沒法理解...

鄰座友人話唔明點解倫永亮演唱會唔 full，但係 Soler 開一場都 full... 其實連 SK 都唔 full 啦...

倒是沒有想過 AR 都有一班粉絲：每逢英文部分都有佢份；原來〈傾斜〉已經係 Form 2 到而家，歷久常新... 以為大半首改編歌之後會唱多兩三首，點知〈燒〉之後就反高潮... 算啦，總不能暄賓奪主，只好在回家途中聽返〈微雨撲巴黎〉、〈沒有發生的愛情〉、〈多些那些〉... 連〈對不起了愛〉都殺；原來 ipod 冇〈三更夜半〉同〈講多錯多〉（不過有〈雷電風雨夜〉同〈一接觸〉），就連〈醒醒〉都冇!!

keng1 chang1...

Happy Birthday!!

陽光燦爛的日子...

周日下午海邊吹風 ipod playlist：

自製空間
偷閒
逃離鋼筋森林
再不在乎
沒有發生的愛情
愛的世界
戀愛在不遠處等我

可以...可是


看海的飄忽 海的拍子...

更正啟事...

1月3日撰文「匆匆 palindrome...」提到「有派台又沒有在演唱會唱過」，原來唔係喎：

唔好怪我唔記得，呢個〈舞動傾斜 medley〉combination 都幾特別：〈傾斜〉拖膽走唔甩，〈匆匆〉同〈冬季來的女人〉都唔係大路之選；不過實在冇諗過會有9合1〈歲月流金 medley〉，我寧願少幾首李宗盛...

跟 AW 相反，一向我都唔買 live CDs，總覺得那一刻的心跳回憶之後聽返已經唔一樣；「憶蓮盛放」得隻 LD 固然冇得睇，就算「天地野花」同「夜色無邊」都好少會睇返 DVD... 反而 ipod 最經常會聽返〈哭〉「港樂」版本：演繹實在太完美，同埋當時第一場一聽頭 15 秒 cello 我就已經先知先覺，知道係黃色雨褸上身...

改寫句子：翻查記錄，華納/華星時代有派台又沒有在演唱會唱過的，合唱歌之外只剩下〈寵愛〉、〈多些那些〉與及〈如何愛下去〉。

還沒跟你說...

《無極》不成事，這仍是憶蓮最近期的電影主題曲。
今年電影節 no-show rate 好高，12齣戲有三分一睇唔到... 冇乜得揀，《46億年の?》已經係「第二最愛」（「億年」之戀喎，梗係要睇啦...）
5年前電影節以《遊園驚夢》開幕、《一一》閉幕；近兩年先睇返《一一》，《遊園驚夢》就一直都冇睇... 部戲自01年4月電影節首映後隔了差不多半年先至正式上畫，咁係咪代表最初冇〈明明〉呢首主題曲，定係首歌好耐之前已經錄好呢...？
陳珊妮很多作品本身就有畫面（如梁朝偉的〈應該看過〉），因此 MTV 只需用電影片段 montage 都會好睇... 記得考兩年 A-level 都係做《臺北人》讀書報告，點知 Paper 4（文化+讀書報告）第一年 B，第二年竟然得個 F... -_-
偶然發現 CD 上面冇憶蓮個名，翻查記錄原來〈沒結果〉仲奇怪：CD 同封套都冇歌手個名，連相都冇張，咁 DJ 收到隻白板碟都未必知係邊個唱... 定係見到 Dick Lee+周禮茂+許願就識得對號入座呢？

u know what...

we've lost it...

shuffle 的審慎魅力...

究竟係咪有特定 algorithms... 點解 ipod 可以做到〈逃離鋼筋森林〉下一首會係〈Mardi Gras -4- 逃離鋼筋森林〉...？
最後一場好舒服，冇諗到《Gabrielle》竟然唔 full；Conrad + Huppert 都唔夠號召力，Le French May 驚唔驚冇人睇...？
返新工後駛錢絕對唔審慎，係又買唔係又買... 拍賣場上亂咁 bid 反而有斬獲：白板碟最 perfect 就係冇 Attn label、夠新，今日一次過 bid 到三隻，開心到震...~~

YMCA...

Sandy in Hawaii...

差一些...

下落不明...

「一起溫書 逛街 聽歌 看海...？」

Times Square 睇完戲，wandering...
行到去禮頓道發現「松竹樓」變了「鳳城酒家」，似乎我真係冇必要都唔會踏足 CWB...
「松竹樓」的故事源於93年，另一次 wandering... 印象非常模糊，應該係見到憶蓮架褓母車、在門外等了一段時間、最後見到憶蓮、謝天華同其他工作人員，應該有跟憶蓮傾談了一兩句之類... 其實乜都唔記得，只知道得我一個在「松竹樓」外面見到憶蓮，獨家試唱 :>
04年正月初七終於有機會去了一趟「松竹樓」，我不涮羊肉，志亦不在此；當時亦唔知快將關門大吉（更加冇人諗到而家個舖位市值接近一億啦...）。同年7月去埋隔離「印尼餐廳1968」，可一不可再...

ps 今朝發夢同J 炒大鑊，而家聽緊吳奇隆〈愛出個未來〉，繼續 flashback 93...

一一...

「逛街 睇戲 遠足 攀石 亦一一劃去...」

去到添馬艦，決定唔睇《怪醫秦博士》，本來打算搵《Match Point》soundtrack，最後卻買了《羅生門》同埋《金像獎歌曲頒獎典禮1986-1988》：前者以提醒自己凡事總有「兩種講法」（甚至更多），後者希望可以「讓我笑吧」（不過似乎冇想像中咁好笑...）~

四大天王...

電影節又到，以神秘電影《四大天王》開場，紀實與虛構，粉絲係唔係都拍手；不過同行兩位見到明星咁開心（我都見到楊千嬅），又令我覺得之後任何一套戲都算幾好睇，因此都係 positive experience...
《Match Point》都會上正場，咁《亂步地獄》有冇機...？
今年冇一部戲令我好期待，反而睇唔到《結婚的秘密》覺得有點可惜... （一張飛有冇人想要...？）

看星看海看夜~(濤)

踏過我踏過的路~ 記得這是 91 年《憶蓮意亂情迷》演唱會其中一個電台 promo...
SL+Dick Lee+周禮茂鐵三角小試牛刀，唔講都唔知係改編歌；F&P 亦標誌著倫永亮的淡出（唔計演唱會同《Sandy 94》），咁《回憶總是溫柔的》個版本係邊個（/點解要）做手腳...？
最新拍賣成交價$330，淨係 cover 幅相都抵；加埋有張 A4 紙文案 quotes [jpg/mdi]，誠意推介~（當年咁細個固然睇唔明，而家就可以當係 post/ colonial discourse...）
作為 collector，其實我不是特別喜歡回首前塵（即係我只是 possessive...？）；世上很多事情唔知好過知，寧願我會記不起...

ps 中學同學 AR 會做倫永亮演唱會嘉賓，冇藉口唔睇啦~