~ White Board Sandy: February 2008

自己揀...

選擇跟一班朋友去睇林峰，放棄了一張 bjork 免費飛
go through all this before you wake up
有時快樂垂手可得，有時難以讓我笑吧，如果有得揀，希望身旁的是
feel happier to be safe up here with you
如果歌者唱一首滄海遺珠已有莫大的滿足感，則《live 07》已達致前所未有的雙贏局面
是我的選擇所以我堅持

10 20 30

但暗裡我卻惦掛那曾洶湧的愛那次遇上才知生命精彩當天心內激出繽紛色彩
當年睇無線播 mtv，咁細個唔識咬文嚼字；唔知點解一直覺得係「掂過」而唔係「惦掛」，解得通但略嫌庸俗，不過更 physical

像見過的肩膊上像吻過的頸背上在這赤裸的晚上載著狂想
1st plug 冇歌詞，收音機錄低估估下；曾經以為「過」係「哥」（典型港人語病，不過有時聽返都覺得第二個「過」唱得似「哥」），解得通但落俗套，不過更 sensual

透出荷葉裡青秀色化開了筆跡似水銀變色瀟灑看水墨染色滲得出刺激
＜山水＞明淨，相比於部分舊作，今次都算係聽到一字一句；預期會有這種唱法，沒有預期會出塵如此（bringing up a child of/on her own）even loneliness is full of life...

起釘...

置身古老大屋（是個秘密基地），發現大廳地氈上有很多小釘子，釘在地氈裡近乎看不見；警覺地認為有問題（後來想到這是使站在地氈上的人觸電的殺人裝置），於是跟同志們暗地裡把小釘子一口一口撬起丟掉（總覺得有人在監視我們）。釘子很多，又不能被別人發現，於是起釘這個動作持續了三日三夜，最後終於將所有釘子撬起，成功破解了當權者潛入我方組織的暗殺陰謀。
之後怎麼辦呢？
電話響起了...
「喂，仲未起身？」

倦了躺下未能夢也就相當幸福啊，怎麼我的假日總是躺下能夢醒來更倦？

死就死啦...

二月睇兩場林峰 shows，冇乜太大期望（畢竟唔係全部歌都識）反而覺得唔錯；最奇係冇約埋竟然遇見友人 KF 仲要坐正隔離，真係要唱返首＜by my side＞：　
21:12 - 微涼 - 我比較想佢唱＜痴纏＞，不過作為回顧個人事業里程，呢首係比較恰當；林生已經著 high heels，不過拍埋梁生度幫助不大
21:18 - 那夜我們在聽依然 - 冇睇過《馴情記》，唔知係咪不能拗直；那夜我們在聽 Kylie...
22:22 - 沒結果 - 張太可能受聲帶發炎影響，唱得略為拘謹（例如「多麼」只是輕輕帶過），但聲線感情都相當投入，現場掌聲雷動唔輸蝕過主人家
至於呢句「死就死啦」出現於落台索吻之後（冇握手位，反而有得錫），佢話「小姐你好靚...可唔可以借個男朋友俾我...有鬚根...不過我都慣...」著白背心橙色褲唱＜女扮男生＞，似乎都已經豁出去了。
這夜我最想聽的＜突然獨身＞和＜19＞他都唱了，臨完場仲有 take-home message：有些事情是急不來的...

1曲_N詞_N編_N唱...

顧名思義，同一旋律有 N 個版本，N >= 3

三更夜半 / [春天版] / 夜長夢多
燒 / 燒之印度火西施 / 你給我的愛不是愛
推搪 / [Extended Dance Mix] / [Hip Hop Mix]
傾斜 / [114° Power Mix] / 灰色的逃脫
你令我性感 / 放縱全部的愛
前塵
匆匆 / 匆匆鬼話鬼匆匆 / [DJ Hasebe Remix]
讓我笑吧 / Love And Life And You And Me / 走在大街的女子 / [A cappella]
破曉
瘋了 / [Psychotheraphy Mix] / 危險關係
再生戀 / [Multi-dimensional Mix]
野花 / 還是不要說抱歉 / あなたに贈る
天大地大 / [Remix] / 非愛不可
決心 / [Re-mix Version] / [Cry for You Mix]
Pieces of Mind / [Incognito Remix] / [Quiet Lovin' Mix] / [Bar Rumba Mix]
傷痕 / [雨過天晴版] / 勇敢
感覺完美 / From Now On / 讓我試
日與夜
* 以上統計唔包括演唱會錄音版本、演奏版或 medley

N 詞 - 林小姐興兩文三語，同一首歌最多有三份詞，國、粵語版本之外搭英文（＜走在大街的女子＞、＜感覺完美＞）或日文（＜野花＞）；好多歌手會請同一詞人包辦國、粵語版本（林夕、周耀輝皆勝任），憶蓮反而冇（周禮茂有份填＜前塵＞國語版，但亦唔係成首），不過好多時都係相近主題，連歌名都一樣（＜匆匆＞、＜破曉＞、＜再生戀＞以至＜決心＞）。
N 編 - 多數係快歌 remix：＜Pieces of Mind＞有四個版本最多，有時廣東版 remix 會成為國語版編曲（＜匆匆＞、＜再生戀＞），＜決心＞就比較特別：日文 remix 變廣東版；慢歌可以同一編曲唱齊三種語言（＜野花＞、＜感覺完美＞），當然亦可以有 variations，甚至改弦易轍（＜你令我性感＞、＜傷痕＞，不過都係原版最好）。
N 唱 - 呢個較為難以定義，不過值得一提 02 年將一堆舊歌 remake，重編重唱：除個人唔鍾意 'pmps'ized＜你令我性感＞畫蛇添足外，a capella、dj 以至＜Mardi Gras＞都好好玩，間接造就 07 演唱會 look inwards；唔同版本可以全部收錄於同一隻碟（＜Pieces of Mind＞、＜推搪＞），亦可以隻隻唔同（＜匆匆＞、＜走在大街的女子＞），我繼續聽候第一次買憶蓮演唱會 cd...

visual diary...

Edison 01 年推出首張大碟《Visual Diary》，首批限量版附送 64 頁日本生活寫真集；同年出道仲有 Bobo 同埋 Twins，唔通近日批相係寫真以外更寫真之漏網照？

我的影像日記淡似流水... 因為我們還沒有合照過...？
- 一世人總要有一件 D&G 白恤衫，呢件半價不過 oversize，加上白色易污穢，所以只著過兩次：一個婚禮加一個葬禮。