從良...

94年，從來沒這麼情慾過，〈多些那些〉、〈沉淪〉、年尾仲有呢首：
其後從良，愛情結晶品偏向 sweet sweet 或「傷他悶透」，PL 亦「暫別」樂壇，一個時代的終結...
當年應該唔多睇戲，亦唔係好知張愛玲/關錦鵬係何方神聖，因此有理由相信我係因為首歌而入場（《晚9朝5》就未夠稱），從此開始了每年電影節的奔波勞碌（雖然近年已經好少一日走幾場...）。
Veronica 肯定係從良女星之典範：現為三子之母仲聽講話會開銀行；音樂上先行預告，佢唱〈白玫瑰〉時應該冇諗過自己兩年後會做「床前明月光」的飯黏子而不是硃砂痣（當時白玫瑰係 Maggie，而V仲係做緊 '92應召女郎...），下面幅相睇唔出，某幾張劇照佢都幾有家嫂 feel...小蟲為憶蓮製作過三首單曲（〈夢醒無痕〉變奏唔算數），風格迴異兼且反而冇最手到拿來的 R&B；就算當年演繹未算完美（〈給等最久的人〉要到04年先來個大平反），至少有份不是兩文三語的新鮮感。
當年死慳死抵都有買兩隻 soundtrack（《95》&《紅白》），最初我仲一廂情願以為〈願〉係《Sandy '94》first plug，〈玫瑰香〉同《Love, Sandy》就更加係大纜扯唔埋，不過其實聽小蟲幾個演奏 variations 都值回票價，〈欲望之翼〉、〈迴旋〉、〈心饞〉同樣做到風格迴異；J Lee 咁多年令我有最大驚喜反而唔係憶蓮，而係同 George Leong 合作莫文蔚《全身》。hindsight: 紅白玫瑰都揀唔過（於是振保「被逼」劈腿？），平衡利弊基因改造研製出粉紅玫瑰，即是白流蘇所說那種旁人面前的好女人，在你面前做壞女人...
ps 英語日日新：我覺得 "sampler" 呢個字實在唔可以咁樣用...

中四文...

Hawking 訪港，如果冇轉工，可能我都有機會同佢食餐飯...
Form 3 Physics 唔合格，文科班自動當選：每級只得一班，Form 4 Arts 至 Upper 6A 一條走廊四個班房自成木人巷，號稱 "Arts Corridor"；作為 class secretary，除了鋤D兼任計分，小弟最大的建樹應該係一年一度精心設計 user-unfriendly seating plan：24-pin printer 打中英文名，幾先進！
Seating plan 搵唔返，反而在貨倉發掘出中四中文作文簿：拙作大都不堪入目，呢篇算係見得人，前晚10個人睇完都笑到傻，我都好少?得人咁開心...

呢排好多 reunion gatherings，反而都真係冇乜見返中學同學；當年李老師教完 Form 4 頂唔蒲「歸田園居」去教大埔村校，希望冇「被殺」啦...
Prof Hawking，2011年，我去接你機喇...

詭異...

夜晚唔好講人，N 年以來第一次 run into GS，地點竟然是 MK instead of CWB...
世事實在難料，JB、BT、MW都唔得閒先至同 RL 去睇〈我生涯中最美的一周〉，今朝仲夢見 RL 放飛機...
閃靈從此消失：永遠的 Anthony Perkins...

