蓮載 7b + 九記

唔鍾意 phone-in 節目：聽眾良莠不齊，永遠有怪人打通發表其怪論；另一情況就係唔抵得（打唔通或者係 operator screen 完唔揀我），尤其當大氣電波另一端係憶蓮：
-----------
唔知第一位幸運兒今時今日仲係咪歌迷，會唔會去睇演唱會，以至神心到睇呢個 blog、download 段 clip 兼認得自己把聲？陳小姐出晒名隨便 cut 人線，都唔知點解俾第二個講咁耐... 另外又會有不速之客喬裝平民百姓（或不速之嚇，如「黃色訊號」），不過憶蓮醒目，好快就揭穿其特務身份。

題外話：首先萬分感謝歌迷會仝人 time & effort 安排訂飛。當晚核對完四十幾張飛，落到樓下心情依然起伏，之後接到 RL 電話，閒談遊蕩一陣子赫然眼前一亮：「九記牛腩」！試過周圍行餐懵都搵唔到，原來咁夜仲未閂，今次都算係林小姐帶挈。竟然唔駛等位（不過都係得兩三個位冇人坐），二話不說整個腩河（唔夠一分鐘就聽到話「冇河粉」）、油菜：
個人覺得油菜同清湯都太鹹，牛腩偏肥（其實一般人會覺得適中，隔離個大學生叫「肥腩」我見到咁多白色就驚，另有人叫「爽腩」但小弟大鄉里唔知有乜唔同...），不過河粉係我好耐冇食過咁好味, al dente！
九記係我跟 GS 相熟兩年聽過唔知幾十次，成日話帶我去但又從未去過；唔相熟呢五年我試過 fuir la CWB、去過一次強記、路過丹麥餅店總會買個漢堡包，九記倒是第一次，以後行開呢頭亦會再幫襯：不如不見 vs 好久不見，其實都無可避免...