ラムの哈日族 1 - 來日為我賒

日本語姓林一般譯作 リン（Rin，R 讀 L），憶蓮則以其姓氏英文譯音 Lam 再轉譯為 ラム（Ramu），通常日本發行的唱片都有齊三個名：中英對照與及片仮名注音 サンディ・ラム，歌名情況亦相似，畢竟呢兩首歌本身已經係兩文三語：宣傳策略上繼續挾 Dick Lee（ディック・リー）以令媒體，連續兩張日本宣傳單曲都附送〈情人的眼淚〉，亦順理成章收錄於《夢了、瘋了、倦了》，連埋個靚封面令我當年幾乎捨得買；到而家連《新裝憶蓮》復刻埋都硬係冇佢份，成為唯一一隻大碟我冇 CD，再生 wish list 首位（其餘有《赤裸感覺》、《夜迷宮》、《GH IV》等）。日本版封面縱是人見人愛，不過呢幅相擺明係〈微涼〉，最多係〈哈囉感覺！〉，沒有人抽煙又何來心裡面那一條蛇...？不過作為憶蓮首次分別推出於兩個市場的宣傳單曲 CD，有多個封面都令人覺得好似抵番：心中雨遮本無價，誰人願意賒...？
日本有各式各樣見本品：試食見本品通常超細包兩啖就冇，展示見本品即 display item，淨返呢件我多數都唔買；信和亦有唔少見本品 CD，通常係正價減半，惟有少數如此炒作成 collector's (/my) items：節衣縮食瘦幾磅，一舉兩得也。