06...

其實叱吒現場投票同800人選委會差唔多，所以聽晚要有 strategy，以防唔想其當選者殺出；不過呢度就梗係任我揀啦：

陳奕迅 - 最佳損友
Wyman 對人唔對事（雖然《本色》都冇佢份），不過做朋友本該如此；我自己當然唔好得去邊啦，所以呢首我會頒多個最佳歌詞以表揚心術不正如我之損友。

關淑怡 - 進化論
難得再有一個關淑怡演唱會：倒敘 rundown 第一首，愈唱愈好可見近年已達曲高和寡的技巧層次，近日見有評論過度個人化的歌詞難以產生共鳴；我都覺得 autobio 係一次起（〈關於我〉）兩次止，不過問題係有冇機會得到第三次呢？

古巨基 - 花灑
令我想起（並懷念）「復出」前的古巨基：究竟近乎4張碟都係林夕寫詞、林海峰做 design，可會是基於一份迷信？忘掉奮鬥過要隨緣...

陳奕迅 - 落花流水
平淡的曲，不平凡的詞；不過這首詞正需要一首平淡的曲，如落花交會流水。

楊千嬅 - 大傻
升 key… 《Unlimited》貴為林夕晒冷之作，楊千嬅分飾大小女人，呢首屬於後者：〈簡愛〉小販走鬼版，窮得漂亮。

林憶蓮 - 一個人
巧合地個人化，但理應唔係 autobio（如果係都應該屬於周耀輝自己...）；不過既然憑感覺行事，《呼吸》肯定係繼《夢了瘋了倦了》之後最強烈的一次自身寫照。

陳奕迅 - 裙下之臣
年頭帶到年尾，除了Eason仲有Wyman，前者覺得呢首歌好 typical 由林夕填詞，我覺得應該係好 typical 由王菲唱；不過個 MV 令我覺得呢個年代真係冇一個歌手可以配合形象去表演一首好歌...

林憶蓮 - 不敢奢想改變你
呢首歌應該屬於05年尾，不過我總覺得及不上〈還是我還是你〉，到派台宣傳後先至慢慢接受；其實兩首同樣classy，亦令我想起（又懷念...）《Perhaps》、《純真傳說》以至《180°+》那個 Mark “Versatile” Lui...

揀唔到10首，年中無休繼續聽《本色》同《呼吸》，沒完沒了... 以下幾首覺得唔錯，但未能與上列相提並論，只順帶一提：劉浩龍〈恢復自由〉、王菀之〈詩情〉、許志安〈大愛〉、薛凱琪〈小峽谷之1234〉；冇派台首選：〈亦舒說〉、〈如果可以不停相愛〉、〈不如留低我〉、〈不如不見〉（究竟見定唔見好呢...）

還有鐘聲...

那邊廂 MSS 已經 80 週年，不如搵憶蓮唱個籌款 concert...？

和我努力重新追...

- 出道七年，第十張廣東唱片；往後的十五年，我們只得到多五張
- 91年演唱會後趕年尾聖誕檔期，但絕冇粗製濫造，反而達致驚艷的層次
- Dick Lee 全情參與，十首歌七首有佢份，包辦幕前幕後，可以調返轉話係 a DL compilation featuring SL as vocalist
- 華納最後一次發行憶蓮大碟，製作概念已是星工廠話晒事，相信這也是許願事業上的高峰
- 相對於其他歌手，憶蓮每次約滿轉會都可算順利過渡，至少唔會被分拆/拖延上市：
-----------
（呢個 interview 好奇怪，下半場無端端轉 topic，港台真係勁唔掂...）
- 因為〈再生戀〉remix 買了日本版 CD，不過總覺得兩個版本都同牡丹唔多襯
- love and life and you and me, 有次憶蓮影《100分》（?）封面，豪宅後園場景，手持一束白色馬蹄蘭，從此成了我很喜歡的一種花；而家諗返，都覺得似係反映一種中產 lifestyle，小弟實為貪慕虛榮之輩...

love and life and you and me...

:) 我係第一次同憶蓮合照...
:( 得咁少時間問問題，三次都揀唔中我；被揀中者部份問題仲要咁行...
:) 傻瓜一點看我們還有...

