蓮誌 2 - and black...

童年你與誰度過...
北角多上海人，福建人亦唔少；小弟籍貫潮州，家住觀塘，總覺得港島區比較高尚，但冇諗過要搬。家中沒有兄弟姊妹，自製空間，左手跟右手捉棋；又偏心左手，第一次跟憶蓮握手都係唔就手地用左手。
回顧式專訪文字版，好多童年照，新相一幀不貴多（反而係黑白）；搵唔返係邊本雜誌（唔係做封面，所以只 keep 內頁），根據內容同埋後頁時裝廣告估計係 92 年（個 DKNY ad 重係寫住 "A JOYCE BOUTIQUE"），寫得頗全面，連 97 去留都問埋。
90/91 年開始當蓮迷，成長路極其量追溯至《Ready》，問我《灰色》song list 都唔識答，更遑論〈高速愛情車〉、〈愛神 Holiday〉之類。
喜歡一個人，要喜歡你的過去嗎？
《Ready》作為分水嶺，與周禮茂的介入相輔相成，於我也是一種對才子之崇拜吧。
做過 903 音樂總監，作過曲（第一首〈我有我的信用卡〉竟然俾葉蒨文唱），監製過唱片（我連黎姿《姿不姿之間》都有買），未有夕德已有唔少周雷，仍然開得了花。
家中書籍雜誌堆積如山：話說我連一大版群星廣告有 1cm x 1 cm 小格的憶蓮亦唔放過，更何況其緊密合作的伙伴？〈至少還有你〉如若無心插柳，則〈天大地大〉必然是苦心經營就如彼此關係。
喜歡一個人，要喜歡你的友伴嗎？
喜歡一個人的時候...

蓮誌 1 - elegance

歲晚大掃除，又搵到「新」貨，91-95 四期《清秀》封面：


91 年係演唱會前夕，$25 買本雜誌覺得好貴，珍而重之搵包書紙包埋，（textbooks 都冇咁神心，我鍾意拆開一個個 chapter，教邊課就帶邊課），張文華操刀，著 Junior Gaultier，或多或少影響我後來豪買 $550 書包返學；92 年躊躇滿志，談情說愛，都係張文華搭 Andrew Yang（Le Salon），不過印象中呢輯 studio 相應該係星工廠宣傳照，可能因為咁封面照做 touch-up，效果跟〈天大地大（Special Effect Ending）〉有得比；93年珠玉在前，唔係我就一定大讚 Prada，篇稿都算寫得唔錯，不過臨尾竟將〈前塵〉誤作〈紅塵〉（斷估唔係講緊〈暖暖紅塵〉啦！）95 年新開始，簡約如 CK、山本、川久保，不變的還有 Robinson；知難退不退？《清秀》於同年年尾停刊，憶蓮 open up，依然盛放。
近年少買雜誌，一來仍然覺得貴，二來少 SL 封面；影相唔容易，不變應萬變，簡約又簡約，浮誇再浮誇：
《Arena Homme+》'06 A/W Bruce Weber 拍 Matt Dillon〈Man & Boy〉，咁又廿幾年：
《W》Jan '07 Steven Klein 拍 Dolce & Gabbana〈In The Raw〉，真身上陣：
HMV 可能仲有得賣...

we wii...

小峽谷之abcd...

你以為我因為A所以B
其實我係因為C所以D

there's no need of you to know
i'm thinking of hell or heaven
/just like i don't get to know
'what on earth is 557?!'

等... 我和你...

其實，唔係好知點寫...
既沒有盪氣迴腸的愛情故事，甚至一直唔知道係原創作品... 惟有旁敲側擊：話說這是少數冇上過榜的單曲：或者 91 年實在過於應接不暇，兩首快歌（〈瘋了〉+〈心野夜〉）為演唱會造勢 + Dick Lee 鋪路，〈多謝〉亦係 encore 格局（點知殺出一首〈戲假情真〉令我誤以為係新歌...），因此唔覺意埋沒了呢首（查實如果票選最多滄海遺珠大碟，我覺得《夢了、瘋了、倦了》應該會贏過《野花》...）話說這是少數冇上過榜的合唱歌：憶蓮大部分合唱歌都有派台宣傳，大部分亦有在演唱會或其他公開場合現場演譯過，呢首印象中似乎冇（另一個 exception 係〈兩個女人〉），連封面都只係兩個 headshots key 埋，還幸我們還有100分（HKU Library 應該搵得返呢期）；順帶一提：這是少數黑膠碟面 label 有相的白板碟。
話說有時會覺得一首如此感覺完美的情歌跟《夢了、瘋了、倦了》的蒼涼有點格格不入（因此如果真係票選 4th plug 應該未必會輪到呢首...），不過那種等待的感覺本身就如憑空想像的虛無，過程就如夢、瘋、倦的歷練；終於見面，一個這樣的男人，原是不適宜和任何人戀愛的。
記不起 幾多季飄過　祝你今天等到 要等的人~

WB-DVD...

據說我係典型金牛座；或許如是，所以我會問點解係 'trailer' 而唔係 'trailers'...
精華 7 段於各大影音產品店舖播放（呢個年代已經唔再係唱片舖或 CD 舖），〈推搪〉、〈本色〉、〈為何他會離開你〉、〈沒有你還是愛你〉、〈至少還有你〉、〈多謝〉、〈Diva〉+〈天大地大〉+〈一分鐘都市 一分鐘戀愛〉，另加插顏聯武 VO，全長 16 分 48 秒。
始終不知道... google 唔到 Eileen Smith，繼續 cold case；今次呢題比較易，獎品亦比較普通。
如有興趣得到老翻 trailer DVD 乙張，只需回答以下簡單問題，並電郵至 wbs@whiteboardsandy.com：
請列出所有華納、華星及滾石時期有派台宣傳但沒有在演唱會唱過的廣東歌（有派台的定義為有出過白板碟或是有上過叱吒榜）