟「盛放」係咪唔會出返 DVD 呢...?

Saturday, March 11, 2006

劉華...

今日在東涌見到 J Lee,想起劉華在劉美君音樂特輯《四度危情》的名句:

當然 J Lee 一點也不像劉華,不過至今都覺得呢句話好型,而且好有道理...
近來朋友們都有生活上的轉變,如拍拖、結婚、讀書、轉工等,都是值得高興的事... 我是個不熱衷於旅行的人,過幾年有機會,希望可以 relocate 啦...
今晚唱KJ LeeCL 都不會來,畢竟世上很多事情都是不可以自己一個人決定的; 唯一可以自己決定的,便是以後不再跟他們唱K了...

Tuesday, March 07, 2006

不曾遠走...

一首歌的旋律還是編曲比較重要?
《夜太黑》全碟編曲由 Mac Chew / Jenny Chin 包辦,講得好聽係風格統一,講得難聽就真係會幾悶... 在這個時候,旋律 makes the difference~
難得有一首唔係李宗盛,Danny Beckerman 亦有幫張、劉天王作曲... 個人比較喜歡劉華的〈因為愛〉,雖然其實首首都差唔多...
歌詞背面有96年台灣演唱會宣傳資料,唔知杜德偉有冇做嘉賓...?...(btw, 邊度會搵得返〈You don't bring me flowers〉MV 呢?)

ps: 有些朋友很少見面都讓我有不曾遠走的感覺,有些則是事過境遷不能回頭那種,不知跟 J Lee 會如何...?

Sunday, March 05, 2006

溫柔共震...

返新工一個星期,未係好知做乜,不過同事都好 nice...

今日返深圳,第一次正式聽陳奕迅《Life Continues》:〈低調〉好 Swing(其實成隻碟都係 Swing 班底...)、在旅遊巴上聽〈人車誌〉感覺可不錯、〈暴殄天物〉是我的新公司、〈落花流水〉詞佳曲一般、〈大得太快〉好過〈大個女〉但比不上〈快高長大〉、〈想聽〉唔係特別想聽... 〈最佳損友〉是全碟最佳,RL 曾說我何以「嚴重似情侶講分手」,可見我是損友...

楊千嬅在《Jet》訪問提到新碟歌詞由夕爺包辦,應該比《星戰》更值得期待;夕爺於千嬅可能如 J Lee 於我,因此 J's relocation 就像千嬅唱片沒有林夕歌詞,死唔去但需要時間適應,或者要搵個 Wyman 頂上,還是要開始大個仔...?