3:45 pm...

2006年11月30日下午3時45分，歷史性時刻：無線電視翡翠台，「跟住請收睇〈金曲挑戰站〉」。
近年已經好少睇電視，總搭不上同事談論翡翠劇場的橋段；唯一會每日錄低〈金曲挑戰站〉返屋企睇，十數年如是。
以前會為錄到一個完整的 MTV 而洋洋得意，倒沒有想過 N 年後還可以重溫這種興奮! 雖然在網上看了很多遍，不過印象中這是繼〈多些那些〉（定係〈為你我受冷風吹〉...？）後再次現身〈金曲挑戰站〉，意義大於一切，無需再介懷係咪金榜冠軍歌（雖然以前都覺得呢個榜實在冇乜代表性）。
有一期仲會每晚哺住〈滾石音樂重要情報〉，〈轉身〉好多時未播晒就出字幕 credits；又間接令我先知先覺認識了任賢齊：小蟲好興一快一慢，〈I Feel Good〉完全係杜德偉 feel，〈依靠〉則係大俠前身， KTV 有蘇慧倫同李心潔客串，前者當時算幾紅，後者冇人識，如今時移勢逆...
呢幾年都跟不上樂壇走勢，或者係覺得冇乜特別：麥當當音樂會11歲「小女孩」（如果仲算細的話）唱〈感應〉，我即時反應竟然係「嘩，咁細個都係黎明 fans...」；好彩 Mark/陳少琪仲有得撈，不過都冇得唔認我係聽世紀金曲之輩（LL's〈感應〉未必算係金曲，但肯定係上個世紀...）。