哈日族 3b - 財經透視 の seafood platter

海鮮價格可升可跌，當同事們討論恆指期權時，我都有成日睇住個市，皆因呢個場絕對係自由浮動兼有 invisible hands 操控；例如有人覺得呢隻 73 號仔值 $100，有人就覺得值成 $880（不過冇買家持相同諗法）： 我呢，低位都冇買入... 對我來說呢隻唔算係白版碟，非本人投資範圍之內，加上我冇聽開新城財經台（當年仲係叫「精選 104」），對呢隻股冇乜歸屬感，最後俾張氏企業投資者趁低吸納。
跟住睇睇外匯市況：日 ¥en 近月回升，不過 CD 定價咁多年都冇乜點變，由《F&P》到《鏗鏘玫瑰》都係站穩 ¥2500 水平；另一方面，二手市場就同刺身の盛り合一樣，可以貴到你唔信，新近成交係匯控以接近五位數字（都係講緊 ¥...），即定價四倍購入《Dorifutingu》見本品，可以話係無限升值潛力（見本品本應唔駛錢...）。
最後同大家分析一下古董收藏貼士，話說呢隻《Dorifutingu》同其他日本版一樣，CD 封底（下圖）兩側都係一邊日文，另一邊中文（《Sandy '94》除外，兩邊都係英文），不過首版外加紙套（上圖）則係全中文，再加番條側標又變番日文。我諗自己同一般投資者差唔多，貪日本版有靚封面 and/or bonus track，於是一直都冇（亦未必會）買返 Pioneer 番炒三隻廣東碟... 當然，收藏很多時都係 utility function，鍾意就心甘命抵，正如有人覺得 Kaiseki, Wagyu 值呢個價，我就寧願等 10 點後去 YMT 金太郎...（是時候...）