visual diary...

Edison 01 年推出首張大碟《Visual Diary》，首批限量版附送 64 頁日本生活寫真集；同年出道仲有 Bobo 同埋 Twins，唔通近日批相係寫真以外更寫真之漏網照？

我的影像日記淡似流水... 因為我們還沒有合照過...？
- 一世人總要有一件 D&G 白恤衫，呢件半價不過 oversize，加上白色易污穢，所以只著過兩次：一個婚禮加一個葬禮。

- 近排返工總喜歡抄捷徑，其實未必快好多，不過行草地總覺得心情舒暢，好似返到中學時代：細個戇居到以為間間學校都好似拔萃咁大。
- 泳池冇人，總會想起《愈快樂愈墮落》：原本諗住咁凍應該係去做 gym，不過既然有份工可以俾你食晏去游水，還是要好好享受此等福利。
- 當日覺得呢兩個人傻傻地，不停同「三碌拎」乘客報佳音，不過其實搵到個傻人一齊做傻事，應屬傻福之一種。（點唱＜傻癡癡＞）
- 黑椒漢堡累事，一直病唔好，不過既然係咪都病唔好就應該死於人間美食而唔係麥當當：如果而家請我去時新我都唔會戒口。
- 某日早上（被迫）晨運，ipod 正播著＜玩伴＞，望天打卦，唔知等到幾時出：to be honest，我從來未買過憶蓮演唱會 cd。
- 北上去爸的工廠，那天在想上天真的待小弟不薄：至少我唔係民工朝八晚六車膠袋，唔係孤兒一個人雙手插袋為時已晚，至少還有你，我總記得在那裡。