這個冬天不買衫...

周末狂熱（despite cold weather），搵唔到件 U2 藍恤衫，唔知著乜好...
翻箱倒籠發現一箱去街衫成年冇著過，SS/AW 都有 -_- 半小時內 mix & match 十幾款，最後入圍得返 izzue 同埋 & by D&G，熨定聽朝再揀過...（ha,,, 呢排連返工衫都冇熨呢...）

是否有再 mix 過...?

都係到我買返部 turntable 先至解開呢個疑團：
-----------
傳說中華納時期唯一一張彩色封面白板碟，儲唔齊證實唔到，不過 so far 我都係得呢隻；露肩跌膊略嫌 cliche，第一個封面的眼神是否更屬憶蓮式的性感？
承襲了《都市觸覺》first plug x 2 之優良傳統，其他例子有〈薔薇之戀〉（如果算係 first plug，otherwise 〈再生戀〉都係 x2）同埋〈決心〉；後者比較有趣，再延伸書寫。
唔知印彩色貴幾多，盡地一鋪三原色出齊；印象中少見憶蓮著橙黃色，如果印單色就肯定冇咁 sharp（連對鞋都襯埋色喎，令我想起七彩蝦條姐姐...）

許願獨當一面，主理《F&P》，音樂與形象混為一體，性感與都市化不就是源於一轍？林夕筆觸收放自如固然應記一功，不過冇諗過佢滿意程度足以出現於「創作人音樂會」（定係當時商台規定每一 part 憶蓮都要有份出場呢 :）
02年 crossover 明哥，揀一首唔係咁經典絕對係明智（91/94 演唱會都冇份，96年亦只係輕輕帶過），不過當〈微涼〉大 hit，〈給等最久的人〉、〈回家對著你媽媽〉等被翻箱倒籠，似乎任何一首 plugged song 都已是神聖不可侵犯，remake 不宜。

頭獎 冇人中..

今晚 Row 5 Seat 7 會有一個吉位...
Czech Republic, Peru, Algeria... 希望下一站係 Australia~

cher colonel,,,

怎麼辦，唔駛 $$ 都冇人認投？（當然，我都知 transaction costs 好高...）
有冇星馬歌迷想去呢？我出埋豉油，寄 speedpost 俾你又點話...

你想飛 請你飛...

20萬種理由，把心一橫決定唔去，有冇歌迷朋友有興趣？（第5行呢...）
有意者請於24小時內留電郵或 comment（姓名同歌迷會會員編號），我再搵核數師抽出幸運兒!!

3:45 pm...

2006年11月30日下午3時45分，歷史性時刻：無線電視翡翠台，「跟住請收睇〈金曲挑戰站〉」。
近年已經好少睇電視，總搭不上同事談論翡翠劇場的橋段；唯一會每日錄低〈金曲挑戰站〉返屋企睇，十數年如是。
以前會為錄到一個完整的 MTV 而洋洋得意，倒沒有想過 N 年後還可以重溫這種興奮! 雖然在網上看了很多遍，不過印象中這是繼〈多些那些〉（定係〈為你我受冷風吹〉...？）後再次現身〈金曲挑戰站〉，意義大於一切，無需再介懷係咪金榜冠軍歌（雖然以前都覺得呢個榜實在冇乜代表性）。
有一期仲會每晚哺住〈滾石音樂重要情報〉，〈轉身〉好多時未播晒就出字幕 credits；又間接令我先知先覺認識了任賢齊：小蟲好興一快一慢，〈I Feel Good〉完全係杜德偉 feel，〈依靠〉則係大俠前身， KTV 有蘇慧倫同李心潔客串，前者當時算幾紅，後者冇人識，如今時移勢逆...
呢幾年都跟不上樂壇走勢，或者係覺得冇乜特別：麥當當音樂會11歲「小女孩」（如果仲算細的話）唱〈感應〉，我即時反應竟然係「嘩，咁細個都係黎明 fans...」；好彩 Mark/陳少琪仲有得撈，不過都冇得唔認我係聽世紀金曲之輩（LL's〈感應〉未必算係金曲，但肯定係上個世紀...）。