11月6日 晴

比起前幾日，今日算係天氣好喇...
近日睇 Kiewslowski "Dekalog"，神聖不可侵犯，好睇過波蘭對厄瓜多爾，當然更加好睇過早幾年無線所謂「電視電影」...
睇完頭兩集心情沉重，有沖喜之必要，莫失莫忘「這個世界何其美妙」：
世界美妙之處在於世事難料，呢隻白板碟不費吹灰，係 bid 到另一隻時賣家 cross-sell 而得來：布盒豪裝，雖然我頗懷疑封面簽名是否真跡（十幾年冇搵過憶蓮親筆簽名喇...）不過實在唔計得咁多，有好過冇。
白板碟之中呢隻肯定係最多餡：CD 1隻、英文歌詞及中文翻譯各 1張、好細幅相+文案、仲有精心設計剪紙宣揚世界和平：
CD櫃每格放10隻碟，憶蓮有好幾格，而《Wonderful World》名副其實放於櫃桶底，之前亦提及，平日真係好少聽...
順帶一提：久休復出進軍寶島的 SK 與 PL 皆鎩羽，後者於滾旦的代表作可能就係〈I Swear〉同埋呢首... 惟有說句 "I swear Jonathan!"（雖然唔可以怪晒佢而文法上亦唔可以咁樣用 intransitive verb...）

~download source files of images [zip/jpg]~

LL7853

PSB Fundamental special edition 信和竟然賣斷市（得一間有，仲貴過 HMV...），只係幫 AW 買返《百變梅艷芳告別舞台演唱會》；記得「金曲挑戰站」就係播〈Touch〉演唱會片段，當年未有家長指引，唔係右上角就要加個M字（真係好似 "Girlie Show"...）
《關於我關淑怡演唱會》得 CD 冇 DVD ，又繼續等（唱錯咁多歌詞，寧願睇唔寧願聽...）SK 近年呢種技巧式唱腔實在難以現場演繹，「半退休」時期〈萬福馬利亞〉、〈忘記他是她〉、〈繾綣28800bps〉以至〈帶我去跳舞〉首首玩到盡，無以為繼；同陳奕迅《I had a great time》一樣，《e Zone》儲齊10首係真經典...
近日聽返《夜色無邊》（聽的定義是放進 ipod...），尤其感受到《港樂》珍貴：相比之下《夜色》的〈沒結果〉很 raw、很 improvisational... 快歌 medley 又會 prefer 02年 Mardi Gras，最不可多得都係〈決心〉+〈沉淪〉...
Shuffle 到 "This must be the place I've waited years to leave"，令我懷疑係唔係唔應該返轉頭。

原本的主題是〈決心〉4個版本與 SK〈他需要你 她需要你〉vs〈我要的你〉，最後卻變了演唱會巡禮；為免唔記得，quote 返《亂了》文案：「提不起、放不下、就擱著，另外再創新局。」

夏天的故事...

J說我以前鍾意下雨天（literally），不知從何時開始唔鍾意落雨... 呢題又係唔識答，可能係從我覺得衫褲鞋襪比淋雨的暢快更重要時開始...？
94年應該仲係唔討厭落雨：會考後的暑假，903播緊蘭茜夫人劇場《讓我愛你一個夏天》，吳奇隆飾演洛洋、周慧敏飾演方碧君，老套但相襯的名字；鍾意到買埋一套四隻白板碟（本來諗住 post 個封面，不過五個 head shots 實在太冇特色...），四首本地原創：Wyman 嶄露頭角，Mark 當年還是偏向英倫（但總好過而家，都唔明「拉闊黃金十年」點計？）; 四個來自不同唱片公司的歌手：寶記竟然派出大V，當時彭姑係家嫂，估唔到今時今日輪到佢做商台準新抱（究竟結定唔結...？）
〈只等這一季〉如果算係滄海遺珠，係唔係應該歸功於何秀萍...？

近年總是 obsessed with 夏日氣息的歌曲，不是〈太陽傘下〉那種，而是 exotic beat，如朴樹〈生如夏花〉、Suede〈She's in Fashion〉、以至 Fashion Show〈Straight〉（套戲做乜同埋首歌唱乜都係一樣咁唔明） ，recent favorite 係 Belle and Sebastian〈Song for Sunshine〉，行 izzue 聽到問 sales 播緊乜，summer playlist 又多一首...

同場加映「死都唔幫襯」之二：又一城溜冰場對上 Viet's，唔好話我知 "Vietmanese" 係特登...


ps 文字傷人，尤其是把不該說的都說出來的時候；以為是我惹的禍，原來是高估了自己的重要性...

pps 順道祝賀無線電視記者方東昇大壽啦~